Skip to main content
113

Dette jobopslag er udløbet

Royal Arctic Line A/S systemadministratorissarsiorpoq Nuummi

Systemadministratoritaassarivatsigit? Ilusilersuillaqqissuuit pitsaasunillu suleqateqarlutit pissanganartunik suliaqarnissaq pilerinartippiuk?

 

Suliaqarfimmi siammasissumi IT-kkut aqutsinermik ullumikkut suliaqarpit, soorlu assersuutigalugu Internettikkut isumannaallisaaneq, atortulersuutit, attaveqaatit, Citrix, Office365 imaluunniit Teams? Taava immaqa illerpiaq Royal Arctic Linemi System Engineerinik suleqatigiinni angusaqarluarniartuni suleqatissatut pisariaqartippatsigit.

 

Suleqatitaarigutsigit atortulersuutinik IT-kkullu systeminik aserfallatsaaliuineq, pitsanngorsaaneq ineriartortitsinerlu suleqataaffigissavatit. Internettikkut isumannaallisaaneq aallutarilluarparput, suleqatigiillu peqatigalugit IT-kkut atortulersuutinik isumannaarinissaq ineriartortitsinissarlu akissussaaqataaffigissavat.

 

Suliassat
·      Serverinik, netværkinik attaveqaatinillu aserfallatsaaliuineq
·      Internettikkut isumannaallisaaneq, ingerlatsineq pitsanngorsaanerlu
·      Ulluinnarni ingerlatsinikkut suliassat pillugit IT-kkut ikiuisartut suleqatigineri, soorlu incidents, problems aamma changes.
·      Tunuliaqutigisatit tunngavigalugit suliffiup imarisassaa sunniuteqarfigisinnaassavat

 

Qinnuteqartumut naatsorsuutigisagut
IT-kkut aqutsineq misilittagaqarfigissavat, assingusumillu ilinniagaqaruit iluassaaq, attaveqaatinik ingerlatsinermut ineriartortitsinermullu tunngasunik suliaqareersimallutit.

 

Suliassaqarfimmut ataatsimut, soorlu netværkinut, IT-kkut isumannaallisaanermut, Citriximut assingusunulluunniit immikkut ilisimasaqartuuguit iluaqutaassaaq, aamma minnerpaamik ataani allassimasut arlaat ataaseq arlallilluunniit misilittagaqarfigissavatit:
·      Microsoft Office 365 / Teams
·      Exchange 2016 nutaajunerusorluunniit
·      VMwaremik ingerlatsineq
·      Microsoft Azure
·      MS Serverimik / Backofficemik ingerlatsineq (Windows 2012R nutaajunerusorluunniit)
·      Veeam backup softwaremik ingerlatsineq
·      Cisco Netværk - Switch, Routing, Firewall, WLC - (min. CCNA-mut allagartaqarlutit)
·      Microsoft SQL
·      MDM software

 

Naatsorsuutigaarput
·      Suleqataalluartoq, suleqatiginnillaqqissoq, ilisimasanillu avitseqatigiinnissamik suleqatigiinnermillu pingaartitsisoq
·      Suliamut tunniusimasoq aalajaatsorlu
·      Alapernaatsoq pitsaasumillu tunniussaqarnissamik pingaartitsisoq

 

Atorfik Nuummi inissisimaffeqarpoq, suliffimmullu atatillugu inissamik innersuussisoqarsinnaalluni.

 

Danmarkip Nunattalu akornanni angalasoqartarsinnaavoq – assersuutigalugu suliniutinik atulersitsinermut, pikkorissarnernut allanullu tunngatillugu.

 

Namminersorsinnaaneq, ineriartorneq akisussaaffeqarnerlu
Royal Arctic Line suliffeqarfiuvoq ineriartorfiujuartoq, tamannalu IT-mi aamma malugisinnaavarput. Attaveqaatitsinnik tamarmiusunik nutarsaaqqammerpugut. IT-mullu systemitsinnik ineriartortitsinermik, pitsanngorsaanermik ingerlatsinermillu suleriaqqinnissatsinnut suleqatissatsinnik pitsaassutsimut eqqummaarinnittumik pisariaqartitsivugut, unammilligassanut isornartorsiortumik isumassarsiortumillu suleriaasilimmik.

 

Neqeroorutigaavut
Aaqqissuussaanermi nukittuumi pitsaasumilu atorfeqarneq, ulluinnarni suliassat sunniuteqarfigisinnaallugit, aamma sulinermi atukkat, ineriartortitsinissaq sulisunillu pikkorissaaneq pingaartitaraarput.

Suliffeqarfik eqaatsumik atugassaqartitsisoq pissanganartunillu unammilligassaqarfiusoq pitsaasunillu suleqateqarfiusoq (IT-mi sulisut 20-upput suleqatigiinnut arlalinnut agguataarsimasunik).

Suliffeqarfik niuernermi pissutsit malillugit akissarsiaqartitsisarpoq bonuseqartitsisarlunilu, atorfeqartitaanermilu atugassarititaasut allat atorfimmut piginnaasannullu tunngatillugu pitsaasumik inissisimallutik.

 

Paasissutissat sukumiinerusut
Atorfimmut soqutiginnikkuit imaluunniit apeqqutissaqaruit General IT Manager, Niels Hansen, +299 220080 / +45 40220285 / niph@ral.gl saaffigineqarsinnaavoq.

 

E-mailikkut qinnuteqaatinik tigusineq ajorpugut, nittartakkatsinnit qinnuteqassaatit.

 

Atorfininneq: Sukkanerpaamik, isumaqatigiissuteqarnikkut.

Qinnuteqarfissaq kingulleq: oktoberip 14-at 2021

Qinnuteqaatit: ingerlaavartumik suliarineqassapput

Oqaloqatiginninnerit: ingerlaavartumik ingerlanneqassapput

 

Atorfik ugguuna qinnuteqarfigiuk