Skip to main content
152

Dette jobopslag er udløbet

Akissarsialerinermi siunnersorti - Saqqummiuteqqitaq

Nuummi akissarsialerivik akissarsialerinermi siunnersortimik sulisussarsiorpoq

Royal Greenland A/S pikkorissumik pimoorussisumillu suliffeqarfiutitta akissarsialeriviani sulisut akissarsialerinermik suliaqarnermut akisussaasuusut suleqatissaannik sulisussarsiorpoq. Akissarsialerivik pikkorissunik qiimasunillu taamatuttaaq suleqatigiilluarnermik pingaartitsisunik piginnaasatigullu tamatigoortunik arfineq-marlunnik sulisoqarpoq.

Akissarsialerisutut suliffittaanni makkununnga tunngasut ilaatigut suliarisassavatit:

  • Akissarsiassanik akissaatinillu naatsorsuineq
  • Suliassat akissarsialerivimmut attuumassutillit naatsorsuuserinermut tunngasut, tamatumani naligiissaarinerit.
  • Naatsorsuuserinermi nalunaarsuiffimmut SAP-imut nuussineq, qaammatikkaartumik naatsorsuutinik inaarsaaneq
  • Ukiup naanerani januaarip aallaqqaataaniit decembarip 31-anut naatsorsuutinik inaarsaaneq, feriaqarnersiutissanik naatsorsuineq
  • Missingersuusiornissamut, missingersuutinik malittareqqiinissamut il.il. assiinngitsunik nalunaarusiorneq
  • Kukkunersiuisunik pulaartoqarnermi peqataaneq

Tunuliaquttat

Allaffimmiutut naatsorsuuserisutullu allaffissornermut tunngasumik ilinniarsimasuuvutit, akissarsialerivimmilu suliaasartunik suliaqarnissannut piumassuseqarlutillu piginnaasaqarputit.

Inuttut ima ipputit:

  • Ilinniagaq NI-2 assigisaaluunniit naammassinikuuat
  • Naatsorsuuserinermik misilittagaqarluarputit/naatsorsuuserillaqqipputit
  • Sullissilluarnermik pingaartitsisuuvutit
  • Akisussaassuseqarluarlutit sulisarputit suleqateqallaqqissuullutillu
  • Naatsorsuuserinermut tunngasut ilisimasaqarfigilluarpatit
  • Qarasaasiamik atuillaqqissuuvutit suliavillu suliarilluagaanissaannik qulakkeerinnittarlutit
  • Promarkip atornissaa ilisimasaqarfigigukku iluarineqassaaq, atornissaali ilisimasaqarfiginngikkukku ilinniartinneqassaatit
  • Aaqqissuulluakkamik suleriaaseqarputit, ulluinnarnilu ulapaarfiusuni piffissaliussanik malinnillutit ataqqinnillutillu tamakkiisumik isiginnillutit sulineq pikkoriffigalugulu pingaartippat

Kalaallisut qallunaatullu allassinnaallutillu oqalussinnaaguit qujarutikutsuussavarput.

Royal Greenlandip ilinnut neqeroorutigai

Suliffeqarfissuarmi nunani assigiinngitsuni immikkoortortalimmi pissanganartumi ineriartortitsinermillu pingaartitsilluni sulinermi atukkatigut pitsaasunik atugaqartitsisumi suliat tungaatigut inuttullu ineriartornissamut periarfissaqarfiusoq, piginnaasatit naapertorlugit akissarsiaqartitsisoq. Atorfimmut atatillugu inissaqartitsisoqanngilaq.

Royal Greenland A/S ukiuni kingullerni pitsaasumik ineriartupiloorpoq, sulilu annerusumik ingerlalluarnerunissarput sulissutigiuarsinnarparput. Ingerlatseqatigiiffimmi suliatigut aallussat sulisunit naammagisimaarneqarnissaannut tunngasunik siunissamilu ukkatariuaannarusutatsinnik suliaqangaatsiartarpugut.

Qinnuteqarneq

Atorfik inuttassarsiuussarput pillugu paasisaqarnerorusukkuit akissarsialerivimmi aqutsisoq Helene Heilmann sianerfigalugu allaffigaluguluunniit attavigisinnaavat:

+299 36 13 81, hhei@royalgreenland.com

Atorfik inuttassarsiuussarput nittartagarput aqqutigalugu qinnuteqarfigisinnaavat: www.royalgreenland.gl. Ulloq qinnuteqarfissaq kingulleq: Juuli 8-iat 2019

Tutsiunnissannut qilanaarpugut.

Royal Greenland pillugu uani annertunerusumik atuarsinnaavutit: www.royalgreenland.gl Royal Greenland suliffeqarfiuvoq Kalaallit Nunaanni sorlaqarluartoq. Aalisarnermi, tunisassiornermi aalisakkanillu pitsassuarnik nunarsuup sinneranut tuniniaanermi sulisuvut 1.800 missaanniipput. Suliffeqarfissuaq ullumikkut namminerisaminik kilisaataateqarpoq nutaalianillu suliffissuaateqarluni Kalaallit Nunaanni, Danmarkimi, Tysklandimi, Canadami Polenimilu. Danmarkimi, Tuluit Nunaanni, Tysklandimi, Frankrigimi, Italiami, Sverige Japanimilu tuniniaaveqarpugut.