Skip to main content
62

Dette jobopslag er udløbet

Royal Greenlandip Maniitsumi tunisassiorfia pitsaassusilerinermi aqutsisussarsiorpoq

Royal Greenlandip piumasaqaatai peqqinnissamut pitsaassusilerinermullu tunngasut malinneqarnissaat qulakkeerumallugu pitsaassusilerinermi aqutsisutut tunisassiorfiup laboratoriaani aqutsineq akisussaaffigissavat.

Pitsaassusilerinermi aqutsisutut Maniitsumi tunisassiorfimmi tunisassiat pitsaassusaannik malittareqqiinissaq, nammineq nakkutilleeriaatsimik ineriartortitsineq attassinerlu, tunisassiorfimmi nammineq misissuineq isissueqataanerlu pingaarnertut akisussaaffigissavatit.

Pingaarnertut suliassatit ilaatigut makkuussapput:

  • Tunisassiornermut ilitsersuutit naapertorlugit tunisassianik misissuineq, aamma tunisassiat attartussusaat kiisalu uumassusilinnik tappiorannartoqassusaat akooruteqassusaallu paasiniarlugit misissugassanik tigusineq
  • Aalisakkanik tunisassiorfimmi nikingasoortoqaraangat ajornartorsiutinik aaqqiineq
  • Nammineq nakkutilliisarnernik ilitsersuutinillu misissuineq
  • Eqqiluisaarneq pillugu ilinniartitsineq
  • SAP atorlugu naammagittaalliuutinik suliarinninneq
  • Tunisassiorfimmi misissuinernik oqartussaasunillu pulaartoqartarneranik malittareqqiineq
  • Malittarisassat atuuttut tunisassiorfimmilu ingerlatsisup ilitsersuutai naapertorlugit pisiniarneq
  • Pilersaarusiorneq, matumani assigiinngitsunik pitsanngorsaanissamut pilersaarusiorneq
  • Ilulissat nunaqarfiini pitsaassusilerinermi tunngaviusumik akisussaasuuneq

Ilulissani tunisassiorfimmi ingerlatsisoq qullersarissavat.

Piukkunnaatit piumasaqaatillu
Inuussutissanik tunisassiorneq namminerlu misissuineq misilittagaqarfigaatit kiisalu qarasaasiamik (MS Officemik aamma sapinngisamik SAP-imik) atuisinnaallutit. Tunisassioriaatsinik paasisimasaqarluarusuttarputit suliaqarfiginissaallu soqutigisaqarfigalugit.

 

Taamatuttaaq makku piukkunnaatigaatit:

  • Suliatigut tunngasumik tunuliaqutaqarputit soorlu tunisassiorfinni laborantitut imaluunniit inuussutissalerinermut tunngasumik ingerlaqqiffiusumik ilinniagaqartuuvutit
  • Aqutsisuuneq pikkoriffigaat
  • Attaveqaqateqallaqqipputit suleqatiginnissinnaalluarlutillu
  • Suliassaqarfiit suugaluarpataluunniit atassuteqarfigisinnaavatit inunnullu tamanut atassuteqallaqqillutit
  • Aaqqissuulluakkamik suleriaaseqarputit nammineersinnaassuseqarlutillu, ullunilu ulapaarfiusuni tamakkiisumik isiginnissinnaallutit
  • Qinnuteqartut marluinnik (kalaallisut danskisullu) oqaasillit salliunneqassapput
  • Minnerunngitsumillu qiimasuuvutit

Neqeroorutigaavut

  • Ilinnuinnaq isumaqatigiissutaasoq naapertorlugu piginnaasatillu aallaavigalugit akissarsiaqartinneqarneq
  • Kalaallit Nunaanni suliffeqarfinni anginerpaami atorfik pissanganartoq
  • Ullut suliffiit pissanganartut unammillernartorpassuarnik toraagassaqarfiusut suliffillu angalanissamut periarfissalik
  • Suleqatigiit ataqatigiilluartut
  • Pisariaqarpat sulisut inaannik innersuussaqarsinnaavugut
  • Pingortitami alutornarluinnartunik sulinngiffimmi misigisaqarnissamut periarfissat

Pitsaassusilerinermi aqutsisutut atorfik inuttassarsiuussarput pillugu paasisaqarnerorusukkuit tunisassiorfimmi ingerlatsisumut Susanne Marie Olsen sianerlutit allallutilluunniit attaveqarnissannut tikilluaqqusaavutit; + 299 54 77 13, sumk@royalgreenland.com

Atorfik nittartakkatsinni www.royalgreenland.com-imi qinnutigisinnaavat.

Ulloq qinnuteqarfissaq kingulleq: 20. April 2018.

Royal Greenland pillugu uani annertunerusumik atuarsinnaavutit: www.royalgreenland.gl Royal Greenland suliffeqarfiuvoq Kalaallit Nunaanni sorlaqarluartoq. Aalisarnermi, tunisassiornermi aalisakkanillu pitsassuarnik nunarsuup sinneranut tuniniaanermi sulisuvut 1.800 missaanniipput. Suliffeqarfissuaq ullumikkut namminerisaminik kilisaataateqarpoq nutaalianillu suliffissuaateqarluni Kalaallit Nunaanni, Danmarkimi, Tysklandimi, Canadami Polenimilu. Danmarkimi, Tuluit Nunaanni, Tysklandimi, Frankrigimi, Italiami, Sverige Japanimilu tuniniaaveqarpugut.