Royal Greenland A/S kilisaateqarfimmi ingerlatsinermi nakkutilliisussamik Nuummi Royal Greenland A/S-ip qullersaqarfiani sulliveqarluni kiisalu kajumissuseqarluni eqeersimaarlunilu imarsiornermik aallutaqarfiusumi sulerusuttumik pissarsiorpoq

Kilisaateqarfiup kilisaatini ingerlatsinerup, teknikkeqarnerup inuttaqarnerullu qaqugukkulluunniit pitsaanerpaamik ingerlanneqarnissaat qulakkeertarpaa, ullumikkullu sulisut katillugit 14-it kilisaatinik arfineq pingasunik ingerlatsinermik qulakkeerinnittut immikkoortortami sulisuupput. 

Nittartakkatsinni Royal Greenland pillugu annerusumik paasisaqarsinnaavutit www.royalgreenland.com

Kilisaateqarfimmi suliassat

• Kilisaateqarfimmi uninngasuutinik assigiinngitsunik nakkutilliinermut aalisarnermilu soorlu pisat, uninngasuutit uninngasuutinillu atuinerit nalunaarsorneqarnerannik
• Pisat uninngasuutillu pillugit nalunaarsukkanik aaqqiineq
• Aalisarnermik ingerlatsinermik tassungalu ilutigalugu pisassiissutinik malittareqqiineq
• Kisitsisinik najoqqutassanik tamalaanik naatsorsuinerit
• Aalisarnermut akuersissutinik pisassiissutinillu malittareqqiineq
• Missingersuutinik malittareqqiineq
• Taqussanut kioskimiittunullu naatsorsuutinik malittareqqiineq nalunaarsuinerlu
• Allaffissorneq aamma naatsorsuutinillu atisanut, sullisinut taqussanullu tunngasunik malittereqqiineq
• Suliassaagallartunik aalajangersimasunik assigiinngitsunik suliaqarneq

Inuttut piginnaasat:

• Namminersorlutit ulapaarfinnilu eqqissisimallutit sulisinnaassuseqarputit.
• Torersumik peqqissaartumillu sulisinnaallutillu malittareqqiinermik soqutigisaqarluarputit.
• Attaveqateqallaqqipputit
• Suleqatigisannut pitsaanerpaamik sullissinissat pingaartippat.
• Piffissat suliffiusut suliassallu nikerartut suliffigisinnaavatit.
• Kalaallisut, qallunaatut tuluttullu allassinnaallutillu oqalussinnaavutit.

Neqeroorutigaagut:

• Kilisaateqarfik nutaalianik kilisaataateqarlunilu inuttanut nutaanik qaffasissunillu piumasaqaatitaqarnermigut suliffittut soqutiginarlunilu unammillernartoq
• Suliffeqarfik angusaqarfiulluarlunilu pimoorussiffiusoq
• Inuttut suliatigullu ineriartoqqinnissamik periarfissaqarneq

 

Atorfiup imarisai suliassallu annertussusaat pillugit paasisaqarnerorusukkuit kilisaatinik ingerlatsinermut aqutsisoq Johan Berthelsen attavigisinnaavat oqarasuaammut 361371-mut sianerlutit, imaluunniit mailimik uunga nassiussillutit: jobe@royalgreenland.com

Qinnuteqarfissaq kingulleq 24. februar 2023, nal. 12.00