Skip to main content
97

Dette jobopslag er udløbet

Royal Arctic Line A/S System engineerimik eqeersimaartumik pissarsiorpoq

IT-mut suliassaqarfimmi siammasissumi suliassanik immikkut ittunik suliaqarnissaq kajungernartippiuk? Soorlu assersuutigalugu Internettikkut isumannaassuseq, attaveqaasersuutit, netværkit, Citrix, Office365? Taava immaqa illerpiaq Royal Arctic Linemi IT-mik suleqatigiinni angusaqarluarniartuni pisariaqartippatsigit?
 

Namminersorsinnaaneq, ineriartorneq akisussaaffeqarnerlu
Royal Arctic Line suliffeqarfiuvoq ineriartorfiujuartoq, tamannalu IT-mi aamma malugisinnaavarput. Attaveqaatitsinnik tamarmiusunik nutarsaaneq pissanganartoq ingerlatileruttorparput. Suliassamullu tassunga suleqatissatsinnik pitsaassutsimik eqqummaarinnittumik pisariaqartitsivugut, unammilligassanut isornartorsiortumik isumassarsiortumillu suleriaasilimmik.

System Engineeritut sulilersuit attaveqaasersuutinik it-kkullu systeminik aserfallatsaaliuinermut, pitsanngorsaanermut ineriartortitsinermullu peqataassaatit. Internettikkut isumannaassuseq annertuumik ukkataraarput, suleqatigiillu peqatigalugit IT-kkut atortorissaarutitta isumannaallisarnissaat ineriartortinnissaallu suleqatitit peqatigalugit akisussaaffigissavasi, ilaatigut tassaasut: Hyperconverged infrastructure, CISCO, Veeam, Mellanox, Microsoft aamma Linux Cluster allallu aamma teknikkikkut aaqqiissutaasoq ilaatigut tassaasut Microsoft, VMware aamma Citrix.

 

Suleqatigiit suliassaat tassaanerupput:

·       Serverinik, netværkinik attaveqaatinillu aserfallatsaaliuineq

·       Internettikkut isumannaallisaaneq, ingerlatsineq pitsanngorsaanerlu

·       Suleqatit ikiuisartullu suliffeqarfiup avataaneersut suleqatigalugit atulersitsineq, ikkussuineq, piareersaaneq, nakkutilliineq ajoqutaasunillu misissuineq

·       Najoqqutassanut teknikkikkullu takussutissanik malinnaatitsineq suliaqarnerlu

·       Ulluinnarni ingerlatsinermi suliassanik ingerlatsineq, soorlu incidents, problems aamma changes, allaffeqarfivut akimorlugit, Nuummi Aalborgimilu allaffeqarfiit saniatigut Nunatsinni umiarsualiviit aamma pineqarput.

 

Qinnuteqartumut naatsorsuutigisavut:

IT-kkut aqutsineq misilittagaqarfigissavat, assingusumillu ilinniagaqaruit iluassaaq, serverinut, netværkinut it-kkullu attaveqaatinik ingerlatsinermut ineriartortitsinermullu tunngasunik suliaqareersimallutit.

Suliassaqarfimmut ataatsimut, soorlu netværkinut, IT-kkut isumannaallisaanermut, Citriximut assingusunulluunniit immikkut ilisimasaqartuuguit iluaqutaassaaq, aamma minnerpaamik ataani allassimasut arlaat ataaseq arlallilluunniit misilittagaqarfigissavatit:

  • VMwaremik ingerlatsineq (5.x aamma 6.x)
  • MS Serverimik / Backofficemik ingerlatsineq (Windows 2012R nutaajunersorluunniit)
  • Veeam backup softwaremik ingerlatsineq (9.5 nutaajunerusorluunniit)
  • Skype for Business / Competella ajornanngippallu aamma Teams
  • Exchange 2013 nutaajunerusorluunniit
  • Cisco Netværk - Switch, Routing, Firewall, WLC - (min. CCNA-mut allagartaqarlutit)
  • Microsoft SQL
  • Microsoft Office 365
  • F-Secure Antivirus

 

Qinnuteqartumut naatsorsuutigisavut:

·       Suliaminut tulluusimaarutiginnilluartoq, alapernaatsoq ujartuisorlu

·       Suliamut tunniusimasoq, ilusilersuillaqqissoq pitsaassutsimillu pingaartitsisoq

·       Suleqateqallaqqissoq, ilisimasanillu avitseqatigiinnissamik suleqatigiinnermillu pingaartitsisoq.

·       Pikkorissartuarnissat soqutigissavat ilisimasavillu suleqatinnut ingerlateqqinnissaat pisussaannartut isigalugu

·       Aalajaatsoq, it-kkullu isumannaatsumik pitsaasumillu ingerlatsinissamik pingaartitsisoq

 

Atorfik Nuummi Aalborgimiluunniit inissisimaffeqarpoq

Nuummi atorfininnermi suliffimmut atatillugu inissiamik innersuussisoqarsinnaavoq.

Danmarkip Nunattalu akornanni angalasoqartarsinnaavoq – assersuutigalugu suliniutinik atulersitsinermut, pikkorissarnernut allanullu tunngatillugu.

 

Neqeroorutigaavut

Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi atorfininneq.

Suliffeqarfik eqaatsumik atugassaqartitsisoq pissanganartunillu unammilligassaqarfiusoq tunniusimasunillu suleqateqarfiusoq.

Suliffeqarfik niuernermi pissutsit malillugit akissarsiaqartitsisarpoq bonuseqartitsisarlunilu, atorfeqartitaanermilu atugassarititaasut allat atorfimmut piginnaasannullu tunngatillugu pitsaasumik inissisimallutik.

 

Suleqatigiit arfineq marlunnik inuttaqartut Nuummi Aalborgimilu agguataarsimasut suleqataaffigilissavatit.

Ilinniakkatigut assigiinngitsunik tunuliaqutaqarpugut, tamannalu suleqatigiinnik eqeersimaartunik pilersitsivoq. Tamattalu assigiissutigisarput tassaavoq suliavut suleqatigiilluarnissarlu salliutikkatsigit.

 

Ataqatigiilluarpugut ulluinnarni ulapaarfiup nalaani qiimmassaqatigiinnissamut quiasaaqatigiinnissamullu inissaqartitsilluta.

 

Paasissutissat amerlanerusut
Atorfik suliassalluunniit pillugit apeqqutissaqaruit, Niels Hansen, General IT Manager, +299 220080-mut attaveqarfigineqarsinnaavoq.

 

Qinnuteqaatit nittartagarput aqqutigalugu tigusarpagut, e-mailikkuunngitsoq.

 

Atorfininneq: sapinngisamik piaarnerpaamik
Qinnuteqarfissaq kingulleq: decembarip 31-ani 2020
Oqaloqatiginninnerit: Nuummi / digitalimik ingerlaavartumik ingerlanneqassapput

 

Atorfik ugguuna qinnuteqarfigiuk