Tunniusimasumik kajumissuseqartumillu naatsorsuuserivimmi suleqatissarsiorpugut. Immikkoortortaq tallimanik sulisoqarlunilu, marlunnik AU-tut ilinniartoqarlunilu immikkoortortami aqutsisoqarpoq. Taakku Royal Greenland A/S-ip nunatsinni ingerlatsinerani ingerlatseqatigiiffinnili arfineq-marlunni Royal Greenland A/S-imut attuumassuteqartuni naatsorsuuserinikkut ingerlataasa annerpaartaat suliaraat. Taakku tassaapput nunatsinni tunisassiorfiit tunitsiviillu 37-it kiisalu kilisaatit qulit. Aningaasaqarnermut aqutsinermi atortoq SAP Royal Greenland A/S-imi atorneqarpoq.

 

Naatsorsuuserivimmi ulluinnarni suliarineqartartut makkuupput:

• Pilersuisutsinnit takussutissianik nalunaarsuillunilu naatsorsuusiorneq

• Pilersuisunut akiliineq

• Akiitsulinnik, aningaaserivinni kontonik, ingerlatseqatigiiffiit akornanni pisinernik tunisinernillu kiisalu aningaasaqarnermut kontonik naligiissaarineq

• Piffissap naatsorsuuseriffiup ukiullu naanerani naatsorsuuserinerit nalunaarsuinerillu

 

Naatsorsuutigaarput:

• Aningaasaqarnermi pigisanillu nalilinnik aqutsinermi AU-tut ilinniakkamik naammassisimassaatit aamma-/imaluunniit naatsorsuuserinermik nalunaarsuinermillu suliaqarnermi misilittagaqarluassasutit

• Qarasaasiamik atuinermik piginnaasaqarluarlutillu MS Office annermillu Excel atornissaa ilisimalluassagit

• Aaqqissuussamik peqqissaartumillu sulisartutit

• Suleqateqarsinnaallutillu suliassat namminertaaq naammassisinnaagitit

• Suliatigut ineriartorusuttutit

 

Naatsorsuutigisinnaavat:

• Suliffeqarfissuarmi nunani tamalaani sulisoqartumi soqutiginartumik atorfeqassaatit

• Sulifitsialak ilorrisimaarnermik suleqatigiinnermillu pingaartitsisoq suliffigissavat

• Inuttut suliatigullu ineriartornissamut periarfissaqarluassaatit

• Suliassat, SAP atortullu allat pillugit ilinniartinneqarluarlutillu nassuiaanneqassaatit.

• Piginnaasatit naapertorlugit aningaasarsiaqartitaallutillu atorfininninni atugassaqartitaassaatit.

 

Qinnuteqartut marlunnik (kalaallisut/danskisut) oqaasillit piumaneqarnerussapput

Atorfininnermut atatillugu inissamik innersuussisoqarsinnaanngilaq

Atorfik pillugu paasissutissat sukumiinerusut immikkoortortami aqutsisumut Stine Petersenimut, oqarasuaammut 361703-imut, mailimut stpe@royalgreenland.com-imut saaffiginninnikkut pineqarsinnaapput

Soqutiginnikkuit 2023-mi oktobarip arfineq-pingajuaatinnagu qinnuteqaammik nassiussigit

Oqaloqatiginninnerit ataavartumik ingerlanneqassapput.

Søg denne stilling