Skip to main content
89

Royal Arctic Line A/S Nuummi qarasaasialerinermut ataqatigiissaarisumik pissarsiorpoq

 

Ataqatigiissaarinermik suliaqarneq pikkoriffigiviuk, ataatsimullu isiginninnermik pilersitsillaqqippit ataatsimiinnernillu aaqqissuussillaqqissuullutit/ingerlatsillaqqissuullutit.

Qulaani taakkartorneqartut soqutigisarigukkit, taava Royal Arctic Linep Qarasaasialeriviani qarasaasiaqarnermut ataqatigiissaarisutut illit sulisortaarerusuppatsigit.
 

Atorfimmi pissanganartumi IT Change Managementimik ingerlatsineq pioreersoq akisussaaffigissavat. Suliassatit pingaarnerit tassaassapput suliffeqarfimmi qarasaasiaqarnermullu tunngasunik allannguutit pillugit ataatsimut isiginninnermik pilersitsinissaq. Tamanna ilaatigut aaqqissuussaaneq akimorlugu sapaatit akunnikkuutaartumik aalajangersimasumik ataatsimiititsinernik aqutsinikkut pisassaaq (Change-Advisory-Boardimik ataatsimiinnerit), illillu illuatungeriinnit tamanit allannguutit pillugit ataatsimut isiginninnermik pilersitsinissaq allannguutillu akuerinissaat qulakkiissallugu suliassarissavat.

Tamatuma saniatigut akuersissutinik aqutsineq kiisalu niuernikkut atortorissaarutitigullu pilersuisunut tunngatillugu ikinnerpaamik systemimut ataatsimut ineriartortitsinikkut suliassanik ataqatigiissaarineq akisussaaffigissavat.

Ulloq suliffik allanngorarfiussaaq ulluinnarnilu sulininni attaveqarfigisartakkatit siammasissuussallutik.

Atorfik Nuummi qullersaqarfimmi Qarasaasialeriviup ataani Suliniutinut allaffimmi inissisimaffeqarpoq.

Suliniutinut allaffimmi arfineq-marlunnik suleqateqassaatit, taakkulu tamarmik immikkut Qarasaasialeriviup sinneranut sullissinikkut pingaarutilinnik suliaqarput. Soorlu assersuutigalugit Suliniutinik aqutsineq, Change Management, Release aamma Deployment, ataatsimoortitsineq, Enterprise Arkitektur kiisalu umiarsualivinni terminalinut systeminik ineriartortitsineq.

Suliniutinut allaffimmi ineriartortuarnissaq nioqqutinillu pitsaalluinnartunik piffissaq eqqorlugu tunniussinissaq pingaartitaraarput.

 

Akisussaaffeqarfiit pingaarnerit tassaassapput:

  • IT-Change Management akisussaaffigalugu
  • Akuersissutinik aqutsineq akisussaaffigalugu
  • Ineriartortitsinermut suliassanik ataqatigiissaarineq akisussaaffigalugu

 

Qinnuteqartumut naatsorsuutigisat:

  • Ataatsimiinnernik aqutsillaqqissuuvutit, ataatsimiinnernilu malitseqartitsillaqqissuuvutit siuariartortitsinissamillu qulakkeerinnissinnaallutit
  • Suliassanut tunngatillugu misissueqqissaartuuvutit ilusilersuillaqqissuullutillu
  • Kisitsisilerinermut paasisimasaqarluarputit ataatsimullu isiginnissinnaalluarlutit
  • Immikkuualuttunik suliaqarneq atorfimmi qitiuvoq, immikkuualuttullu taakku sukkasuumik, eqqortumik pitsaasumillu suliarineqarsinnaassapput
  • Minnerpaamik BA-mik assingusumilluunniit qaffasissulimmik ingerlaqqiffiusumik ilinniagaqarsimassaatit
  • Tuluttut allassinnaallutillu oqalussinnaavutit

Tamatuma saniatigut inuit allat atassuteqarfigilernissaat pikkoriffigissavat, attaveqateqallaqqissuussaatit, allanut isumaannullu naalaallaqqissuussallutit kiisalu allanut kajumilersitsisinnaassuseqassallutit.

 

Neqeroorutigaavut

Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi atorfininneq. Suliffeqarfik niuernermi pissutsit malillugit akissarsiaqartitsisarpoq, atorfeqartitaanermilu atugassarititaasut allat pitsaasumik inissisimallutik. Suliffeqarfimmi atorfiniffigisassami aqutsineq, sulisunillu ineriartortitsineq pikkorissaanerlu ukkatarineqarput.

 

Paasissutissat sukumiinerusut

Atorfik pillugu paasisaqarnerorusukkuit Suliniuteqarnermut pisortaq Gustav Fischer oqarasuaatikkut + 299 34 91 53-imut saaffigineqarsinnaavoq.

 

E-mailikkut qinnuteqaatinik tigusineq ajorpugut, nittartakkatsinniit qinnuteqassaatit.

 

Atorfininneq: Piaarnerpaamik, qinnuteqartorli uagutsinnut tulluarneq utaqqisinnaavarput.
Qinnuteqarfissaq kingulleq: novembarip 30-ani 2019
Qinnuteqaatit: Ingerlaavartumik suliarineqassapput
Oqaloqatiginninnerit: Nuummi ingerlaavartumik ingerlanneqassapput

 

Atorfik ugguuna qinnuteqarfigiuk