Royal Greenland A/S-imi Nuummiittumi akiitsulinnut tunisisartunullu naatsorsuuserisoq 

Suleqatitta ilaat suliffeqarfiup iluani allamik atorfittaarmat tunniusimasumik kajumissuseqartumillu akiitsulinnik tunisisartunillu suliaqarnermi suleqatissarsiorpugut.

Immikkoortortaq marlunnik sulisoqarlunilu, ataatsimik AU-tut ilinniartoqarlunilu aqutsisoqarpoq, taakkulu Royal Greenland A/S-ip nunatsinni ingerlatsinerani ingerlatseqatigiiffinnili arfineq-marlunni Royal Greenland A/S-imut attuumassuteqartuni naatsorsuuserinikkut ingerlataasa annerpaartaat suliaraat. Taakku tassaapput nunatsinni tunisassiorfiit tunitsiviillu 37-it ingerlatseqatigiiffiillu piginneqataaffigineqartut pingasut.

Royal Greenland A/S allaffissornermi aningaasaqarnermillu aqutsinermi atortoq SAP atorlugu suliassat ataani allassimasut suliarisarpai:

• Akiitsulinnut tunisisartunullu sulisup ulluinnarni suliassai makkuupput:
• Akiitsullit akiliinerinik ataavartumik naatsorsuusiorneq
• Aningaaserivimmiittuutinik aningaasaatinillu naligiissaarineq
• Akiitsullit akiliisarnerinik akiitsuminnullu akilersuinerinik malittareqqiineq
• Akiligassaliorneq naligiissaarinerlu
• Paasissutissanik pingaarutilinnik allanngutsaaliuineq, matumani akinut isumaqatigiissutinut tunngasut
• Akiitsoqarnermi pingajuusut ataatsimeeqatiginerinut peqataaneq
• Akileraarutissanik akiliisitsissutissanillu naatsorsuineq, matumani oqartussaasunut attaveqarneq
• Paasissutissanik oqartussaasunut ingerlateqqitassanik suliaqarneq
• ·Naatsorsuuserivimmi suliassat takkuttartut allat, matumani piffissap ilaani aamma ukiumoortumik nalunaarusiornermi naatsorsuusiornerit naligiitsinerillu.           

Naatsorsuutigaarput:

• Aningaasaqarnermi pigisanillu nalilinnik aqutsinermi AU-tut ilinniakkamik naammassisimassaatit aamma-/imaluunniit naatsorsuuserinermik nalunaarsuinermillu suliaqarnermi misilittagaqarluassasutit
• Qarasaasiamik atuinermik piginnaasaqarluarlutillu MS Office annermillu Excel atornissaa ilisimalluassagit
• Aaqqissuussamik peqqissaartumillu sulisartutit
• Suleqateqarsinnaallutillu suliassat namminertaaq naammassisinnaagitit
• Suliatigut ineriartorusuttutit

Neqeroorutigaarput:

• Suliffeqarfissuarmi nunani tamalaani sulisoqartumi soqutiginartumik atorfeqassaatit
• Suliffitsialak ilorrisimaarnermik suleqatigiinnermillu pingaartitsisoq suliffigissavat
• Inuttut suliatigullu ineriartornissamut periarfissaqarluassaatit
• Suliassat, SAP atortullu allat pillugit ilinniartinneqarluarlutillu nassuiaanneqassaatit.
• Piginnaasatit naapertorlugit aningaasarsiaqartitaallutillu atorfininninni atugassaqartitaassaatit.

Immikkoortortaq tunisassiorfitsinnut 37-jusunut aalisartutsinnullu attavissaasarmat qinnuteqartup kalaallisut danskisullu oqalussinnaallunilu allassinnaasuunissaa pingaaruteqarpoq.

Atorfininnermut atatillugu inissamik innersuussisoqarsinnaanngilaq

Atorfik pillugu paasissutissat sukumiinerusut nunatsinni aningaasaqarnermut ingerlatsisumut Lars Wittendorfimut, oqarasuaammut 361354-imut, mailimut lawa@royalgreenland.com-imut saaffiginninnikkut pineqarsinnaapput

Soqutiginnikkuit 2023-mi oktobarip arfineq-pingajuaatinnagu qinnuteqaammik nassiussigit

Oqaloqatiginninnerit ataavartumik ingerlanneqassapput.

Søg denne stilling