Skip to main content
132

Dette jobopslag er udløbet

Royal Greenland A/S Paamiuni pikkorissumik tamatigoortumillu saffiuussarsiorpoq

Pissanganartumik unammillernartumillu atorfittaarusuppit? Taava periarfissaqalerputit – Royal Greenlandip tunisassiorfiisa anginerit ilaanni Paamiuni.

 

Teknikkeqarnermut immikkoortortami pikkorissut sulisut arfineq-pingasut suleqatigissavatit. Teknikkeqarneq illuutillu, kiisalu assakaasullit Maniitsumiittut nunaqarfinniittullu qanoq ilinikkulluunniit pitsaanerpaamik isumannaatsumillu atorneqarsinnaanissaat taakkuullusi isumagissavarsi.

 

Paamiuni teknikkeqarnermut ingerlatsisoq qullersarissavat.

 

Sulininnut atatillugu angalasarnissat naatsorsuutigissavat.

 

Saffiuutut atorfinikkuit suliassavit ilaat makkuussapput:

 

*       Tunisassiorfiup illutai, tunisassiornermut atortut aamma assakaasullit tunisassiornerup ingerlaannarnissaa qulakkeerniarlugu ajoquteqannginnissaat.

*       Illuutinik tunisassiornermullu atortunik aserfallatsaaliinissamut pilersaarutit pioreersut naapertorlugit sulinissaq.

*       Quppersakkat ilitsersuutillu sannavimmut atuuttut naapertorlugit aserfallatsaaliinissaq.

*       Pitsaassusissamit aalajangersakkamit nikingasoqaraangat tunisassiorfimmi teknikkeqarnermut ingerlatsisumut attaveqartarnissaaq.

*       Tunisassiorfimmi teknikkeqarneq/aserfallatsaaliineq pillugu ataavartumik nakkutilliineq kiisalu nikingasoqarpat teknikkeqarnermi ingerlatsisumut pitsaassusilerinermi ingerlatsisumullu ilisimatitsillunilu aaqqiissuteqarneq.

*       Teknikkeqarnermut immikkoortortami init suliffiusartut tamarmik tunisassiorfiup pitsaassusilerinermi aalajangersagai naapertorlugit aaqqissuussamik torersarneqarlutillu eqqiarneqartarnissaat.

*       Suliassat takkussuuttut allat

 

Piginnaasatit:

Saffiuutut, maskiinalerisutut, mekanikeritut teknikkeqarnermiluunniit tunuliaqutilittut ilinniarsimasuussaatit, aammalu suliaqarfinni misilittagaqarluartuussaatit. 

Inuttut imaattuuvutit:

 

  • Sullissilluartoq, inussiarnersoq sungiussiasoorlu
  • Ataatsikkut arlalinnik suliaqarsinnaasoq
  • Qiimallunilu suleqatigiinnissamik sullissinissamillu anguniagaqartoq
  • Ilisimasaminik suleqatiminut ingerlatitseqqiinissamut piumassusilik
  • Aalajaatsoq, eqquilluartartoq tatiginartorlu. Naatsumik oqaatigalugu suleqataalluartoq tatiginartorlu

Aammattaaq:

-       Piffissani nikerartuni sulisinnaassaatit

-       Piffissap ilaani sulifissat pillugit pilersaarut naapertorlugu sapaatip-akunnerata naanerani sulisinnaassaatit

 

Neqeroorutigaarput

Suliffeqarfik pissanganartoq unammillernartorlu suleqatigiiaallu tunniusimalluartut, pikkorissorpassuarnik sulisulik aamma inuttut suliallu tungaatigut ineriartoqqinnissamut periarfissaqarfiulluartoq.

 

Akissarsiat atorfininnermullu atugassarititaasut piginnaasannut naleqquttut.

Pisariaqassappat sulisut inissiaannik innersuussisoqarsinnaavoq.  Inimut akiliutit il.il. nunatsinni sulisut inissiaat pillugit malittarisassat atuuttut naapertorlugit akilerneqartassapput.

 

Atorfik pillugu paasisaqarnerorusukkuit teknikkeqarnermi ingerlatsisoq Michael Solheyg oqarasuaammut +299 22 37 28-mut sianerlutit imaluunniit e-mailimut msol@royalgreenland.com-imut allallutit saaffigisinnaavat imaluunniit Sulisoqarnermut siunnersortaaneq Søren Olsen Damgaard oqarasuaammut +299 54 75 87 sianerlutit imaluunniit e-mailimut sold@royalgreenland.com-imut allallutit saaffigisinnaavat.

 

Qinnuteqaat tuugassaq ataaniittoq nittartakkatsinnullu ingerlatitseqqiisartoq toorlugu qinnuteqaat nassiuguk:

 

https://www.royalgreenland.com/da/royal-greenland/jobs/jobmuligheder/

 

Qinnuteqarfissaq kingulleq 12. juli 2021.

 

Tusarfiginissat qilanaaraarput.