Skip to main content
152

Royal Arctic Line A/S Sisimiuni nassiussalerisumik pissarsiorpoq

Piffissaq eqqorlugu umiarsuaqarnissatsinnut qulakkeerinneqataasarusuppit? Aaliangiisinnaassuseqarpit, akisussaaffimmillu tigusisinnaallutit? Taava immaqa illiuvoq Sisimiuni nassiussalerisortaassarput.

Terminalitsinni namminersorsinnaassusilimmik, iliuuseqartartumik, pilersitserusussusilimmik, tulleriissaarillaqqissumik sullitanullu sullissilluarsinnaasumik nassiussalerisussarsiorpugut piaartumik sulilertussamik.

Nassiussalerisoq avammut ersarissumik atorfeqarpoq suleqatillu peqatigalugit kiffartuussilluarnissaq, nassiussallu allaffissornikkut nakkutiginissaat isumagisassarai, sullitatsinnut, suleqatitsinnut, umiarsuarnullu iluaqutaasussamik.

Suliassat tassaanerussapput:

  • nassiussat allaffissornikkut suliarineqarneri
  • qarasaasiatigut nassiussanut atatillugu isumaginninneq
  • sullitat umiarsuillu attaveqarfigisarnissaat
  • nassiussaleriffimmi suliassanut suleqataaneq
  • umiarsualivimmi pisortap peqanngiffiini taassumunnga taartaasarneq

 

Illit qanoq ittuunissat tunuliaqutigisassatillu

Piginnaasat

Naatsorsuutigaarput allaffissornikkut patajaatsumik tunuliaqutaqarnissat/misilittagaqarnissat. Umiarsualivimmi pisortap qanimut suleqatigineratigut ineriartortitsisinnaanissat. Qarasaasiamik atuisinnaassaatit. Sullitanik suliassanillu salliussisinnaassuseqarneq pingaartippat. Taamatullu oqaluttariarsornikkut allattariarsornikkullu kalaallisut qallunaatullu attaveqarsinnaaneq, tuluttullu paasinnissinnaaneq. Sullisserusussuseqartuuneq kiisalu suleqatikkuminartuuneq.

Aqutsinermik misilittagaqarputit.

 

Inuttut piginnaasat

Ulluni ulapaarfiusuni piumassuseqarluarlutit namminersorsinnaassuseqarlutillu suliassanik aallussisinnaanissat. Sullarissuunissat suliassanillu arlalinnik ataatsikkut tigummiaqarsinnaanissat. Aallartitsisinnaaneq, aallartitamillu naammassinnissinnaaneq pikkoriffigissavat.

Akisussaassuseqartuuvutit, namminersorlutillu sulisinnaallutit kiisalu suleqatigiinni siuttuunissamut sapiissuseqarlutit. Ersarissumik paasiuminartumillu attaveqaqateqarsinnaavutit – aammalu pilersaarusiullaqqissuuvutit tamakkiisumillu takunnissinnaallutit. Sullitat pisariaqartitaat pingaartillugit aaqqiissutissarsiornissamut tunngatillugu eqaatsumik pissuseqarputit.

 

Neqeroorutigaarput

Suliffeqarfimmi pitsaasumi soqutiginartumi suleqatigiiffiulluartumi suleqatigiit aallussisut akornanni soqutiginartunillu unammilligassartalimmi atorfinitsinneqarneq. Aningaasarsiassat unammillersinnaasut atugassarititaasullumi allat piginnaasatit aallaavigalugit inissititserneqarsimasut. Suliffeqarfimmi nukittuumi aqutsinermik sulisunillu ineriartortitsinermik pikkorissaanermillu ukkataqartumi atorfininneq.

Pinerluuteqarsimannginnermik uppernarsaat

Qinnuteqartut tamarmik pinerluuteqarsimannginnermik uppernarsaammik takussutissaateqarnissaat piumasarineqarpoq.

 

Inissiaq

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit.

 

Paasissutissat allat

Atorfik pillugu paasissutissanik sukumiinerusunik perusukkuit, Regionshavnechef, Solvej Møller, Sisimiut oqarasuaammut 86 79 12 –imut saaffigineqarsinnaavoq.

 

Atorfininneq: Piaarnerpaamik
Qinnuteqarfissap killinga: Aggustip 7-iat 2019
Oqaloqatiginninnerit: Oqaloqatiginninnerit ingerlaavartumik ingerlanneqassapput

 

Atorfik uani qinnutigiuk