Skip to main content
100

Dette jobopslag er udløbet

Royal Arctic Line A/S nuummi suliniutinut assistentimik pissarsiorpoq

Royal Arctic Line maanna suliniutinut assistentimik inuttassarsiorpoq, atorfik pissanganartorujussuuvoq, unammillernarluni atorfiullunilu immikkuullarissoq, sulitillutillu ullut allanngorangaaramik ullut tulleriit assigiippiarneq ajorput.

 

Misilittakkatit ilinniarsimasatillu kinaassutsinniit sulerusussutsinniillu pingaarnerunngillat. Alapernaatsuunissat, suleriutsikkut eqaatsuunissat, piumassuseqarnerit ataatsimoortumillu isiginnissinnaanerit ulapitsilluta pingaartitaraarput. Aaqqissugaalluartumik suleriutsimik pilersitserusussuseqaruit nukissaqarluartuuguillu taava illiusinnaavoq ujartugarput.

Naatsorsuutigissavat atorfimmi suliassat allanngorassasut, tassanilu suliassat allaffissornikkut suliassani nalinginnaasuniit namminersornerulluni suliniuteeqqanik ingerlatsisinnaanermut attuumassuteqarsinnaallutik. Atorfik aaliangeeqataasinnaanermik periarfissiivoq aammali imminut tatiginissamik, imminut aqussinnaanermik uteriitsuunissamillu piumasaqaateqarluni. Teamimi suleqatissatit sulisut arfineq-marluupput “suliniutinut allaffimmi” IT-qarfiup ataaniittumi.

 

Suliassat tassaanerussappiut:

  • Suliassanut/suliniutinut attuumassusilinnut ataavartumik aallussineq
  • Allaffissornikkut suliassat aaqqissugaalluartumik torersumillu immikkoortortami ingerlatsinissamik qulakkeerinnittut. Soorlu aatsimiinnerit ataqatigiissaarlugit, imaqarniliornerillu.
  • Namminersornikkut allanillu suleqateqarnikkut suliniuteeqqanik piareersaaneq atulersitsinerlu
  • Ulapaarfimmi pisariaqartitsiffimmilu suleqatigisanut ikiuunneq
  • Immikkoortortaqarfiup iluanini angalanerit pilersaarusiortassavatit angalernermullu systemitsinnut superbrugeritut inissisimassallutit

 

Qinnuteqartumut naatsorsuutigisat:

·       Sulianik ingerlatsisinnaavutit ingerlatserusullutillu; ilinniarusussuseqarputit tunuarsimaartuunallu

·       Angusaqarsimatillutit nuannaartarputit, attaveqaqateqarnissannut allanullu kaammattuinissannut piareersimavutit

·       Suliat aaqqinneqarnissaanut peqataanissamut tunuarsimaanngitsuuvutit

·       Suliat naammassinissaata tungaanut suliarisarpatit

·       Misissukkanik nalilersuisinnaassuseqassaatit, tulleriiaalluakkamik aaqqissugaalluartumillu suleriuseqassallutit

  • Marluinnik oqaaseqartuuneq (kalaallisut qallunaatut) – tuluttullu paasisinnaallutit

 

Neqeroorutigaavut
Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi atorfininneq. Suliffeqarfik niuernermi pissutsit malillugit akissarsiaqartitsisarpoq, atorfeqartitaanermilu atugassarititaasut allat pitsaasumik inissisimallutik. Suliffeqarfik atorfiniffigisassami aqutsineq, sulisunillu ineriartortitsineq pikkorissaanerlu ukkatarineqarput.

 

Paasissutissat sukumiinerusut
Paasissutissat sukumiinerusut pissarsiarineqarsinnaapput pisortaq, Gustav Fischer +299 34 91 53-imut saaffigineratigut.

 

E-mailikkut qinnuteqaatinik tigusineq ajorpugut, nittartakkatsinnit qinnuteqassaatit.

Atorfininneq: Sukkanerpaamik, qinnuteqartorli uagutsinnut tulluarneq utaqqisinnaavarput.

Qinnuteqarfissaq kingulleq: septembarip 30-ani 2020

Qinnuteqaatit: ingerlaavartumik suliarineqassapput

Oqaloqatiginninnerit: Nuummi ingerlaavartumik ingerlanneqassapput

 

Atorfik ugguuna qinnuteqarfigiuk