Skip to main content
127

Dette jobopslag er udløbet

Royal Greenland A/S naatsorsuuseriffimmi Nuummiittumi sulisumut ernereernermi sulinngiffeqartussamut taartaasussamik sulisussarsiorpoq

Suleqaterput ernereernermi sulinngiffeqartussanngormat Royal Greenland A/S-ip naatsorsuuseriffiani killilimmik piffissaligaasumi suleqataarusuttumik suleqatissarsiorpugut. Immikkoortortami ingerlalluartumi Nuummi qullersaqarfimmiittumi sulisut arfineq-marluusugut Royal Greenland A/S ingerlatseqatigiiffiillu piginneqataaffigisat sinnerlugit qanimut suleqatigiinnikkut naatsorsuuserinermik naatsorsuutinillu malittareqqiinermik suliaqartarpugut. Suliassavut pingaarnerit makkuupput:

  • Akiligassalerineq - akiligassanik ukiumut 40.000-t missiliorlugit amerlassusiliusartunik nalunaarsuineq, naatsorsuuserineq akiliinerlu.
  • Aalisartunut Royal Greenlandip tunisassiorfiinut tunitsiviinullu 37-usunut tulaassuisartunut ullut tamaasa akiliineq
  • Akiitsunik, kontonik akiliussigallarnernillu Royal Greenlandimut ingerlatseqatigiiffinnullu piginneqataaffigisanut arfineq-marlunnut attuumassutilinnik naligiissaarineq
  • Piffissami aalajangersimasumi ukiumoortumillu naligiissaarinernut, naatsorsuinernut naatsorsuusiornernullu atatillugu suliassat assigiinngitsut

Naatsorsuuserinermi nalunaarsuiffik SAP tassungalu attavilik akiligassanik elektroniskiusunik nalunaarsuiffk atorlugit suliaqartarpugut.

Naatsorsuutigaarput:

  • Suliassanik qulaani taaneqartunik taakkununngalu assingusunik suliaqarnermik misilittagaqarluartutit
  • MS Officemik ingammik Excelimik atuilluarsinnaasutit
  • Aaqqissuulluakkamik peqqissaartumillu suliaqartartutit
  • Suleqateqallaqqissuullutillu ulapaarfinni tamakkiisumik isiginnissinnaassuseqartutit

Naatsorsuutigisinnaavatit:

  • Suliffeqarfissuarmi suliffik pissangarnartoq
  • Suliffeqarfissuarmut tunngasutigut ilinniartinneqarluassasutit paasissutissiivigineqarluassasutillu
  • Akissarsiat atorfininnermilu atugassarititaasut piukkunnaatinnut naleqqussarneqassasut

Qinnuteqartut marluinnik oqaasillit (kalaallisut/qallunaatut) oqaasillit salliunneqassapput.

Atorfimmut atatillugu sulisunut inissiamik innersuussisoqarsinnaanngilaq.

Atorfimmi inuttassarsiuussatsinni suliassat suliassallu annertussusaat pillugit paasisaqarnerorusukkuit immikkoortortami aqutsisumut sianerlutit allallutilluunniit saaffiginnissinnaavutit: 361703, stpe@royalgreenland.com

Atorfinitsitsinerup apriilip aallaqqaataani pinissaa kissaatigineqarpoq. Soqutiginnikkuit qinnuteqaatit kingusinnerpaamik marsip sisamaani nassiuguk linki una aqqutigalugu:

http://www.royalgreenland.gl/da/Afdelinger/HR-afdeling/Ledige-jobs/Ledig...

Atorfimmut inuttassarsiuussamut qinnuteqartunik ataavartumik oqaloqateqartoqartarumaarpoq.

 

Royal Greenland pillugu uani annertunerusumik atuarsinnaavutit: www.royalgreenland.gl Royal Greenland suliffeqarfiuvoq Kalaallit Nunaanni sorlaqarluartoq. Aalisarnermi, tunisassiornermi aalisakkanillu pitsassuarnik nunarsuup sinneranut tuniniaanermi sulisuvut 1.800 missaanniipput. Suliffeqarfissuaq ullumikkut namminerisaminik kilisaataateqarpoq nutaalianillu suliffissuaateqarluni Kalaallit Nunaanni, Danmarkimi, Tysklandimi, Canadami Polenimilu. Danmarkimi, Tuluit Nunaanni, Tysklandimi, Frankrigimi, Italiami, Sverige Japanimilu tuniniaaveqarpugut.

 

Atorfik pillugu paasisaqarnerorusukkuit uunga attaveqarnissannut tikilluaqqusaavutit:

 

Stine Petersen
Afdelingsleder SSC
361703
stpe@royalgreenland.com

 

Ulloq qinnuteqarfissaq kingulleq:
4. martsi 2019

 

Qinnuteqaat nassiuguk