Skip to main content
130

Dette jobopslag er udløbet

Royal Greenlandip Ilulissani tunisassiorfia tunisassiornermi aqutsisutut sulisussamik pissarsiorpoq

Tunisassiorfimmi aqutsisutut tunisassiorneq pilersaarusiornerlu akisussaaffigissavatit. Taamatuttaaq tunisassiorfimmi sulisut aqutsisuinut aqutsisuuneq akisussaaffigissavat.

Tunisassiassalerinerup ingerlanneqarnera nioqqutissallu naammasseriikkat pitsaassusaat piumasaqaatinut naapertuunnissaat qulakkeertassavat.

 

Tunisassiornermi aqutsisutut Ilulissani tunisassiorfimmi tunisassiat pitsaassusaannik malittareqqiineq, nammineq nakkutilliisarnernik ineriartortitsineq attassinerlu aamma tunisassiorfimmi nammineq misissuisarnerit ingerlanneqartarnissaat pingaarnertut akisussaaffigissavatit.

 

Pingaarnertut suliassatit ilaatigut makkuussapput:
·       Immikkoortortami tunisassiorfiusumi ulluinnarni ingerlatsinermut tamatumanilu sulisunik aqutsinermut akisussaasuuneq
·       Immikkoortortami suliaqarnermi ullormut suliassat pillugit pilersaarusiorneq
·       Immikkoortortami sulisussat pillugit pilersaarusiorneq
·       Immikkoortortami ataavartumik pitsanngorsaasoqartarnissaanik qulakkeerinninneq
·       Sulisut aqutsisuinik sulisunillu sulilersitsinermut soraarsitsinermullu akisussaasuuneq
·       Immikkoortortami sulisunik ataavartumik piginnaanngorsaasoqartarnissaanik qulakkeerinninneq
·       Ilitsersuutit/najoqqutassat tunisassiorfimmit malinneqartussat  malinneqarnissaannik qulakkeerinninneq
·       Isumannaallisaanermut malittarisassat atuuttut malinneqartuarnissaannik qulakkeerinninneq
·       Suleqatinut kajumissisitsineq maligassiuilluarnerlu
·       Immikkoortamut missingersuusioqataaneq
·       Immikkoortortami ingerlatsinermut atortunik pisiortorneq pisiortornissamullu missingersuusianik malinninneq
·       Naammagittaalliuutinik suliarinninneq taakkununngalu akissutiliorneq
·       Tunisassiorfimmi ingerlatsisoq qullersarissavat.

 

Piukkunnaatit piumasaqaatillu
Inuussutissanik tunisassiorneq namminerlu nakkutilliineq misilittagaqarfigaatit, taamatuttaaq qarasaasiamik (MS Officemik sapinngisamillu SAP-imik) atuineq piginnaasaqarfigalugu. Tunisassioriaatsit ilikkarnissaat pikkoriffigaat soqutigalugulu.

 

Taamatuttaaq: 
·       Aalisakkanik tunisassiorneq misilittagaqarfigaat imaluunniit inuussutissalerisutut ingerlaqqiffiusumik ilinniarsimasuuvutit
·       Aqutsillaqqipputit
·       Attaveqateqallaqqipputit suleqateqallaqqillutillu
·       Immikkoortortanut inunnullu tamanut attaveqallaqqillutit
·       Aaqqissuulluakkamik namminersortumillu suleriaaseqarputit ulluinnarnilu ulapaarfiusuni tamakkiisumik isiginnissinnaallutit
·       Qinnuteqartut marluinnik oqaasillit (kalaallisut danskisullu) salliunneqassapput
·       Minnerunngitsumillu qiimasuullutit

 

Neqeroorutigaavut
·       Atorfininnermi atugassarititaasut immikkut ittut naapertorlugit piginnaasatillu aallaavigalugit isumaqatigiissuteqarnikkut akissarsiaqartitsineq
·       Kalaallit Nunaanni suliffeqarfiit annersaanni atorfik pissanganartoq
·       Suleqatigiit ataqatigiilluartut
·       Sulisut inaannik pisariaqartitsiguit innersuussaqarsinnaavugut
·       Pinngortitami sunngiffimmi asseqanngitsumik misigisaqarnissamut periarfissat

 

Tunisassiornermi aqutsisutut atorfik inuttassarsiuussaq pillugu paasisaqarnerorusukkuit tunsassiorfimmi ingerlatsisumut Thara Jeremiassenimut +299 52 44 97-mut sianerlutit imaluunniit mailikkut thaj@royalgreenland.com-mut allallutit paasiniaasinnaavutit, aamma sulisoqarnermi siunnersortimut Carina Isbosethsenimut oqarasuaammut +299 36 13 16-mut sianerlutit imaluunniit mailikkut cais@royalgreenland.com-mut attaveqarsinnaavutit.

 

Atorfik nittartagarput aqqutigalugu qinnuteqarfigisinnaavat: https://www.royalgreenland.gl/ilinniarneq--suliffissat/suliffissat/atorfiit-inuttassarsiuussat/

 

Ulloq qinnuteqarfissaq kingulleq: 24. juuli 2022.