Skip to main content
99

Royal Arctic Line A/S Teknikkimut pisortassarsiorpoq

 

Royal Arctic Line aqutsinikkut nukittuffilimmik Teknikkimut pisortassarsiorpoq, ulluinnarnut allanngorartunut suliffeqarfimmut pissanganartumut ullutsinnullu naleqqulluartumut peqataarusuttumik.

 

Teknikkimut aqutsisutut Nuummi qitiusumik værksted-eqarfik quersuarlu akisussaaffigissavatit, værksted-illu allat Aasianniittoq Sisimiuniittorlu teknikkikkut aqutsisuuffigissallugit.

Teknikkimut pisortap qulakkiissavaa aserfallatsaaliuinermi suleriutsip patajaatsuutinnissaa taamatullu atortorisat motoorillit containerillu nillataartitsiviit piareersimajuaannarnissaat, Royal Arctic Line A/S-illu illuutaasa aserfallatsaaliornissaannik qulakkeerisuussalluni.

 

Pingaarnertut suliassat makkuupput:

  • Nuummi qitiusumik værksted-ip aqutsisuuffiginissaa
  • Nuummi qitiusumik quersuup aqutsisuuffiginissaa
  • RAL-ip Kalaallit Nunaanni værksted-eqarfiinut teknikkikkut aqutsisuuneq
  • Containerinik nillataartitsivinnik iluarsaanerni aqutsineq
  • Nuummi umiarsualivimmi illunik aserfallatsaaliuinermi aqutsisoq
  • Missingersuusiat malillugit RAL-ip umiarsualiviini teknikkikkut atortussanut pisiniarnermi akuersinissaq
  • Suliniutinut aallartitanut teknikkikkut sanaartornerup iluani suliassanik aallussineq
  • Suliffeqarfiup ingerlariusaani sulisunik oqaloqatiginnittarnerup iluani aammalu anguniakkanik angunnissinnaanermik qulakkeerineq

 

Qinnuteqartumut naatsorsuutigisavut:

Maskinmesteritut imaluunniit teknisk ingeniøritut tunuliaquteqarnissaq, aqutsinerullu iluani ilinniarsimanissaq pikkorissarsimanissarluunniit atorfimmut piumasaqaataavoq. Immikkoortortaqarfiup anguniagaanut tunngatillugu inerniliinissamut, aaqqiissutissanillu ujartuinissamut ukkataqartuussaatit. Piffissani ulapaarfiusuni ataatsimut isiginnissinnassuseqassaatit allannguutissanullu piareersimasuussallutit. Umiarsuaatileqatigiiffiup pingaartitaannut sanillersuussinnaassaatit ukununnga: Suleqatigiinneq, Ukkataqarneq, Kinguneqartitsineq, taakkununngalu immikkoortortarisat peqataatillugulu, aqqutissiuullugulu kajumissaartassallugu. Pilersaarusiortuussaatit ataatsimut isiginnilersinnaassuseqarlutit, attaveqartuullutit, sullarissuullutit sullitallu pisariaqartitaat naapertorlugit aaqqiissutissanik ujartuisinnaassuseqassallutit.

 

Sulinermi oqaatsit atorneqartut tassaapput kalaallisut, qallunaatut tuluttullu.

Atorfimmut atatillugu angalasarnissaq naatsorsuutigineqassaaq.

Neqeroorutigaavut

Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi atorfininneq. Suliffeqarfik niuernermi pissutsit malillugit akissarsiaqartitsisarpoq, atorfeqartitaanermilu atugassarititaasut allat pitsaasumik inissisimallutik. Suliffeqarfik atorfiniffigisassami aqutsineq, sulisunillu ineriartortitsineq pikkorissaanerlu ukkatarineqarput.

 

Pinerlussimannginnermut uppernarsaat

Qinnuteqartut tamarmik pinerluuteqarsimannginnermik uppernarsaammik takussutissaateqarnissaat piumasarineqarpoq.

 

Paasissutissat sukumiinerusut

Atorfik pillugu paasisaqarnerorusukkuit COO Ivalu Kleist saaffigineqarsinnaavoq e-mailikkut: ikl@ral.gl imaluunniit oqarasuaat: +299 34 91 80

 

E-mailikkut qinnuteqaatinik tigusineq ajorpugut.

 

Atorfininneq: Piaartumik, qinnuteqartorli uagutsinnut tulluarneq utaqqisinnaavarput.

Qinnuteqarfissaq kingulleq: 30. juni 2019

Qinnuteqaatit: Ingerlaavartumik suliarineqassapput

Oqaloqatiginninnerit: Nuummi ingerlaavartumik ingerlanneqassapput

 

Atorfik ugguuna qinnuteqarfigiuk