Skip to main content
109

Dette jobopslag er udløbet

Royal Arctic Line A/S Sisimiuni nassiussalerisussarsiorpoq

Sullisserusussuseqartuuit, qiimasuuit aammalu suliassanik arlalinnik ataatsikkut tigummiaqarsinnaavit, kiisalu sullitanut attaveqarneq pikkoriffigaajuk? Suliffimmi ulluinnaat assigiinngiiaartut kiisalu suliassat ilutigalugit ineriartornissamik periarfissiisoq suliffeqarfik pilerigaajuk? Taamaappat immaqa taannaavutit suleqatigiligassarput!

 

Nassiussalerisutut pingaarnertut suliassarissavatit nassiussaleriffiup karsiata isumaginissaa kiisalu sullitanik oqarasuaatikkut takkuttunillu sullissineq. Sulisut allat (nassiussaleriffiup pisortaa assartugassalerisullu) peqatigalugit nassiussanik aqutsinerup sullitatsinnut, suleqatigisatsinnut umiarsuaatitsinnillu iluaqutaasussamik eqqortumik ingerlanneqarnissaa qulakkiissavarsi.

 

Sullitanut sammisumik inissisimaffeqarputit ullullu tamaasa oqarasuaatikkut takkuttullu saaffiginnissutigisaat assigiinngisitaartorpassuit isumagisarlugit. Nassiussat piffissaq eqqorlugu apuuttussaapput allagaatillu tamarmik eqqortuusussaallutik. Sullitaq sapinngisamik pitsaanerpaamik ikiussavat Royal Arctic Linemit kiffartorluarneqarnerminik misigisaqartillugu.

 

Suliassat pingaarnerit

  • LIMA-mi inniminniinernik nalunaarsuineq
  • Nassiussassanik tigusanik tunniussanillu nalunaarsuineq
  • Nassiussat sinerissamut Danmarkimullu uppernarsaataannik suliaqarneq
  • Umiarsuit umiarsuaaqqallu nunaqarfiliartaatit ingerlaarnerinik LIMA-mut nalunaarsuineq
  • Nassiussat uppernarsaataannik suliaqarneq
  • Nassiussaleriviup ulluinnarni ingerlanneqarnerani peqataaneq
  • Sullitanut attaveqarluarsinnaanerup qulakkeernissaa

 

Qinnuteqartumut naatsorsuutigisat:

  • Allaffimmiutut ilinniagaqarsimasuuvutit
  • Qarasaasiamik atuisinnaassaatit
  • Sullitanut, suleqatisanut assigisaannullu salliutitsisinnaassuseqartuussaatit
  • Piffissap suliffiusup nikerarsinnaaneranut piareersimasuussaatit
  • Kalaallisut qallunaatullu attaveqarsinnaassuseqassaatit
  • Suleqatikkuminartuussaatit

 

Inuttut piginnaasat

Ulluinnarni ulapaarfiusuni allanngorartunilu pimoorussilluarlutit namminersorlutillu suliassarpassuit tigoorarsinnaassavatit. Kajumissuseqarluartuussaatit, suliassallu arlariit ataatsikkut suliarisinnaallugit. Iliuuseeqarusussuseqartuuvutit, eqaatsumik suleriuseqarlutit, naatsorsorluarsinnaallugulu qaqugukkut sukkullu illit piginnaasavit suleqatiginninnissallu atorfissaqartinneqarnersut.

 

Neqeroorutigaarput

Suliffeqarfimmi pitsaasumi soqutiginartumi suleqatigiiffiulluartumi suleqatigiit aallussisut akornanni soqutiginartunillu unammilligassartalimmi atorfinitsinneqarneq. Aningaasarsiassat unammillersinnaasut atugassarititaasullumi allat piginnaasatit aallaavigalugit inissititserneqarsimasut. Suliffeqarfimmi nukittuumi aqutsinermik sulisunillu ineriartortitsinermik pikkorissaanermillu ukkataqartumi atorfininneq.

 

Paasissutissat allat

Atorfik pillugu paasisaqarnerorusukkuit Sisimiuni umiarsualivimmi  pisortaq Solvej Møller oqarasuaatikkut 86 79 21-mut attavigisinnaavat.

 

E-mailikkut qinnuteqaatinik tigusineq ajorpugut, nittartakkatsinnit qinnuteqassaatit.

 

Atorfininneq: Atorfik piaarnerpaamik inuttalerusunneqarpoq, eqqortumilli atorfinitsitsinissaq utaqqisinnaavarput

Qinnuteqarfissaq kingulleq: Oktobarip 13-iat 2019

Qinnuteqaatit: Qinnuteqaatit ingerlaavartumik suliarineqassapput
Oqaloqatiginninnerit: Oqaloqatiginninnerit ingerlaavartumik ingerlanneqassapput

 

Atorfik ugguuna qinnuteqarfigiuk