Skip to main content
124

Dette jobopslag er udløbet

Royal Arctic Line A/S tunniusimasumik sullissilluarsinnaasumillu nassiussalerivimmi Nuummiittumi nassiussalerisussarsiorpoq - Saqqummiuteqqitaq

Ammasuuguit, suliassat assigiinngitsut ataatsikkut ingerlannissaat nuannarisarigukku sullitanullu attaveqarluarsinnaallutit, taava una atorfik ilinnoorsimassaaq!

Nassiussalerisup pingaarnertut suliassarissavai inuit takkullutik aammali oqarasuaatikkut saaffiginnittut sullitissallugit kiffartuutissallugillu. Atorfinikkuit suleqatigiinnut nassiussalerinermik suliaqartunut akuulissuutit, nassiussalerinermik aqutsisoq assartugalerisullu peqatigalugit nassiussat pitsaasumik qularnaatsumillu passunneqarnissaannik sullitanut, suleqatinut umiarsuarnullu pitsaasumik qulakkeerinnittassallusi.

Ulluinnarni suliassatit tassaasassapput inuit takkullutik aammali oqarasuaatikkut saaffiginnillutik kiffartuunneqarnissaannik sullinneqarnissaannillu isumaginninnerit. Pingaaruteqarpoq nassiussat piffissaq eqqorlugu isumagineqarlutillu apuuffissaannut apuunneqartarnissaat uppernarsaatillu isumagisassat eqqortumik suliarineqarsimasarnissaat. Sapinngisat tamaat sullitap Royal Arctic Linemit pitsaasumik sullinneqarlunilu misigisaqarnissaa qulakkeersimaniartassavat.

Suliassat aalajangersimasut ilaatigut tassaassapput:

  • Suliassat systemitsinni LIMA-mi aallartittarlugit
  • Nassiussassat aammalu nassiussat tunniunneqartussat nalunaarsornerannik isumaginninneq
  • Sinerissamut Danmarkimullu nassiussat uppernarsaataasa eqqortumik isumagineqarsimanissaannik qulakkeerinnittarnissaq
  • Umiarsuit aqqusaannginnerini LIMA-mi uppernarsaatissat eqqortut tamatigut pissarsiarineqarnissaannik qulakkeerinneqataasarnissaq
  • Nassiussat uppernarsaataannik isumaginninnerit
  • Nassiussaleriviup allaffiani ulluinnarni ingerlatsinermi peqataaneq
  • Sullitat pitsaasumik attaveqarfiginissaannik qulakkeerinninnissaq attassinissarlu

Ilinnut naatsorsuutigisagut:

  • IT-mik naammaginartumik atuisinnaasoq
  • Sullitanik suleqatinillu salliutitsisinnaassusilik
  • Piffissap suliffiusup nikerarsinnaaneranik akuersaartoq
  • Kalaallisut qallunaatullu attaveqarsinnaasoq
  • Suleqatiginnillaqqissoq

Atorfimmut atatillugu ulluinnarni suliassat allanngorartuartuuneri unammillernartuusinnaanerilu pillugit inuttut piginnaasat pingaaruteqassapput. Namminersuussillutit tunniusimallutit sulisinnaassaatit suliassallu ataatsikkoortumik takkussuunnerini ataasiakkaarisinnaassuseqassallutit. Siumut eqqarsarsinnaaneq, eqaatsumik periuseqarneq pisunilu malinnaasinnaanissaq inuttut pigissallugit pingaaruteqarpoq, taamaasiorsinnaagaannimi sullitat suleqatillu pitsaanerpaamik suleqatigineqarsinnaasassammata.

Neqeroorutigaarput:

  • Suliffeqarfimmi nukittuumi aqutsinermik sulisunillu ineriartortitsinermik pikkorissaanermillu ukkataqartumi atorfininneq.
  • Suliffeqarfimmi pitsaasumi suleqatillu qiimasut ikiuukkumatuullu akornanni atorfeqalerneq
  • Suliffeqarfik niuernermi pissutsit malillugit akissarsiaqartitsisarpoq
  • Soraarnerussutisianut sillimasiinernullu aaqqiissutinik pitsaasunik peqalerneq

Atorfik pillugu paasisaqarnerorusukkuit nassiussalerinermik aqutsisoq Nuka Karlsen Geisler uunga sianerfigisinnaavat 34 92 19 imal. Hans N. Kristiansen uunga sianerfigisinnaavat 34 92 28.

Qinnuteqaatit e-mailikkut nassiussat suliarineq ajorpagut, taamaammat nittartagarput aqqutigalugu qinnuteqarit.

Atorfininneq: piaartumik, eqqortulli atorfinitsinnissaanut utaqqisinnaavugut.

Qinnuteqarnissamut killigititaq: Oktoberip 3-ani 2023

Qinnuteqaatit: Qinnuteqaatit ingerlaavartumik suliarineqassapput.
Oqaloqatiginninnerit: Oqaloqatiginninnerit ataavartumik ingerlanneqassapput

Ugguuna qinnuteqarit