Skip to main content
142

Dette jobopslag er udløbet

Royal Arctic Line A/S Sulisoqarnermut siunnersortimik pikkorissumik pissarsiorpoq

 

Suliffeqarfimmi allanngoriartortumi sulilernissannut piumassuseqarpit? Suliassaqarfiit nutaat assigiinngiiaarsinnaasut pulaffigipallannissaannut piginnaasaqarpit? Taava Immaqa ILLIT tassaavit suleqatigiligassarput?

 

Royal Arctic Line A/S-ip qullersaqarfiani Nuummi inissisimasumi suleqatitaassarput teamimi sullarissumi Sulisoqarnermut Akissarsialerinermullu immikkoortortaqarfimmi qulingiluanik inuttaqartumi peqataalissaaq, sulisullu pikkorissuseqartumik akisussaassuseqartumillu suliassaminnik – teamimut suliffeqarfimmullumi sullissipput, suleqatigiilluarneq qiimasuunissarlu aamma pingaartinneqarluarput.

 

Atorfik pillugu

Sulisoqarnermut siunnersortitut suliffeqarfiup iluani suleqatitit peqatigalugit sulisoqarnermut tunngassuteqartut suliassat assigiinngiiaartut suliassaqarfigissavatit.Ulluinnarni sulisoqarnermut atatillugu allaffissornikkut suliaqarneq, suliffeqarfiullu iluani sulisoqarnermut ineriartortitsinissamut kiffartuussinerit, aqutsisunut paasissutissanik tunniussinerit kiisalu sulisunik atorfinitsitsineq/ataannartitsineq assigisaallu suliarineqartarlutik.

Royal Arctic Linemi performancemut, sulisoqarnermullu atortoq paasissutissanik imalik atorlugit suliaqarpugut, taakkununngalu tunngatillugu ukioq manna immikkut ittumik makku ukkataraagut:

  • Sulisoqarnermi atortutsinni, MindKeyimi, paasissutissanik assigisaanillu ineriartortitsineq atuinerlu
  • Sulisunut sulisutut ineriartornissamut suliffimmillu nuannarinninnerup ineriartortinnissaa, tassunga ilaallutik performance, piginnaasanik aqutsisinnaanermillu ineriartortitsineq kiisalu sulisut atorfimmut naammagisimaarinninnerinut misissuinerit
  • Onboarding kiisalu Employer branding
  • Atorfinitsitsinerit

 

Taakkua saniatigut suliffeqarfiup iluani suleriutsit sulisoqarnermut tunngassutillit qaammammusialinnullu akissarsialerinermut tunngassutillit pitsanngorsaaffigineri suliarisarpagut.

 

Qinnuteqartumut naatsorsuutigisat

  • Sulisoqarnerup iluani sulinermik misilittagaqartuussaatit, tassungaluunniit attuumassusilimmik ilinniagaqarsimasuullutit
  • Kalaallisut qallunaatullu allattariarsornikkut oqaluttariarsornikkullu attaveqallaqqissuuvutit
  • IT-mut atortunik assigiinngitsunik atuilluarsinnaavutit, Excel-imillu atuineq sungiusimasaralugu
  • Suliassaqarfiit nutaat assigiinngiiaarsinnaasut pulaffigipallannissaannut piginnaaneqarputit
  • Namminersorsinnaassuseqarputit, iliuuseqarumatuujullutit suliassallu nammineq suliassat immikkoortortarisavillu suliassai anguniagaalu kajumissuseqarluarlutit suliarisarlugit
  • Suliassannik naammassinnillaqqissuuvutit
  • Ikiuukkumatuujussaatit teamimullu ingerlalluartumut peqataarusussuseqartuullutit

 

Neqeroorutigaavut

Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi atorfininneq. Suliffeqarfik niuernermi pissutsit malillugit akissarsiaqartitsisarpoq, atorfeqartitaanermilu atugassarititaasut allat pitsaasumik inissisimallutik. Suliffeqarfik atorfiniffigisassami aqutsineq, sulisunillu ineriartortitsineq pikkorissaanerlu ukkatarineqarput.

 

Paasissutissat sukumiinerusut

Atorfik pillugu paasisaqarnerorusukkuit sulisoqarnermi immikkoortortaqarfimmi teamimi aqutsisoq Kattie Pedersen saaffigineqarsinnaavoq oqarasuaammut 34 91 51-imut, imaluunniit sulisoqarnermut pisortaq, Tommy Ege Kristensen oqarasuaammut 34 91 07-imut saaffigineqarsinnaavoq.

 

E-mailikkut qinnuteqaatinik tigusineq ajorpugut.

 

Atorfininneq: Sukkanerpaamik, qinnuteqartorli uagutsinnut tulluarneq utaqqisinnaavarput

Qinnuteqarfissaq kingulleq:  Aprilip 7-at 2019

Qinnuteqaatit: Ingerlaavartumik suliarineqassapput

Oqaloqatiginninnerit: Nuummi ingerlaavartumik ingerlanneqassapput

 

Atorfik ugguuna qinnuteqarfigiuk