Skip to main content
112

Dette jobopslag er udløbet

Pitsaassusiliinermik Atlantikullu avannarpasissuani aalisakkanik qalerualinnillu pitsaanerpaanik suliaqarusuppit?

  • Taamaappat aalisakkerinerimik aallutaqartartuni pitsaassusilerinermik suliaqartartut pikkorinnerpaat ilaannut suleqataalernissannut periarfissaqarputit. Tassami Royal Greenland qullersaqarfimmi Nuummiittumi pitsaassusilerinermi ataqatigiissaarisutut sulisussanik marlunnik sulisussarsiorpoq.

 

Aalisakkanik qalerualinnillu Atlantikup Avannaata imartaaneersunik nunarsuarmi pilersuisuni siuttunngornissarput anguniagaraarput, anguniagarpullu angujumallugu piumasaqaativut qaffasissut Kalaallit Nunaanni eqquutsinneqarnissaat pitsaassusilerinermik suliaqartunit akisussaaffigineqarpoq. Suleqatigiit aqutsisui, pitsaassusilerinermi ataqatigiissaarisut laborantillu suleqatigiinni pitsaassusilerinermik suliaqartuni suleqataapput, taakkualu immikkut tamarmik - nunami tunisassiorfinni kilisaatinilu tunisassianik - pitsaassusilerinermut tunngasunik suliaqartuupput.

Atorfissat pillugu

Pitsaassusiliinermi ataqatigiissaarisutut atorfimmi siullermi nammineq nakkutilliinerup malinnaaviginissaa tunisassiorfitsinnilu tunisassiarineqartut pitsaassusaat ilaatigut akisussaaffigissavatit. Nammineq nakkutilliinermik aaqqissuussamik najoqqutaqarnissaq atuutsitsilernissarlu qulakkeerlugulu nakkutilliinermut inatsisit atuuttut ilisimasaqarfigalugillu nassuiaassinnaassavatit. Suliassat nalinginnaasut pissuseqatigiiaallu allat suliffeqarfissuarmut soqutiginarsinnaasut pillugit nunatsinni nammineq nakkutilliinermi peqataaneq namminerlu nakkutilliisoqartarnissaanik qulakkeerinninneq Kalaallit Nunaanni, Danmarkimi nunanilumi allani oqartussaasut piumasaqaataat malillugit nammineq nakkutilliinerit pillugit ataavartumik takussutissiortoqartarnissaanik qulakkeerinninneq akisussaaffigissavatit. Sinerissami suleqatitsinnut suliamut tunngasunik siunnersueqataassaatit, nammineq misissuinernik allanillu misissuisitsinernik, taakkualu malittareqqinneqarnissaannik naammassinnittassaatit. Naammagittaalliuutit suliarineqarnissaat tunisassiorfiillu suleqatigalugit aaqqivigineqarnissaat akisussaaffigissavat. Pitsaassusiliinermut tunngatillugu suliffeqarfissuup sinneranut attaveqarnissaq illittaaq akisussaaffigissavat.

Pitsaassusiliinermi ataqatigiissaarisutut atorfiup aappaani pitsaassutsip naammagittaalliuutillu malinnaavigeqqinneqarnissaat pillugit SAP-imi BW-milu paasissutissanik aallersinnaassaatit. Tunnisassiorfiit pitsaassutsimut paasissutissanik SAP-imut immersuisarnissaasa ataavartumik qulakkerneqartarnissaat illittaaq pisussaaffigissavat. Keyuserit peqannginnerini tunngaviusumik paasissutissanik SAP-imut immersuisarlutillu sulilerlaanik ilinniartitsinermi ikiuuttassaatit.

Nakkutilliinissamut pilersaarutit, tunisassiornermut ilitsersuutit tunisassiornermullu malittarisassaliorneq tassunga ilaapput. Meqqilerinermut atortumi Meqqit-mi nunami tunisassiornermi meqqinik atorneqartartunik sananissaq, aserfallatsaaliinissaq akuersisarnissarlu suliassavit pingaarutillit ilagaat. Taamatuttaaq SAP QM-imut immersuinermi laboratorianut ikorfartortaasassaatit. Misissuinermi nikingasoqartillugu pitsaassusermullu tunngasunik unammillernartoqartillugu aaqqiissutissanik aamma nassaarsiortassaatit. Minnerunngitsumik nammineq misissuinermi allanillu misissuisitsinermi ikiuuttassagavit nakkutilliisoqatigiinnut ilaassaatit.

