Skip to main content
88

Dette jobopslag er udløbet

Nerisassalerinermi iggavimmiluunniit ikiortitaarissavatsigit?

Taamaappat Royal Greenlandip qullersaqarfiata tunisassiorfiatalu nerisarfiani ikiortissarsiorpugut.

Nerisarfimmi sulisut qullersaqarfimmi tunisassiorfimmilu sulisunut 130-nut ullut suliffiusut tamaasa ullaakkorsiutiliorlutillu ullup-qeqqasiutiliortarput. Ullaakkut arfineq-marluniit ualikkut pingasut tungaanut sulisarput.

Suliassatit

Nerisarfimmi ingerlatsisorput qullersarissavat, suliassatillu ilaatigut makkuupput:

Qullersaqarfimmi tunisassiorfimmilu sulisunut ullaakkorsiutissaliorlunilu ullup-qeqqasiutissaliorneq

Ilassinninnerni immikkullu ittumik qaaqqusinerni nerisassioqataaneq

Iggavimmi suliassanik allanik, soorlu eqqiaanermik erruinermillu suliaqarneq

Nerisassiassanik pilersaarusioqataaneq

Suliffeqarfissuarmi eqqiluisaarnermut eqqiaanermullu piumasaqaatit eqquutsinneqarnissaannut suleqataaneq.

Illit…

Igasutut imaluunniit nerisassialernermi sullisseriaatsinik ikiortitut ilinniarsimasuullutillu inuppassuarnut peqqinnartunik nerisassionermik suliaqarfimmi assingusumi sulinermik misilittagaqassaatit.

Piffissaq eqqorlugu takkuttartumik, tunniusimasumik, qiimasumik ulapporissumillu suleqatitaarnissarput pingaartipparput.

Royal Greenlandip suut neqeroorutigai?

Suliffik pissanganartoq suliassanik soqutiginartunik unammillenartunillu suliaqarfiusoq ulluinnaallu assigiinngiiaartut neqeroorutigisinnavagut. Inuttut suliatigullu ineriartornissamut periarfissaqarluarpoq, suliavillu inerneri erngerlutit takusinnaassavatit.

Qinnuteqarfissaq

Atorfik pillugu paasisaqarnerorusukkuit, Nerisarfimmi ingerlatsisoq Mona hansen oqarasuaammut +299 36 13 17-imut sianerlutit imaluunniit moha@royalgreenland.com-imut allallutit saaffigisinnaavat.

Nittartagarput www.royalgreenland.gl iserfigalugu atorfimmut qinnuteqarsinnaavutit.

Qinnuteqarfissaq kingulleq tassaavoq juulip 19-iat 2020. Isumaqatigiissusiornikkut atorfinitsitsisoqassaaq.

Royal Greenland pillugu uani annertunerusumik atuarsinnaavutit: www.royalgreenland.gl Royal Greenland suliffeqarfiuvoq Kalaallit Nunaanni sorlaqarluartoq. Aalisarnermi, tunisassiornermi aalisakkanillu pitsassuarnik nunarsuup sinneranut tuniniaanermi sulisuvut 1.800 missaanniipput. Suliffeqarfissuaq ullumikkut namminerisaminik kilisaataateqarpoq nutaalianillu suliffissuaateqarluni Kalaallit Nunaanni, Danmarkimi, Tysklandimi, Canadami Polenimilu. Danmarkimi, Tuluit Nunaanni, Tysklandimi, Frankrigimi, Italiami, Sverige Japanimilu tuniniaaveqarpugut.