Skip to main content
75

Dette jobopslag er udløbet

Royal Arctic Line A/S shippingimi ilinniartunik angusaqarusussuseqartunik pissarsiorpoq

Shippingip silarsuaani periarfissanik ammaassisussamik ilinniagaqarnissat takorloortarpiuk? Suliffeqarfimmi nunani tamalaani suliaqarfiusumi ineriartupiloorfiusumilu sulilernissat takorloorsinnaaviuk? Suliassallu namminersuussassat akisussaaffeqartitaanerlu kajuminnartippigit? Siuliani allaqqasut ’aap’-imik akisinnaagukkit, taava pilerinartumik periarfissaqartippatsigit! 

Suliffeqarnerit Royal Arctic Line aallartiguk
Suliffeqarfitsinni ilinniartutut nunani tamalaani atorsinnaasannik pissanganartumik ilinniartitaanermik, ilinniareernerullu kingorna atorfinitsitaanissamut periarfissagissaartumik neqeroorfigisinnaavatsigit. Ilinniarnerup ingerlanerani shippingip iluani suliaqarfiit tamaasa aqqusaassavatit siunissamilu shippingip iluani aqutsisutut imaluunniit immikkut ilisimasalittut sulilernissamut piginnaanngorsarneqassaatit. 

Ilinniarneq ukiunik marlunnik sivisussuseqarpoq, ilinniarnerullu annersaa suliffeqarfissuarmi Royal Arctic Linemi ingerlanneqartarluni. Danmarkimi “Danish Shipping Academy”-mi tunngaviusumik ilinniartitaaneq ingerlatissavat. Ilinniarfimmi tassani atuartitsineq tuluttut ingerlanneqartarpoq, taamaammat tuluit oqaasii atorlugit ilinniarnermik ingerlatsisinnaanissaq piumasaqaataavoq.

Ilinniarfimmiinnermi ilaatigut imarsiornermut inatsisit, aningaasaqarneq, kulturinik paasinnittaaseq, risk - aamma supply chain management allarpassuillu atuagarsornikkut paasisimasaqarfigilissavatit. Tamatumunngalu peqatigitillugu Danmarkimi nunanilu allani shippingimik suliffeqarfinni umiarsuaatileqatigiiffinnilu ilinniartut allat attaveqaqatigilissavatit.

Sungiusaatigalugu sulininni Royal Arctic Linep suliaqarfiini tamani paarlakaattumik sulissaatit, taamaalillutillu atuagarsornikkut ilinniakkavit suliassani tigussaasuni atornissaannut periarfissaqarluassallutit. Ilaatigut ingerlatsinermut immikkoortortaqarfimmi, Royal Arctic Linep umiarsuaanik pilersaarusiornermik ataqatigiissaarinermillu suliaqarfiusumi, aningaasaqarnermut immikkoortortaqarfimmi, nassiussalerinermut immikkoortortaqarfimmi allanilu sulissaatit. Tamatuma saniatigut aamma nunatsinni nunattalu avataani suleqatigisat suliffeqarfiup avataaneersut suleqatigisassavatit. Ilinniarnerit tamakkerlugu tapersersorteqartinneqassaatit.

Aamma sungiusaatigalugu sulinerpit ilaa Royal Arctic Linep nunani tamalaani suleqatigisaata ilaanni ingerlannissaanut periarfissaqassaatit.

Qinnuteqartumut naatsorsuutigisavut
Angusaqarusussuseqartuussaatit, namminersorsinnaallutit, siunnerfeqartuullutit nutaanillu misileerusussuseqarluarlutit. Ulluinnarni tamatigoortunik unammillernartunillu suliassaqarfiusuni sulinissaq nuannarissavat, suleqatiginnillaqqissuussallutillu. Ilinnut suliassannullu akisussaaffimmik tigusisinnaanissat naatsorsuutigaarput, piffissaliussallu sukangagaluarpataluunniit ukkatarinnissinnaassuseqassaatit.

Tamatuma saniatigut minnerpaamik ilinniarnertuunngorniarfimmi soraarummeersimassaatit.

Neqeroorutigisavut
Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi atorfininneq. Suliffeqarfik niuernermi pissutsit malillugit akissarsiaqartitsisarpoq, atorfeqartitaanermilu atugassarititaasut allat pitsaasumik inissisimallutik. Suliffeqarfimmi atorfiniffigisassami aqutsineq, sulisunillu ineriartortitsineq pikkorissaanerlu ukkatarineqarput.

 

Ilinniarnerup nalaani akissarsiaqartinneqassaatit. Aammattaaq inissiami Royal Arctic Linemi shipping trainees allat najugaqaqatigalugit ineeqqamik tunineqarnissat periarfissaavoq.

 

Pinerlussimannginnermut uppernarsaat
Qinnuteqartut tamarmik pinerlussimannginnermut uppernarsaammik akuerineqarsinnaasumik peqassapput.

Paasissutissat allat
Royal Arctic Linemi sungiusaatigalugu sulinissaq, ilinniartutut atorfeqarnermut atugassarititaasut pillugu imaluunniit ilinniarnerup ingerlarnga apeqqutissaqaruit, HR konsulent Signe Hybholt oqarasuaatikkut +299 34 91 52-mut attaveqarfigisinnaavatit.

Danish Shipping Academyip nittartagaani ilinniartitaaneq pillugu paasisaqarnerusinnaavutit.

Atorfik nittartagarput aqqutigalugu qinnuteqarfigissavat. Minnerpaamillu tunngavilersuillutit qinnuteqaasiat, CV soraarummeersimanermullu uppernarsaatit attuumassuteqartut kakkiullugit nassiutissavatit. E-mailikkut qinnuteqaatinik tigusineq-ajorpugut.

Royal Arctic Linep sulisussarsiornermini misilitsitsisarnerit atortarpai.

Atorfininneq: Isumaqatigiissuteqarnikkut
Qinnuteqarfissaq kingulleq: Juunip 14-iani 2020
Qinnuteqaatit: Ingerlaavartumik suliarineqassapput
Oqaloqatigiinneq: Oqaloqatiginninnerit ingerlaavartumik ingerlanneqassapput

 

Atorfik ugguuna qinnuteqarfigiuk