Aalisakkanik Kalaallit Nunaanni pitsaassusilerinermi aqutsisoq qullersarissavat. Atorfimmut atatillugu Kalaallit Nunaanni angalasassaatit.

Tunuliaquttat

Inuussutissanik tunisassiornermut, pitsaassusilerinermut namminerlu nakkutilliinermut tunngasunik suliaqarneq takussutissartalimmik misilittagaqarfigaat. Tamatuma saniatigut laborantitut, fiskeriteknologitut assigisaanilluunniit ilinniarsimasuuvutit.

Nammineq nakkutilliinermut namminerlu nakkutilleeriaatsinik nutarterinermut tunngasunik suliaqartarnikuuvutit. Qarasaasiamik atuineq misilittagaqarfigilluarpat tamatumanilu MS Officemik atuisinnaallutit. SAP-imik assigisaanilluunniit soorlu pitsaassusilerinermi nalunaarsuiffimmik allamik atuisinnaaguit iluarineqassaaq.

Aalajaatsuuvutit aamma aaqqissuulluakkamik peqqissaartumillu aamma ulluinnarni ulapaarfiusuni tamakkiisumik isiginnissinnaassuseqarlutit sulisarputit. Nammineq namminersorlutillu sulisarputit, taamaalisukkulli aamma suleqateqallaqqipputit. Qiimasuuvutit suleriallaqqissuullutillu.

Danskisut tuluttullu allassinnaallutillu oqalussinnaavutit, tamatumanilu kalaallisut aamma allassinnaallutillu oqalussinnaaguit iluarineqassaaq.

Neqeroorutigaavut

Suliassaqarfimmi ineriartupiloortumi atorfiit marluk pissanganarluinnartut aamma suliavit inernerannik tukunniffiusinnaasut. Ullut suliffiit tamatigoortut pissanganartunik unamminartunillu suliaqarfiusartut aamma inuttut suliatigullu ineriartorfiusinnaasut. Akissarsiat piginnaasannut naammassisannullu tulluartut. Sulisut inissiaannik innersuussisoqarsinnaavoq, tamatumanilu Kalaallit Nunaanni sulisunut inissiat pillugit malittarisassat naapertorlugit inigisamut akiliutigineqartartoq il.il. akilerneqartassapput.

Atorfik inuttassarsiuunneqartoq pillugu paasisaqarnerorusukkuit pitsaassusilerinermut ingerlatsisoq Dorthe Korsgaard; +299 58 69 80 sianerfigalugu attavigisinnaavat.

Atorfimmut inuttassarsiuussamut nittartagarput aqqutigalugu qinnuteqarsinnaavutit: www.royalgreenland.gl.

 

Qinnuteqaatit ”Kvalitetskoordinator 1”-imi imaluunniit ”Kvalitetskoordinator 2”

Royal Greenland pillugu uani annertunerusumik atuarsinnaavutit: www.royalgreenland.gl Royal Greenland suliffeqarfiuvoq Kalaallit Nunaanni sorlaqarluartoq. Aalisarnermi, tunisassiornermi aalisakkanillu pitsassuarnik nunarsuup sinneranut tuniniaanermi sulisuvut 1.800 missaanniipput. Suliffeqarfissuaq ullumikkut namminerisaminik kilisaataateqarpoq nutaalianillu suliffissuaateqarluni Kalaallit Nunaanni, Danmarkimi, Tysklandimi, Canadami Polenimilu. Danmarkimi, Tuluit Nunaanni, Tysklandimi, Frankrigimi, Italiami, Sverige Japanimilu tuniniaaveqarpugut.

 

Atorfik pillugu paasisaqarnerorusukkuit uunga attaveqarnissannut tikilluaqqusaavutit:

Dorthe Korsgaard
Kvalitetschef
+299361367
+299 586980
doko@royalgreenland.com

Ulloq qinnuteqarfissaq kingulleq
13. oktoberi 2019

Qinnuteqaat nassiuguk