Skip to main content
130

Dette jobopslag er udløbet

Royal Arctic Line A/S shippingimi ilinniartunik pissarsiorpoq

Shippingip silarsuaani sulinissat takorloortarpiuk – nunani tamalaani sullissivimmi suliaqarlutit?

Royal Arctic Linemi sulinerit aallartiguk – maani siunissami pisortaasussat ilinniartittarpagut nunanilu tamalaani suliassat immikkut ittut pillugit aamma ilinniartitsisarluta.

Shippingimi ilinniarneq nunani tamalaani atorneqarsinnaasoq neqeroorutigaarput, ilinniarnerillu naammassigukku uagutsinni aamma atorfinissinnaanissat periarfissaqartinneqarumaarluni. 

Atuagarsornikkut suliffimmilu sulinikkut shippingip silarsuaani suliassanut assigiinngitsorujussuarnut isertinneqassaatit.

Ilinniartitaaneq:

The Commercial Shipping Program tuluttut ukiuni marlunni tunngaviusumik ilinniagassaavoq, piffissallu ingerlanerani atuagarsornikkut, suliffeqarfimmi sulinikkut namminerlu E-learning aqqutigalugu ilinniarnikkut ingerlatassaalluni.

Atuarfimmiikkaangavit ilaatigut imaatigut angallannermi inatsisinut, aningaasaqarnermut, kultureqarnermut, aqutsinermi aningaasaqarnermut sunniutaasinnaasunut allarpassuarnullu tunngasut paasisaqarfigissavatit. Tamanna ilutigalugu danskit nunat allamiullu atuaqatiginerisigut sulininni tunngaviusinnaasutut ilisarisimasaqalissaatit.

 

Ilinniartitaaneq pillugu uani paasisaqarnerugit

 

Suliffimmi sulilluni ilinniarneq:

Suliffimmi suliitigalutit ilinniarninni suliffeqarfissuaq tamaat misiliillutit suliffigissavat, atuagarsornikkullu ilinniakkatit piviusumik atussallugit, soorlu umiarsuarnik Ingerlatsinermut immikkoortortaqarfimmi, aningaasaqarnermut immikkoortortaqarfimmi, nassiussaleriffimmi il.il.

Tunngaviusumik ilinniareernerup kingorna aqqutit marluusut arlaat toqqarsinnaavat:

  • Aqutsineq
  • Nunani tamalaani ilinniaqqinnissaq

Tassani Royal Arctic Linep nunani allani suleqataasa ilaanni ilinniaqqinnissat periarfissaassaaq.

Naatsorsuutigaarput kingusinnerpaamik 1. august 2019 maani praktikerlutit aallartissasutit, septembarimi ilinniarnivit aallartinnissaata tungaanut suliffeqarfipput iluamik ilisarisimalerniassagakku.

 

Piumasaqaatit qinnuteqarnerlu

Naatsorsuutigaarput minnerpaamik ilinniarnertuutut naammassisimassasutit, tuluttut, allattariarsornermi oqalussinnaanermilu, matematikkimi qallunaatuumilu angusarissaarlutit.

Inuttut anguniagaqallaqqissuussaatit, nammineersinnaassuseqarlutit naammassinnikkusussuseqarlutillu, aammalu suliffimmut ulapaarfiusumut, akisussaaffeqarfiusumut piumasaqaateqarfiusumullu piareersimassaatit.

Qinnuteqaammik, ilinniarsimanermut uppernarsaatinik, CV-mik immaqalu aamma oqaaseqaatinik, piumassuseqarluni sulianik, tigusinissarput naatsorsuutigaarput.

Royal Arctic Line atorfiit inuttassarsiorneranni immersugassanik misilitsinnertut ittunik atortarpoq, tamanna aamma ilinniartussarsiornitsinnut atuuppoq.

Ilinniartitaaneq una pisortanit tapiissutinik (SU-mik) pissarsiffiusinnaanngimmat atuarfimmiinneq praktikkernerullu nalaa Royal Arctic Linemit akissarsiaqarfiussaaq.

Pinerlussimannginnermut uppernarsaat

Qinnuteqartut tamarmik pinerlussimannginnermut uppernarsaammik naammaginartumik takutitsisinnaasariaqarput.

Ilinniarnerup ingerlanera imaluunniit Royal Arctic Linemi suliffeqarneq pillugit apeqqutissaqaruit Chief Operations Officer Ivalu Kleist, oqarasuaat 34 92 03, attaveqarfigisinnaaavat.

E-mail aqqutigalugu qinnuteqaatinik tigusineq ajorpugut.

Atorfiniffissaq: 1. august 2019

Kingusinnerpaamik qinnuteqarfissaq: 19. maj 2019

Qinnuteqaatit: Takkuttullu suliarineqassapput.

Oqaloqatigiinnissat: Takkuttoqartorlu Nuummi pisassapput

 

Atorfik ugguuna qinnutigiuk