Skip to main content
108

Dette jobopslag er udløbet

Saffiooq Ilulissanut

Royal Greenland A/S Ilulissat pikkorissumik aalajaatsumillu saffiuussarsiorpoq.

Pissanganartumik unammillernartumillu atorfittaarusuppit? Taamaappat Ilulissani nuanneqisumi pilerigisannik atorfittaarnissannut maanna periarfissaqarputit.

Teknikkeqarnermut immikkoortortami sulisut aqqanillit suleqatigissavatit. Taakkuullusi Ilulissani tunisassiorfiup taamatuttaaq Saqqami, Qeqertami Qaanaamilu tunitsiviit teknikkikkut atortut, illut, qamutit assakaasullit umiatsiallu pigisai qaqugukkulluunniit ajoquteqannginnissaannik isumannaatsuunissaannillu qulakkeerinneqatigiittassaasi.

Ilulissani teknikkeqarnermut ingerlatsisoq qullersarissavat.

Suliffimmut atatillugu ullut ukiumut angalaffigisartagassavit arlaliusarnissaat ilimagissavat.

Saffiuutut sulileruit ilaatigut makku suliarisassavatit:

  • Tunisassiorfiup illutaasa, tunisassiornermi atortuisa, qamutaataasa assakaasullit ajoquteqannginnissaannik suliaqarnerup tamakkiisup nalaani pitsaanerpaamik tunisassiorsinnaanissamik qulakkeerinneqataassallutit.
  • Illunut tunisaassiornermilu atortunut aserfallatsaaliinissamut pilersaarutit allattukkat naapertorlugit sulissallutit.
  • Sullivimmi atuakkat najoqqutassat malittarisassallu/ilitsersuutillu attuumassutillit nutartertuarneqarnissaat peqataaffigissallugu.
  • Pitsaassutsimut piumasaqaatit avaqqunneqarneri ingerlaannartumik tunisassiorfimmi ingerlatsisumut nalunaarutigineqartarnissaat isumagissallugu.
  • Tunisassiorfimmi teknikikkut qanoq innerit/aserfallatsaalliinerit ataavartumik misissorneqarnissaat, aammalu allanngortoqassagaluarpat tunisassiorfimmi teknikikkut ingerlatsisumut aamma pitsaassusilerinermi ingerlatsisumut nalunaarutigissallugit aaqqiinissarlu isumagissallugu.
  • Teknikikkut immikkoortortaqarfiup initaani tamani tulleriiaarluartumik torersaanerup/eqqiaanerup tunisassiorfiup pitsaassusiliinermut piumasaqaatai tunngavigalugit ingerlanneqarnissaa peqataaffigissallugu.
  • Suliassaagallartut aalajangersimasut

Tunuliaquttat:

Saffiuutut, maskiinalerisutut assigisaannilluunniit ilinniarsimasuuvutit, sammisavillu iluani assassorissanik suliaqarnermik tunuliaqutaqarlutit.

Inuttut imaapputit:

  • Sullissillaqqissoq, ammasoq sungiussiasorlu
  • Ulapaarfinni tamakkiisumik isiginnissinnaasoq
  • Suliassanik arlalinnik ataatsikkut ingerlatsisinnaasoq
  • Ilakkuminartoq, suleqateqarluarsinnaasoq sullitanullu sullissillaqqissoq
  • Ilisimasanik suleqatinut ingerlatitseqqeerusussuseqartoq
  • Aalajaatsoq, peqqissaarussisoq tunniusimasorlu. Naatsumik oqaatigalugu suleqatitsialak tutsuiginartoq.

Neqeroorutigaavut

Suliffeqarfik pissanganartoq unammillernartorlu tunniussimalluartunik aqutsisulik, pikkorissorpassuarnik sulisulik aamma inuttut suliatigullu ineriartoqqinnissamut periarfissaqarfiulluartoq.

Akissarsiat atorfininnermilu atugassarititaasut piginnaasannut naapertuuttut.

Pisariaqarpat sulisut inissiaannik innersuussisoqarsinnaavoq. Kalaallit Nunaanni sulisunut inissiat pillugit malittarisassat naapertorlugit inigisamut akiliutigineqartartoq il.il. akilerneqartassapput.

Atorfik inuttassarsiuussarput pillugu paasisaqarnerorusukkuit tunisassiorfimmi ingerlatsisumut Stefán Tryggvasonimut sianerlutit allallutilluunniit attaveqarnissannut tikilluaqqusaavutit:

+299 26 22 69, sttr@royalgreenland.com imaluunniit Sulisoqarnermut Siunnersortaaneq Søren Olsen Damgaard +299 54 75 87, sold@royalgreenland.com

Ulloq qinnuteqarfissaq kingulleq tassaavoq 06. novembari 2020.

Tusarfiginissat qilanaaraarput.

Atorfik pillugu paasisaqarnerorusukkuit uunga attaveqarnissannut tikilluaqqusaavutit:

 

Stefán Trgyggvason
Fabrikschef Ilulissat
00299 26 22 69
00299 26 22 69
sttr@royalgreenland.com

 

Ulloq qinnuteqarfissaq kingulleq
6. novemberi 2020

Qinnuteqaat nassiuguk