Skip to main content
111

Dette jobopslag er udløbet

Royal Greenland A/S-ip aalisariutaani imarsiortussarsiorneq

Kalaallit Nunaanni aningaasaqarnermut qaffassaavugut, illillu pisariaqartipatsigit! – Aalisarnermi imarsiornermilu atorfeqalerusukkuit periarfissatsialammik tunisinnaavatsigit!

Royal Greenland A/S-ip aalisariutaani ilinniagaqarnissamut periarfissat arlaqarput, imarsiortuuninnilu ilinniagaq sorleq ilinnut tulluarnerusoq paasiniassallugu periarfissaqarputit. Ilinniakkat ilaatigut makkuupput:

  • Angallammi naalagaq
  • Angallammi maskiinalerisoq
  • Angallammi mistali
  • Fiskeriteknologi imaluunniit tunisassiornermi ilinniagaq assingusoq.

Imarsiortuuninni sinerissap qanittuani avataanilu aalisarnermik, raajarniarnermik aalisarnermillu, kilisannermik, ningittakkersornermik ikerinnarsiornermillu ilisimasaqalersinnaavutit, maannalu aalisarneq pillugu siammasissumik ilisimasaqalernissannut periarfissaqalerputit.

Royal Greenland A/S-ip aalisariutaani imarsiortussanik arfinilinniit qulinut amerlassusilinnik, siuariartornissamut ilinniarnissamullu piumassuseqartunik, aalajaatsunik, aalisarnermillu soqutigisaqarluartunik ujaasivugut.

Ilinniarneq pillugu

Kilisaammi/aalisariummi imarsiortutut atuagarsorneq suliffimmillu misiliineq paarlakaatissavatit. Atuagarsornerup ilaa Nuummissaaq, Paamiuniissaaq, Imarsiornermik Ilinniarfimmiissaaq, suliffimmillu misiliineq kilisaammi imaluunniit aalisariummiissaaq.

Ilinniarnerup nalaani imarsiornermi isumannaallisaaneq pillugu tunngaviusumik ilisimasassanik ilinniartitsisoqassaaq. Annaassiniarnermut aalisarnermullu atortut aalisariutiniittut ilisimasaqarfigillualissavatit. Inuussutissarsiutigalugu aalisarnermi tunngaviusumik ilinniartitaanermi suleriutsit pillugit ilinniartinneqassaatit. Aalisariutini immikkoortortat tamaasa suliffigissavatit, soorlu tulattarfimmi pigaartuuneq, igaffimmiuuneq, tunisassiorfimmi aalisakkerinermik ilinniartitaaneq, umiarsuup qaavani atortut pillugit ilinniartitaaneq kiisalu maskiinaqarfimmi motoorit pillugit ilinniartitaaneq.

Illit pillutit

  • Ilinniarnertuujunissat iluaqutaassaaq, (GUX, HTX, HF assigisaallu) angallammi mistalitut fiskeriteknologitullu ilinniaqqinnissannut toqqaannartumik periarfissiisinnaammat
  • Peqqissuussaatit
  • Sullarissuussaatit
  • Ilikkagaqarnissannut piumassuseqarlutillu soqutiginnittuussaatit
  • Maligassiuisuussaatit
  • Pillagaasimanngitsutut allagartaqassaatit

Atorfik pillugu paasisaqarnerorusukkuit inuttalerinermi ingerlatsisoq Mika Heilmann oqarasuaammut 361388-imut sianerlutit imaluunniit mihe@royalgreenland.com-imut allallutit saaffigissallugu tikilluaqqusaavutit.

Qinnuteqaatit ilinniartoq@royalgreenland.com-imut nassiussinnaavat.

Qinnuteqarfissaq kingulleq: 5. august 2019.

Ilinniarnerup aalartinnissaa: 2. september 2019.

Royal Greenland pillugu uani annertunerusumik atuarsinnaavutit: www.royalgreenland.gl Royal Greenland suliffeqarfiuvoq Kalaallit Nunaanni sorlaqarluartoq. Aalisarnermi, tunisassiornermi aalisakkanillu pitsassuarnik nunarsuup sinneranut tuniniaanermi sulisuvut 1.800 missaanniipput. Suliffeqarfissuaq ullumikkut namminerisaminik kilisaataateqarpoq nutaalianillu suliffissuaateqarluni Kalaallit Nunaanni, Danmarkimi, Tysklandimi, Canadami Polenimilu. Danmarkimi, Tuluit Nunaanni, Tysklandimi, Frankrigimi, Italiami, Sverige Japanimilu tuniniaaveqarpugut.