Skip to main content
144

Dette jobopslag er udløbet

Royal Greenlandi pisisartunut sullissisartussarsiorpoq

 

Pilersaarusiornikkut toqqaannartumillu tuniniaanermik suliatigut aallussaqarneq nuannaraajuk? Taamaappat tuniniaasutut atorfik una suliffigilerukku pisisartunut atassuteqarnerulernissamik tunisassiatsinnillu Kalaallit Nunaanni suliffeqarfinnut pisortallu suliffeqarfiutaannut tuniniaanermik suliaqarfigisassat paasisassarsiorfiginerusariaqarpat.

Nunatsinni tunisassianik tuniniaavitsinni immikkoortortami sulisut pikkorissut pingasut qiimasut pissanganartunillu suliaqartartut suleqatigissavatit.

Suliassat tamalaajusut pisisartut pisisartoriinnarnissaannut, tuniniaanermut, niuerfinnik misissueqqissaarinermut, nioqqutissanik allatsitsinernik minnerunngitsumillu susassaqartitsinermut suliniutilerinernullu assigiinngitsunut attuumassuteqarput.

Suliarisartagassatit makkuupput:

  • Noqqaassutinik suliaqarneq
  • Akiligassiissuteqarneq / malittareqqiineq
  • Kalaallit Nunaanni igaffissuaqarfinnik niuerfigineqarsinnaasunik misissueqqissaarineq
  • Igaffissuaqarfinnut tuniniaaneq
  • Susassaqartitsineq / Suliniutilerineq
  • Tapiissuteqartitsineq
  • Tunisassianik sulisunit pisiarineqarsinnaasunik noqqaassutinik suliaqarneq + Nunatsinni tunisassianik sulisunut pisiniartitsineq
  • Suliassaagallartut aalajangersimasut

Inuttut ammasuuvutit, sullissilluarnermik pingaartitsisuuvutit, peqqissaartumik suleriuseqarputit suliassanillu amerlasuunik ataatsikkut suliaqarsinnaavutit. Tuniniaanermik misilittagaqaruit aammalu assartuinermi assartugalerinermilu ataqatigiissaarinermi unammillernartuusinnaasut ilisimasaqarfigigukkit iluarineqassaaq. Taamatuttaaq naatsorsuuserinermik piginnaasaqarputit aammalu akiligassiissuteqartitsineq naatsorsuutitigullu malittareqqiisoqartarnissaanik qulakkeerinninneq paasisisimasaqarfigaatit.

Tunuliaquttat:

  • Ujartuinikkut tuniniaanermik misilittagaqarputit
  • Pisisartunut nutaanut ujartuinikkut ataavartumillu tuniniaanermik namminersorluni suliaqarneq sungiusimavat
  • Suleqateqallaqqissuuvutit
  • Atorfimmut inuttassarsarsiuussatsinnut assingusumik atorfeqarnikkut tuniniaanermik ukiuni arlalinni misilittagaqarputit
  • Tuniniaanermut / nittarsaassinermut tunngasutigut ilinniarsimasuuguit iluarineqassaaq

Neqeroorutigaavut:

  • Akissarsiat atorfininnermilu atugassarititaasut piukkunnaatinnut tulluartut
  • Kalaallit Nunaanni suliffeqarfinni anginerpaami atorfik pissanganartoq
  • Ulluinnarni suliassat unammillernartorpassuallit
  • Suleqatit pikkorissut ataqatigiilluartut

Atorfik inuttassarsiuussarput pillugu paasisaqarnerorusukkuit tuniniaanermut ingerlatsisumut Malik Hegelund Olsenimut sianerlutit allallutilluunniit saaffiginninnissannut tikilluaqqusaavutit: +299 36 1302, malo@royalgreenland.com

Ulloq qinnuteqarfissaq kingulleq: Juunip 30-at 2019.

 

Royal Greenland pillugu uani annertunerusumik atuarsinnaavutit: www.royalgreenland.gl Royal Greenland suliffeqarfiuvoq Kalaallit Nunaanni sorlaqarluartoq. Aalisarnermi, tunisassiornermi aalisakkanillu pitsassuarnik nunarsuup sinneranut tuniniaanermi sulisuvut 1.800 missaanniipput. Suliffeqarfissuaq ullumikkut namminerisaminik kilisaataateqarpoq nutaalianillu suliffissuaateqarluni Kalaallit Nunaanni, Danmarkimi, Tysklandimi, Canadami Polenimilu. Danmarkimi, Tuluit Nunaanni, Tysklandimi, Frankrigimi, Italiami, Sverige Japanimilu tuniniaaveqarpugut.

 

Atorfik pillugu paasisaqarnerorusukkuit uunga attaveqarnissannut tikilluaqqusaavutit:

Malik Hegelund Olsen 
Salgschef
+299 361302
+299 585757
malo@royalgreenland.com

 

Ulloq qinnuteqarfissaq kingulleq:
30. juni 2019

 

Qinnuteqaat nassiuguk