Skip to main content
106

Dette jobopslag er udløbet

Royal Greenland A/S Paamiuni innaallagisserisussarsiorpoq

Teknikkilerinermut immikkoortortami teknikkilerisoqatigiinnik suleqateqassaatit. Ikioqatigiillusi Paamiut tunisassiorfiani teknikkeqarnerup, illup qamutillu pitsaanerpaamik isumannaatsumillu ingerlanneqarnissai isumagissavasi.

Tunisassiorfiup ulapaarfiani sulisut paarlakaallutik holdit marlunngorlutik sulisarput, taamaammallu sulisarnerit nikerartut naatsorsuutigineqassaput. Ukiup ingerlanerani sulinermut atatillugu angalasinnaanerit aammattaaq ilimagineqarsinnaapput.

Teknikkilerinermi ingerlatsisoq ittorissavat.

Innaallagisserisutut sulileruit makku ilaatigut suliarisassavatit:

  • Suliatigut ingerlatsineq tunisassiorfimmilu maskiinanik innaallagissallu aqqutaannik aserfallatsaaliineq
  • Tunisassiorfimmi nutaanik maskiinalersuineq
  • PLC/VLT-mik ingerlatsineq
  • Aggersarneqarluni suliartoqqusaaneq– pigaartuuneq
    (kørekortilimmik piumaneruvugut)

Tunuliaqutat:

Innaallagisserisutut/suliffissuarmi innaallagisserisutut ilinniarsimasuussaatit.

Inuttut imaapputit:

  • Sullissillaqqissoq, ammasoq sungiussiasorlu
  • Ulapaarfinni tamakiisumik isiginnissinnaasoq situationer
  • Suliassanik arlalinnik ataatsikkut ingerlatsisinnaasoq
  • Ilakkuminartoq, suleqateqarluarsinnaasoq sullissillaqqissorlu
  • Suleqatinut ilisimasanik ingerlatitseqqeerusussuseqartoq

Makkua neqeroorutigaavut

Suliffeqarfik pissanganartoq unammillernartorlu tunniussimalluartunik aqutsisulik, pikkorissorpassuarnik sulisulik aamma inuttut suliallu tungaatigut ineriartoqqinnissamut periarfissaqarfiulluartoq.

Akissarsiat atorfininnermilu atugassarititaasut piukkunnaatinnut tulluartut.

Sulisut inissiaannik innersuussisoqarsinnaavoq. Inissiaq inatsisit atuuttut naapertorlugit attartorneqassaaq.

Atorfik pillugu paasisaqarnerorusukkuit teknikkikkut ingerlatsisoq Otto Petersenimut attaveqarnissannut tikilluaqqusaavutit, normumut uunga sianerlutit: +299 68 43 43, imaluunniit e-mailimut uunga allallutit: otpe@royalgreenland.com, imaluunniit Tunisassiorfimmi ingerlatsisumut Jan Jørgensenimut sianerlutit uunga: +299 68 43 40, allallutilluunniit uunga: jajo@royalgreenland.com

Qinnuteqarfissaq kingulleq tassaavoq 31.08.2019.

Royal Greenland pillugu uani annertunerusumik atuarsinnaavutit: www.royalgreenland.gl Royal Greenland suliffeqarfiuvoq Kalaallit Nunaanni sorlaqarluartoq. Aalisarnermi, tunisassiornermi aalisakkanillu pitsassuarnik nunarsuup sinneranut tuniniaanermi sulisuvut 1.800 missaanniipput. Suliffeqarfissuaq ullumikkut namminerisaminik kilisaataateqarpoq nutaalianillu suliffissuaateqarluni Kalaallit Nunaanni, Danmarkimi, Tysklandimi, Canadami Polenimilu. Danmarkimi, Tuluit Nunaanni, Tysklandimi, Frankrigimi, Italiami, Sverige Japanimilu tuniniaaveqarpugut.