Soqutiginartumik unammillernartumillu atorfeqarusuppit? Taava periarfissaqalerputit – Royal Greenlandip tunisassiorfiisa annerpaat ilaanni Qasigiannguaniittumi.

Innaallagisserinermut immikkoortortami innaallagisserisutut innaallagisserisoq alla ataaseq, ilinniartoq ataaseq, kiisalu teknikkeqqarnermi ingerlatsisoq peqatigalugit tunisassiorfimmi kiisalu nunaqarfinni marlunni innaallagisserinermut tunngasut immikkoortortami akisussaaffigissavatit. Suleqatigiillusi tunisassiorfimmi Qasigiannguaniittumi nunaqarfinniittunilu innaallagisserinermut suliassat tamarmik qanoq ilinikkulluunniit pitsaanerpaamik isumannaallisaanikkullu naapertuuttumik ingerlanneqarnissaat isumagissavarsi.

Qasigiannguani teknikkeqarnermut ingerlatsisoq qullersarissavat.

Ukiup ingerlanerani nunaqarfinnut angalasarnissat naatsorsuutigissavat.

Pingaarnertut suliassatit makkuussapput:

Teknikkeqarnermi ingerlatsisoq suleqatigalugu immikkoortortaq pitsaanerpaamik ingerlanissaa.

Ingerlatsinermik pilersaarusiorneq, ataqatigiissaarineq kiisalu tunisassiorfimmi maskiinanik atortunillu innaallagiatortunik aserfallatsaaliineq ingerlatsinerlu.

Tunisassiorfimmi Sisimiuniittumi ingerlatsisut aamma Sarfannguani Itillimilu tunitsivinni aqutsisut suleqatillu allat qanimut suleqatigalugit tunisassiorfimmik tunitsivinnillu aserfallatsaaliineq.

Tunisassiorfiit tunitsiviillu oqartussat piumasaqaataanik eqquutsitsinissaasa qulakkeernissaa

Paasissutissanik HACCP-imut ikkussuinermi suleqataaneq

Suliffeqarfimmi immikkoortortat akimorlugit suliffeqarfissuarmilu suliniuteqarnermut aqutsisut qanimut suleqatigalugit suliniuteqaqataaneq

Sanatitsinermut allanngortiterinermullu akisussaaqataaneq – matumani ingerlatsinermut aserfallatsaaliinermullu aningaasartuutinik aqutsillunilu malittareqqiineq

Piginnaasatit:

Innaallagisserisutut iml. Installatør-itut ilinniarsimasoq.

Siemens PLC, frekvensomformer aamma softstarter taavalu aqutsinermut teknikkeqarneq pillugu ilisimasalik

Inuussutissalerinermi, tunisassiornermi aqutsinermilu innaallagisserinermik teknikkeqarnermut misilittagaqarluarputit

KPI-nik suliaqarnermik, matumani anguniagassanik aalajangersaanermik kiisalu atuutsitsilernissamik malittareqqiinermillu misilittagaqarputit. Aqutsisutut misilittagaqaruit iluaqutaassaaq.

Namminersorsinnaallutillu, aalajaallutillu qajannaatsuuvutit.

Suleqatikkuminartuuvutit

Misissueqqissaarlutit aaqqissuulluakkamik tamakkiisumillu isiginnittaaseqarlutit sulisarputit

Paasissutissat misilittakkatillu naapertorlugit nammineq aalajangiisinnaavutit

Nammineq suliffeqarfillu sinnerlugu anguniagaqartuuvutit

Kalaallisut allassinnaallutillu oqalussinnaavutit, kiisalu danskisut tuluttullu sapinnginnissat iluaqutaassaaq.

Qarasaasiamik atuisinnaavutit, ajornanngippallu SAP atorlugu suliaqarsinnaavutit.

Neqeroorutigaagut

Suleqatigiinni tunniusimasuni suliat soqutiginarlutillu unammillernartut, tunisassiorfimmi suleqaterpassuit pikkorissut, aamma inuttut suliatigullu ineriartornissamut periarfissagissaarneq.

Piffissap ilaanni sulinerit nikerarsinnaallutillu sapaatip-akunnerata naanerani sulisoqarsinnaassaaq.

Aningaasarsiat atorfininnerlu pillugit atugassarititaasut piginnaasannut naapertuuttut. Inatsisit atuuttut naapertorlugit pigisanik assartuineq, ilinnut ilaquttannullu suliffeqarfiup akiligaanik atorfiniffissamut atatillugu angalaneq.

Qasigiannguani sunngiffeqarneq ilaatigut pinngortitamik kusanarluinnartumik peqatigiiffilerinermillu eqeersimaartumik aallussisinnaanermik periarfissiivoq.

Atorfik pillugu paasisaqarnerorusukkuit Qasigiannguani teknikkeqarnermut ingerlatsisoq Hermann Petersen oqarasuaammut +299 52 63 40-imut sianerlutit, hepe@royalgreenland.com-imut allallutit imaluunniit Sulisoqarnermut siunnersortaaneq Søren Olsen Damgaard oqarasuaammut +299 54 75 87-imut sianerlutit, sold@royalgreenland.com-imut allallutit saaffigissallugit tikilluaqqusaavutit.

Qinnuteqarfissaq kingulleq 28. april 2023.

Tusarfiginissannut qilanaarpugut.