Naleqartitat suleqatigiinneq, ukkataqarneq aamma kinguneqartitsineq isumaqatigisinnaavigit? Taamaappat Royal Arctic Line immaqalu aamma Sisimiut Umiarsualiviani Ingerlatsinermi aqutsisutut atorfittaassat paasisaqarfigiumallugit ataaniittoq atuaruk.

Royal Arctic Line inuiaqatigiit kalaallit inuiaqatigiinnut allanut atassusernissaannut qitiusumik inissisimavoq. Suliffeqarfiuvugut aaqqiissuteqarnissamik siunnerfeqartoq, suliffeqarfiup iluani minnerunngitsumillu suliffeqarfiup avataani inuiaqatigiit kalaallit peqatigalugit inuiaqatigiinnut naleqarnerulersitsisartoq. Aaqqiissutissanik tunniussaqarnissaq tamatigullu angusaqartarnissaq siunnerfigalugit ukkataraagut. Sulisutsinnut, sullitatsinnut inuiaqatigiillu ataatsimut isigalugit akisussaaffeqarpugut, attanneqarsinnaasumillu iluatsitsilluarnissaq qulakkeerniarlugu piffissamut ungasinnerusumut anguniagaqarluta tamatigut iliuuseqartarpugut.

Taamaammat Ingerlatsinermi aqutsisutut najukkami inuiaqatigiit sullinnissaannut pingaarutilimmik inissisimassaatit, ulluinnarni aqutsineq siuttuuffigalugu umiarsuaatileqatigiiffiup Sisimiuni sinniisuatut inissisimassaatit nunap immikkoortuani umiarsualivinnut pisortaq qanimut suleqatigalugu.

Ingerlatsinermi aqutsisutut ulluinnarni suliarisartagassatit ilaatigut tassaapput:

• Allaffissornermi suliassat, tassunga ilanngullugit missingersuutinik aqutsineq aningaasartuutissanullu akuersissuteqartarneq.
• Terminalip ingerlanneqarneranut, nassiussat uppernarsaasiorneqartarnerannut assartuinermullu akiligassiissusiortarnermut pingaarnertut akisussaaffeqarneq.
• Umiarsualerinernik ataqatigiissaarineq, tassunga ilanngullugit Royal Arctic Linep umiarsuaataata umiarsuillu allat aqqusaarnerini sullissineq.
• Sullitat pitsaasumik atassuteqarfiginerisa ineriartortinnissaat malittarinissaallu.
• Umiarsualivimmi oqartussatut suliassanik isumaginninneq.
• Umiarsuaatileqatigiiffiup suleqatigiinneq, ukkataqarneq kinguneqartitsinerlu pillugit naleqartitaanik siammarterineq sulinermilu atortitsineq kiisalu suleqatigiinnik peqataatitsineq, aqutsineq kajumilersitsinissarlu.

Suliatigut piginnaasatit

Suliassanik pingaarnersiuisinnaanissat suliassanillu pitsaasumik agguaassisinnaanissat naatsorsuutigaarput. Immaqa aqutsineq misilittagaqarfigereerpat suliaqarfillu aamma ilisimasaqarfigalugu. Aammattaaq kalaallisut, danskisut tuluttullu attaveqaqateqarsinnaanissat qarasaasiamillu atuilluarsinnaanissat naatsorsuutigaarput.

Inuttut piginnaasatit

Niuernermik paasisimasaqarluartuussaatit sulisunillu kajumilersitsisinnaallutillu qiimmassaasinnaassaatit, ammasumillu unneqqarissumillu attaveqaqateqartarnikkut suliassanik agguaassisinnaallutillu angusanik malitseqartitsisinnaassallutit, aammali aalajangiisinnaassuseqassaatit, aamma aalajangiinernut ilungersunarnerusunut tunngatillugu. Suliaqarfimmi ineriartortuarfiusumi aaqqissuussaanikkut allannguinernut assigiinngitsunut naleqqussallaqqissuunissat sulinermilu avatangiisini ilaatigut ulapiffiusartuni sulinissat aamma ajorissanngikkit naatsorsuutigaarput.

Sumik neqeroorfigineqassavit?

Suliffeqarfik soqutiginartoq aallussisunik sulisoqartoq unammillernartunillu suliassaqarfiusoq, aammali aqutsinermik, ineriartortitsinermik sulisunillu ilinniartitsinermik ukkataqarfiulluartoq. Misilittakkatit piginnaasatillu tunngavigalugit akissarsiat ataatsimoortut unammillersinnaalluartut iluaqutissallu allat.

Pinerlussimannginnermut allagartaq

Qinnuteqartut tamarmik pinerlussimannginnermut allagartamik naammaginartumik takutitsisinnaassapput.

Paasissutissat sukumiinerusut

Atorfik pillugu paasisaqarnerorusukkuit Nunap immikkoortuani umiarsualivinnut pisortaq Ole Kreutzmann oqarasuaatikkut +299 53 29 33-mut attaveqarfigineqarsinnaavoq.

Qinnuteqaat

Atorfiup sapinngisamik piaarnerpaamik inuttalerneqarnissaa kissaatigaarput, qinnuteqartorli uagutsinnut tulluarneq aamma utaqqisinnaavarput. Atorfinitsitsiniarnermut atatillugu oqaloqatiginninnerit ingerlaavartumik ingerlanneqassapput.

Qinnuteqarnissamut killissarititaasoq: oktobarip 11.-at, 2023

Atorfik una qinnuteqarfigiuk