Skip to main content
122

Dette jobopslag er udløbet

Royal Arctic Line A/S sisamanik Terminalarbejderinngornianik ukunani illoqarfinni ilinniartussarsiorpoq: Narsaq, Ilulissat Nuummilu marluk

Suleqatit nuannersut suleqatigalugit ulluinnaat unammilligassallit ulapaarfiusullu peqataaffigilerusuppigit, aammalu Royal Arctic Linemi suliffeqarfittut pissanganartumik ineriartorfiusumi peqataarusuppit?

Taava Terminalarbejderinngorniatut ilinniartutut atorfik ilinnut piukkunnarluartuuvoq.

 

Terminalarbejderit akuuffigilissavatit, ulluinnarni ulapaarfiusuni ataatsimoorluni suliassaqarfiit assigiinngitsut suliarisassallugit – ilinniartutullu ilikkagassatit amerlaqaat ilaatigut usit navianartut, ikiueqqaarneq aammalu qanoq Reach Stackerip ingerlannissaa. Aalajaatsuuneq pisariaqarluinnarpoq tassami Assartugalerisuusut taakkuummata umiarsuaqartillugu isumannaatsumik pilertortumillu sullissinissamut pingaaruteqarnerpaanut ilaasut. Assartugalerisutut sulininni aamma biilersinnaanermut allagartartaassaatit, truckinut ingerlatsisinnaanermut aammalu kranimik ingerlatsisinnaanermut uppernarsaateqalissaatit, usinik navianartunik suliaqarsinnaanermut uppernarsaatitaassaatit allallu uppernarsaatit pisariaqartinneqartut pigilissallugit.

 

Suliassat ilinniagassatit pingaarnerit makkuussapput:

  • Containerinik immiineq/imaajaaneq
  • Containerinik usilersuineq/usingiaaneq
  • Nassiussassanik tigusineq/ tunniussineq
  • Sullitanik sullissineq
  • Quersuarmi isumaginninneq
  • Umiarsuarnik kilisaatinillu usingiaaneq usilersuinerlu
  • Nassiussanik isertunik anisussanillu nalunaarsuineq
  • RAL-ip umiarsualiviisa allaffiini suliassaqarfiit assigiinngitsut

 

Qinnuteqartussamut naatsorsuutigisat:

  • Inuttut anguniakkatut siunniussanut piumassuseqarluni angorusutalik
  • Suliniuteqartoq soqutiginnittorlu
  • Alapernaatsoq ammasuusorlu
  • Namminersorluni suleqateqarnermilu sulisinnaassusilik
  • Qiimasoq sullisserusussusilillu
  • Piffissaq eqqorlugu takkuttartoq
  • Ilikkagaqarnissaminut akisussaaffilik

 

Neqeroorutigaavut
Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi ilinniartunngorneq. Suliffeqarfimmi ilinniarfigiligassami aqutsineq, sulisunillu ineriartortitsineq pikkorissaanerlu ukkatarineqarput. Akissarsiat lærlinginut ilinniartunullu isumaqaqatigiissutit atuuttut malillugit ingerlanneqassapput.

 

Paasissutissat allat
Atorfik pillugu paasisaqarnerorusukkuit tikilluaqqusaavutit ukununnga oqarasuaatinut attaveqarnissamut:

Narsaq, Terminalleder Ernst Jensen +299 66 49 64.

Ilulissat, umiarsualiviup pisortaa Anders Andersen +299 94 79 16.

Nuuk, Godsforvalter Nuka Karlsen Geisler +299 34 92 19.

 

Nittartagarput aqqutigalugu qinnuteqaasiorsinnaavutit Meeqqat atuarfianni soraarummeernermut allagartaq ilinniarfigilikkamiillu akuerisaanermut atatillugu allagarsiat ilanngullugu nassiutissavatit.

 

E-mailikkut qinnuteqaatit tiguneq ajorpagut.

 

Atorfininnissaq: Kingusinnerpaamik 01-08-2019

Qinnuteqarnissamut killigititaq: 17-03-2019

Qinnuteqaatit: Ingerlaavartumik suliarineqartassapput

Oqaloqatigiinneq: Oqaloqatiginninnerit ingerlaavartumik ingerlanneqassapput

 

Atorfik ugguuna qinnuteqarfigiuk