Skip to main content
111

Dette jobopslag er udløbet

Royal Arctic Line A/S Pisortaanermut allatsissarsiorpoq

Sulinermi avatangiisini ilaatigut uummarissuni sulinissaq iluarisimaarnariviuk ataatsimullu isiginnissinnaassuseqarpit? Inunnik ulapittunik kiffartuussinissaq nuannariviuk?

 

Namminersorlutit ilusilersukkamillu sulisinnaavit aamma suleqatigiit suleqataaffigerusuppigit, illillu kiffartuussineq aqutsinerlu immikkoortortaqarfinnik arlariinnik ataqatigiissitsiffiusoq pingaarnertut suliassaralugu?

 

Suleqatigiinni kiffartuussinermiksulialinnik tunniusimasunik, aaqqissuussaanermut tamarmut ulluinnarni kiffartuussinsunik aqutsinissaq kajungernartippiuk?   

 

Qulaani allaaserineqartut aappimik akisinnaagukkit, taava immaqa illit pisortaanermut allatsissatut pisariaqartippatsigit.

 

Pisortaqatigiit allaffissornikkut ikorfartornissaannut kiffartuunnissaannullu qitiusumik inissisimassaatit, tamatumunngalu peqatigitillugu Nuummi kantiinanut allaffeqarfinnullu sullissineq aqutsisuuffigalugu. Aammattaaq allattoqarfiup suliaanut assigiinngitsorpassuarnut aqutsisuussaatit.

 

Suliassat tassaanerussapput:

·     Siulersuisut ataatsimiinnerini, ataatsimeersuarnerini kiisalu aqutsisoqatigiit katerisimaarnerini allanilu angalanernik aaqqissuussinernillu ataqatigiissaarineq ikiortaanerlu.

·     Nuummi kantiinat ingerlanneqarnerinut akisussaasuuneq, tassunga ilanngullugu sulisunik aqutsineq

·      Nuummi allaffinnut kiffartuussinermut akisussaasuuneq, tassunga ilanngullugu sulisunik aqutsineq

·     Allagaateqarfimmik/journalinik nutarterineq malinnaatitsinerlu

·      Tapersersuilluni aningaasaliissuteqartarnermut ataatsimiititaliamut allattaaneq

·      Pilersaarusiornermut allattoqarfimmi kiisalu Compliancemi, pisortaqatigiinnut allattoqarfiup ataaniittunut, sulianut ikiuineq

·     Immikkoortortaqarfimmut akiligassiissutinik naatsorsuutinut nalunaarsuineq

 

 

Qinnuteqartumut naatsorsuutigisagut:
Allaffissornerup iluani ilinniagaqarneq imaluunniit atorfimmi assingusumi minnerpaamik ukiuni marlunni misilittagaqarneq, tassunga ilanngullugu aqutsisutut akisussaaffeqarsijmanissaq. Kalaallisut, danskisut tuluttullu allattariarsornikkut oqaluttariarsornikkullu attaveqarsinnaanissat naatsorsuutigaarput.

 

Neqeroorutigaavut
Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi atorfininneq. Suliffeqarfik niuernermi pissutsit malillugit akissarsiaqartitsisarpoq, atorfeqartitaanermilu atugassarititaasut allat pitsaasumik inissisimallutik. Suliffeqarfimmi atorfiniffigisassami aqutsineq, sulisunillu ineriartortitsineq pikkorissaanerlu ukkatarineqarput.

 

Pinerlussimannginnermut allagartaq
Qinnuteqartut tamarmik pinerlussimannginnermut allagartamik naammaginartumik takutitsissapput.

 

Paasissutissat sukumiinerusut
Paasissutissat sukumiinerusut pissarsiarineqarsinnaapput Pisortaanerup tulliata, Aviâja Lyberth Lennertip +299 34 91 03-mut saaffigineratigut.

 

E-mailikkut qinnuteqaatinik tigusineq ajorpugut, nittartakkatsinnit qinnuteqassaatit.

 

Atorfininneq: Januarip aallaqqaataani 2022

Qinnuteqarfissaq kingulleq: oktobarip 25-ani 2021

Qinnuteqaatit: ingerlaavartumik suliarineqassapput

Oqaloqatiginninnerit: Nuummi ingerlaavartumik ingerlanneqassapput internetiikkulluunniiit.

 

Atorfik ugguuna qinnuteqarfigiuk