Skip to main content
142

Dette jobopslag er udløbet

Royal Greenland A/S-ip Nuummi qullersaqarfia nerisassalerinermi sullisseriaatsinik ikiortinngorniartumik ilinniartussarsiorpoq

Royal Greenlandip Nuummi qullersaqarfiani nerisarfik nerisassalerinermi sullisseriaatsinik ikiortinngorniartumik ilinniartussarsiorpoq. Nerisassalerineq sulisorpassuarnullu sullissineq nuannaralugulu soqutigisaraajuk? Ullaaralaakkut piffissaq eqqorlugu suliartorneq ileqqorigukku taava illit nerisassalerinermi sullisseriaatsinik ikiortitut ilinniartorerusuppatsigit.

Nerisassalerinermi sullisseriaatsinik ikiortitut ilinniartuulluni sulinermi timikkut atukkat ilungersunartarput. Taamaattumik timikkut tarnikkullu peqqillutillu nukittuujuguit iluaqutaassaaq. Aammattaaq torersumik eqqiluisaartumillu suleriaaseqarnissat, aningaasanik aqutsillaqqissuunissat suleqateqallaqqissuunissallu pingaaruteqarpoq.

Ilinniagaq ukiunik marlunnik qaammatinillu arfinilinnik sivisussuseqarpoq.

Nerisassalerinermi sullisseriaatsinik ikiortitut ilinniarsimasoq igaffimmi, nerisarfimmi, neriniartarfimmi akunnittarfimmilu sulinermik kiisalu kiffartuussinermik tunngaviusumik misilittagaqartussaavoq. Aamma nerisassiassanik nutaarluinnarnik nerisassiornermullu akuutissanik pitsaassusiliisinnaassaaq, sutorniartarfinni nerisarfinnilu nerisassanik assigiinngitsunik sassaalliutigineqartartunik piareersaasinnaassaaq, nerisassiorsinnaassaaq sassaalliisinnaassallunilu kiisalu nammineq aalajangersimasumillu periuseqarluni tuniniaasinnaallunilu neriartortunut sullissisinnaassaaq. Taamatuttaaq nerisassanik, imeruersaatinik il.il. sassaalliutigineqakkajuttartunik nerriviusanut ilioraavinnullu illinnasaaraluni saqqummiisinnaasussaavoq.

Kiisalu eqqiluisaarluartuussaaq.

Suliffik ilinniartumik inuttassarsiuussarput pillugu paasisaqarnerorusukkuit igaffimmi ingerlatsisumut Sune Bjerremut sianerlutit allallutilluunniit saaffiginninnissannut tikilluaqqusaavutit: +299361317, subj@royalgreenland.com  

Nerisassalerinermi ilinniartunngorusukkuit qinnuteqaatit uunga nassiussinnaavat ilinniartoq@royalgreenland.com

Ulloq qinnuteqarfissaq kingulleq: Juuni 15-iat 2019.

Ulloq suliffimmik misiliilluni aallartiffissaq: Piaarnerpaamik