Skip to main content
112

Royal Arctic Line A/S Sulisoqarnermut siunnersortimik pikkorissumik pissarsiorpoq

 

Suliffeqarfimmi ineriartorfiusumi sulilernissannut piumassuseqarpit? Suliassaqarfiit nutaat assigiinngiiaarsinnaasut pulaffigipallannissaannut piginnaasaqarpit? Taava Immaqa ILLIT tassaavit suleqatigiligassarput?

 

Royal Arctic Line A/S-ip qullersaqarfiani Nuummi inissisimasumi suleqatitaassarput teamimi sullarissumi Sulisoqarnermut Akissarsialerinermullu immikkoortortaqarfimmi qulingiluanik inuttaqartumi peqataalissaaq, sulisullu pikkorissuseqartumik akisussaassuseqartumillu suliassaminnik – teamimut suliffeqarfimmullumi sullissipput, suleqatigiilluarneq qiimasuunissarlu aamma pingaartinneqarluarput.

Royal Arctic Linemi paasissutissat tunngavigalugit atorfinitsitsiniarneq, piginnaasanik ineriartortitsineq naammassisaqarsinnaanermillu aqutsineq immikkut ukkatarivagut. Tamatuma saniatigut suleriaatsit periaatsillu pitsaasut atorlugit, Suliaqarnikkut ingerlatsinermi aaqqissuussinerit paasissutissallu atorluarlugit umiarsuaatileqatigiiffiup toqqammavigisaa qulakkeerniarlugu sulissutigaarput.

Aammattaaq immikkoortortaqarfiuvugut pitsaasumik suleqatigiinnissamut, pitsaasunik angusaqarnissamut pingaaruteqartutut isigisatsinnut ukkatarinniffiusoq.

 

Atorfik pillugu

 

Suliassatit pingaarnerit tassaassapput:

  • Suleqatigiinnut aqutsisunik ineriartortitsinermik ingerlatsisarnitta ineriartorteqqinnissaa suleqataaffigalugu, kingornatigullu taamatut ingerlatsinernik piareersaanissaq
  • Sulisut naammagisimaarinninnerannik ukiumoortumik misissuineq akisussaaffigalugu
  • Royal Arctic Linemi onboarding aamma employer branding ineriartorteqqillugit
  • Sulisussarsiornerit isumagalugit

 

Tamatuma saniatigut, suleqatitit peqatigalugit, sulisoqarnermut tunngassuteqartut suliassat assigiinngiiaartut suliassaqarfigissavatit. Ulluinnarni sulisoqarnermut atatillugu allaffissornikkut suliaqarneq, suliffeqarfiullu iluani sulisoqarnermut ineriartortitsinissamut kiffartuussinerit, aqutsisunut paasissutissanik tunniussinerit kiisalu sulisunik atorfinitsitsineq aamma ataannartitsineq assigisaallu suliarineqartarlutik.

 

Qinnuteqartumut naatsorsuutigisat

  • Sulisoqarnerup iluani sulinermik misilittagaqartuussaatit, tassungaluunniit attuumassusilimmik ilinniagaqarsimasuullutit
  • Inussiarnersuuvutit allattariarsornikkullu oqaluttariarsornikkullu attaveqallaqqissuullutit
  • Kalaallisut danskisullu oqalussinnaavutit
  • Suliassaqarfiit nutaat assigiinngiiaarsinnaasut pulaffigipallannissaannut piginnaaneqarputit
  • Namminersorsinnaassuseqarputit, iliuuseqarumatuujullutit suliassallu nammineq suliassat immikkoortortarisavillu suliassai anguniagaalu kajumissuseqarluarlutit suliarisarlugit
  • IT-mut atortunik assigiinngitsunik atuilluarsinnaavutit
  • Ikiuukkumatuujussaatit teamimullu ingerlalluartumut peqataarusussuseqartuullutit

 

Neqeroorutigaavut

Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi atorfininneq. Suliffeqarfik niuernermi pissutsit malillugit akissarsiaqartitsisarpoq, atorfeqartitaanermilu atugassarititaasut allat pitsaasumik inissisimallutik. Suliffeqarfik atorfiniffigisassami aqutsineq, sulisunillu ineriartortitsineq pikkorissaanerlu ukkatarineqarput.

 

Paasissutissat sukumiinerusut

Atorfik pillugu paasisaqarnerorusukkuit sulisoqarnermi immikkoortortaqarfimmi teamimi aqutsisoq Kattie Pedersen saaffigineqarsinnaavoq oqarasuaammut 34 91 51-imut, imaluunniit sulisoqarnermut pisortaq, Tommy Ege Kristensen oqarasuaammut 34 91 07-imut saaffigineqarsinnaavoq.

 

E-mailikkut qinnuteqaatinik tigusineq ajorpugut.

 

Atorfininneq: Januaarip aallaqqaataani 2020, qinnuteqartorli uagutsinnut tulluarneq utaqqisinnaavarput

Qinnuteqarfissaq kingulleq:  Novembarip aqqarngani 2019

Qinnuteqaatit: Ingerlaavartumik suliarineqassapput

Oqaloqatiginninnerit: Nuummi ingerlaavartumik ingerlanneqassapput

 

Atorfik ugguuna qinnuteqarfigiuk