Skip to main content
96

Royal Arctic Line Nuummi nassiussaleriffimmi chaufførimik pissarsiorpoq

Biilinik angisuunik ingerlatsisinnaanermut allagartaqarpit sullitanillu kiffartuussillaqqillutit? Ullormi suliffiusumi kiffaanngissuseqarlutit akisussaaffeqartitaallutillu sulinissat nuannariviuk? Taava immaqa illit suleqatitaassarivatsigit!

 

Royal Arctic Linep Nuummi nassiussaleriffia immikkoortortaqarfiuvoq allanngorarfiullunilu ulapaarfiusoq. Immikkoortortaqarfiup Nunatsinni Danmarkimilu umiarsuakkut timmisartukkullu nassiussat isumagisarai. Aammattaaq umiarsuit assigiinngitsut, soorlu umiarsuit takornariartaatit, ilisimatuut umiarsuaat, sakkutuut umiarsuaat allallu sullitarisarpagut. 

 

Immikkoortortaqarfik suleqatigiit ataqatigiinnissaannik pingaartitsiffiusoq ulluinnarnilu ulapaarfiusuni ikioqatigiiffiulluartoq suleqataaffigilissavat.

 

Suliassatut pingaarnerit tassaassapput:

  • Containerit immernissaat imaarnissaallu
  • Nassiussat biilimik angallannissaat (tunniussinerit aallernerillu)
  • Quersuarmiittuutinik aqutsineq
  • Nassiussaleriffimmik sullitanillu suliffeqarfiup avataaniittunik sullissineq

 

Suliassat allanngorartuussapput, chaufførimiillu ikiorneqarnissaq tassanngaannartumik pilersinnaavoq. Taamaammat eqaatsumik suleriaaseqarnissat tatiginartuunissallu pingaarpoq.

 

Qinnuteqartumut naatsorsuutigisagut:

  • biilinik angisuunik ingerlatsisinnaanermut allagartaqarnissat qamutillu assakaasullit angisuut misilittagaqarfiginissaat
  • qarasaasiamik atuisinnaaneq (Windows startpakke)
  • aalajaatsuussaatit, piffissaq eqqorlugu suliartorsinnaallutit, piffissallu suliffiup nalinginnaasup avataatigut ilaatigooriarlutit sulisinnaasassallutit, nikittaallunilu pigaartuusarneq aamma peqataaffigalugu
  • ataatsimut isiginnissinnaassaatit suliassallu arlariit ataatsikkut isumagisinnaallugit, sullissillaqqissuussaatit sullitanullu attaveqallaqqissuussallutit
  • pinerlussimannginnermut allagartaqassaatit

 

Neqeroorutigaavut

Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi atorfininneq. Suliffeqarfik niuernermi pissutsit malillugit akissarsiaqartitsisarpoq, atorfeqartitaanermilu atugassarititaasut allat pitsaasumik inissisimallutik. Suliffeqarfimmi atorfiniffigisassami aqutsineq, sulisunillu ineriartortitsineq pikkorissaanerlu ukkatarineqarput.

 

Atorfik inissamik neqeroorutitaqanngilaq.

 

Atorfik pillugu apeqqutissaqaruit nassiussaleriffimmi aqutsisoq Gorm Diernisse oqarasuaatikkut +299 34 92 80 / 52 38 18-imut attaveqarfigisinnaavat.

 

E-mailikkut qinnuteqaatinik tigusineq ajorpugut, nittartakkatsinnit qinnuteqassaatit.

 

Atorfininneq: Sapinngisamik piaarnerpaamik

Qinnuteqarfissaq kingulleq: Decembarip aallaqqaataat 2020

Qinnuteqaatit: Ingerlaavartumik suliarineqassapput

Oqaloqatiginninnerit: Nuummi ingerlaavartumik ingerlanneqassapput

 

Atorfik ugguuna qinnuteqarfigiuk