Skip to main content
89

Dette jobopslag er udløbet

System administratorimik eqeersimaartumik pissarsiorpugut

IT-mut suliassaqarfimmi siammasissumi suliassanik immikkut ittunik suliaqarnissaq kajungernartippiuk? Ajornartorsiutinut aaqqiissutissarsiullaqqissuuit? Royal Arctic Linellu Nuummi qullersaqarfiani IT-mik suliaqartunut angusaqarumatuuni suleqataarusuppit? Taava ataaniittoq atuaruk.

Namminersorsinnaaneq, ineriartorneq akisussaaffeqarnerlu
Royal Arctic Line suliffeqarfiuvoq ineriartorfiujuartoq, tamannalu IT-mi aamma malugisinnaavarput. Attaveqaatitsinnik nutarsaaneq pissanganartoq ingerlatileruttorparput. Suliassamullu tassunga suleqatissatsinnik pitsaassutsimik eqqummaarinnittumik pisariaqartitsivugut, unammilligassanut isornartorsiortumik isumassarsiortumillu suleriaasilimmik.

System Engineeritut sulileruit suleqatigiinnut atalissaatit, attaveqaatinillu suliaqarnerup saniatigut it-mut systeminik ingerlaavartumik ineriartortitsinissamut naleqqussaanissamullu akisussaaqataassaallutit.

IT-mut tunngasunik suliaqarnissamik nuannarisalimmik suleqatissarsiorpugut! Microsoftillu, VMwarep, Citrixip aamma Cisco/IBM-ip iluini teknologiit nutaaliaasut tunngavigalugit it-mik ingerlatsinermik tatiginartumik, isumannaatsumik ingerlalluartumillu pingaartitsisumik suleqatissarsiorpugut.

 

Suliassat tassaanerussapput:

 

·  Serverinik, netværkinik attaveqaatinillu aserfallatsaaliuineq

·  Suleqatit ikiuisartullu suliffeqarfiup avataaneersut suleqatigalugit atulersitsineq, ikkussuineq, piareersaaneq, nakkutilliineq ajoqutaasunillu misissuineq

·  Najoqqutassanut teknikkikkullu takussutissanik malinnaatitsineq suliaqarnerlu

·  Ulluinnarni ingerlatsinermi suliassanik ingerlatsineq, soorlu incidents, problems aamma changes, allaffeqarfivut akimorlugit, Nuummi Aalborgimilu allaffeqarfiit saniatigut Nunatsinni umiarsualiviit aamma pineqarput.

 

Qinnuteqartumut naatsorsuutigisavut:

Ilinniakkannik naammasserlaajusinnaavutit, aammali atorfimmi assingusumi misilittagaqaruit iluassaaq, serverinut, netværkinut it-kkullu attaveqaatinik ingerlatsinermut ineriartortitsinermullu tunngasunik suliaqareersimallutit. Pingaarnerpaarli tassaavoq IT-mut tunngasunik paasisimasaqarnerulernissannut kajumissuseqarnissat.

 

Suliassaqarfimmut ataatsimut, soorlu netværkinut, IT-kkut isumannaallisaanermut, Citriximut assingusunulluunniit immikkut ilisimasaqartuuguit iluaqutaassaaq, aamma minnerpaamik ataani allassimasut arlaat ataaseq arlallilluunniit misilittagaqarfigissavatit:

  • VMwaremik ingerlatsineq (5.x aamma 6.x)
  • MS Serverimik / Backofficemik ingerlatsineq (Windows 2012R nutaajunersorluunniit)
  • Veeam backup softwaremik ingerlatsineq (9.5 nutaajunerusorluunniit)
  • Skype for Business / Competella ajornanngippallu aamma Teams
  • Exchange 2013 nutaajunerusorluunniit
  • Cisco Netværk - Switch, Routing, Firewall, WLC - (min. CCNA-mut allagartaqarlutit)
  • Microsoft SQL
  • Linux (RedHat, Debian)
  • Office 365

 

Qinnuteqartumut naatsorsuutigisavut:

·  Aalajaatsoq, nutaanut alapernaatsoq, suliaminullu tulluusimaarutiginnilluartoq

·  Suliamut tunniusimasoq, ilusilersuillaqqissoq pitsaassutsimillu pingaartitsisoq

·  Suleqateqallaqqissoq, ilisimasanillu avitseqatigiinnissamik suleqatigiinnermillu pingaartitsisoq.

·  Pikkorissartuarnissat soqutigissavat ilisimasavillu suleqatinnut ingerlateqqinnissaat pisussaannartut isigalugu.

 

 

Neqeroorutigaavut

Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi atorfininneq. Sulinermi avatangiisigissaarpugut - IT-mullu tunngasunik suliassanik unammilligassanillu pissanganartunik neriorsorsinnaavatsigit. Suliffeqarfik niuernermi pissutsit malillugit akissarsiaqartitsisarpoq, atorfeqartitaanermilu atugassarititaasut allat pitsaasumik inissisimallutik.

 

2. level supportimi suleqataassaatit, suleqatigiit katillugit arfiniliuvugut Nuummi Aalborgimilu agguataarsimalluta. Ilinniakkatigut assigiinngitsunik tunuliaqutaqarpugut, tamannalu suleqatigiinnik eqeersimaartunik pilersitsivoq. Tamattalu assigiissutigisarput tassaavoq suliavut suleqatigiilluarnissarlu salliutikkatsigit. Isumaqarpugummi peqatigiilluarneq pitsaanerpaamik suliaqarnissatsinnik qulakkeerinneqataasinnaasoq taamaaliornikkullu suliffeqarfimmut pitsaanerpaamik angusaqarfiusinnaasoq. Taamaammat aamma ulluinnarni ulapaarfiup nalaani qiimmassaqatigiinnissamut inissaqartitsivugut, suliatigullu anguniakkat suliffiullu avataani inuunerup oqimaaqatigiissinnissaasa pingaaruteqassusianut paasinnilluarluta.

 

Atorfik Nuummi inissisimavoq. Nunatta Danmarkillu akornanni annertunngitsumik angalasoqartarsinnaavoq – assersuutigalugu suliniutinik atulersitsinermut, pikkorissarnernut allanullu tunngatillugu.


Atorfimmut sulisunut inissiamik innersuussisoqarsinnaavoq.

 

Paasissutissat amerlanerusut
Atorfik suliassalluunniit pillugit apeqqutissaqaruit, Niels Hansen, General IT Manager, +299 220080-mut attaveqarfigineqarsinnaavoq.
 

Atorfininneq: sapinngisamik piaarnerpaamik
Qinnuteqarfissaq kingulleq: Juulip 21-ani 2020
Qinnuteqaatit: Ingerlaavartumik suliarineqassapput
Oqaloqatiginninnerit: Oqaloqatiginninnerit ingerlaavartumik ingerlanneqassapput

Atorfik ugguuna qinnuteqarfigiuk