Skip to main content
93

Dette jobopslag er udløbet

Royal Greenlandip kilisaateqarfia ingerlatsinermut ataqatigiissaarisussarsiorpoq

Kalaallit Nunaanni inuussutissarsiutini pingaarnerpaami suleqataarusuppit? Royal Greenlandip kilisaataataanik aqqaniliusunik ulluinnarni pingaarnertut ingerlatsinermi suleqataasutut imminut takorloorsinnaavit? Taamaappat Royal Greenlandip qullersaqarfiani Nuummiittumi suleqatigilerusuppatsigit.
 

Atorfik inuttassarsiuussarput kilisaateqarfiup ingerlatsinermut immikkoortortaani inissisimavoq. Immikkoortortami tassani sulisut eqeersimaartut arfiniliupput, taakkulu pingaarnertut suliassaat Royal Greenlandimi taamatuttaaq umiarsuaatileqatigiiffiit piginneqataaffigisat kilisaataataannik ingerlatsinermut pilersaarusiornermullu tunngapput.
 

Quersuarni aqutsinermik misilittagaqarluartumik aammalu quersuarni sulinermi umiarsuarnillu usingiaanerni suleqataalluarsinnaasumik taamatuttaaq kilisaatit tulakkaangata usingiarnissanut peqqumaateqartuaannarnissatsinnut allatsitsisoqartarnissaanik qulakkeerinnissinnaasumik sulisussarsiorpugut.

Taamatuttaaq poortuutissanut, quersuarnut nalunaarsukkanullu tunngatillugu allaffissornikkut pilersaarusiorneq, aalajangiineq aaqqiissuteqarnerlu akisussaaffigisartussaagakkit aningaasaqarnermik missingersuutinillu aqutsineq misilittagaqarfigigukku iluarineqassaaq.

Suliassatit ilaatigut tassaassapput suleqatinut kilisaatinilu inuttanut ikorfartuineq, pisanik nalunaarsuineq, poortuutissat allattorsimaffiinik suliarinninneq, kioskimiittuutinik taquanillu nalunaarsuineq taamatuttaaq suliassaagallartut aalajangersimasut.

Tunuliaquttat

Quersuarni aqutsinermut tunngasutigut inuussutissarsiornermik misilittagaqarputit, tamatumani kilisaatini pisariaqartinneqartartut ilisimasaqarfigigukkit iluarineqassaaq

Nalunaarsuummik SAP-imik assigisaanilluunniit soorlu ERP-imik atuinermik misilittagaqaruit iluarineqassaaq

Pilersaarusiornermi suleriutsinik misilittagaqarputit paasissutissanillu nalunaarsuineq sungiusimallugu.

Pisiortornermi suleriutsinik, ingerlatsinermi nakkutilliinermik, quersuarni aqutsinermik aamma/imaluunniit tunisassiornermut tunngasunik suliaqarnermik misilittagaqarputit

Piffissamik eqqorluaallutit peqqissaartumik aaqqissuulluakkamillu suleriuseqarputit

Tamakkiisumik isiginnittarlutillu malittareqqiinermut tunngasunik suliaqarnissannut kajumissuseqarputit.

Suliassanik assigiinngitsunik ingerlataqarsinnaavutit

MS Officemik atuinermik misilittagaqarputit

Kalaallisut, qallunaatut tuluttullu allassinnaallutillu oqalussinnaavutit

Neqeroorutigaavut

Atorfininnermut isumaqatigiissut immikkut ittoq

Kalaallit Nunaanni inuussutissarsiutini pingaarnerpaami suliatigut inuttullu ineriartortikkumallutit isummersoqatigiinneq, ilinniartitsineq pikkorissartitsinerlu

Altantikup Avannaata imartaani avataasiortunut tamanut atassuteqarnertalimmik ulluinnarni suliassat allanngorartut

Atorfik inuttassarsiuussarput pillugu apeqqutissaqaruit ingerlatsinermi tunisassiornermilu ingerlatsisumut Johan ´Erni´ Berthelsenimut sianerlutit allallutilluunniit attaveqarnissannut tikilluaqqusaavutit: 36 13 71, jobe@royalgreenland.com.

Atorfik inuttassarsiuussarput pillugu trawlerdrift@royalgreenland.com-imut allallutit qinnuteqarsinnaavutit.
Ulloq qinnuteqarfissaq kingulleq tassaavoq sapaat oktobarip 11-at 2020.

Royal Greenland pillugu uani annertunerusumik atuarsinnaavutit: www.royalgreenland.gl Royal Greenland suliffeqarfiuvoq Kalaallit Nunaanni sorlaqarluartoq. Aalisarnermi, tunisassiornermi aalisakkanillu pitsassuarnik nunarsuup sinneranut tuniniaanermi sulisuvut 1.800 missaanniipput. Suliffeqarfissuaq ullumikkut namminerisaminik kilisaataateqarpoq nutaalianillu suliffissuaateqarluni Kalaallit Nunaanni, Danmarkimi, Tysklandimi, Canadami Polenimilu. Danmarkimi, Tuluit Nunaanni, Tysklandimi, Frankrigimi, Italiami, Sverige Japanimilu tuniniaaveqarpugut.

Send ansøgning