Skip to main content
67

Dette jobopslag er udløbet

Royal Arctic Line A/S Nuummi Customer Service Supporterissarsiorpoq marlunnik

Sullissilluarnermik tunniussaqarusuttuuit – ulapaarfimmi suliassat arlallit ataatsikkut suliarisinnaavigit – sullitanut attaveqallaqqissuuit – taava immaqa tassaavutit suleqatitaassarput.

 

Nuummi Sullitanut kiffartuussivimmi inniminniisarfimmilu sullarissunik soqutiginnilluartunillu suleqatissarsiorpugut immikkoortortami arfinilinnik sulisulimmi suleqataalerusuttunik. Royal Arctic Line ineriartupiloorpoq ukiorlu manna aallarnerfigalugu Eimskip ingerlaaqatigilerlutigu, isumaqarpoq nunatsinni aamma nunat assigiinngitsut sullittaleratsigit, taamaammat Customer Service Supporteritut atorfik ulluinnarni ulapaarfiusartut pissanganartunillu suliassaqarfiujuartartut inuttassarsiorpagut.

 

Suliassavit pingaarnerit ilagissavaat sullitatsinnut saaffikkuminartuunissaq, taamatullu saaffiginnissutit tamaasa, oqarasuaatikkut e-mailikkulluunniit, akineqartarnissaat qulakkeertassallugu.

 

Suliassat tassaanerussapput:

·       Inniminniinernik (booking) suliaqarneq

·       Kalaallit Nunaanni Danmarkimilu sullitatsinnik kiffartuussineq, allakkatigut oqarasuaatikkullu

·       Saaffiginnittut sullitat avataaneersut orniguttulluunniit saaffiginnissutaasa malitseqartittarnissaat

·       Sullitat allattorsimaffiannik ingerlatsineq

 

Qinnuteqartumut naatsorsuutigisagut:

  • Kalaallisut, qallunaatut tuluttullu oqalussinnaaneq
  • IT-nik atuisinnaaneq
  • Kiffartuusserusussusilik suleqatikkuminartorlu

 

Ammasuuvutit, sullisserusussusilik peqqissaartorlu. Ulluni ulapaarfiusuni suliassanik arlalinnik tigumminniffiusuni ataatsimut isiginnissinnaassuseqartuuvutit qiimasuullutillu. Suleqativit tapersersortiginissaat pisariaqartittussaavat, taamaammat suleqatiginnilluarsinnaanissat pingaaruteqarpoq.

 

Neqeroorutigaavut

Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi atorfininneq. Suliffeqarfik niuernermi pissutsit malillugit akissarsiaqartitsisarpoq, atorfeqartitaanermilu atugassarititaasut allat pitsaasumik inissisimallutik. Suliffeqarfik atorfiniffigisassami aqutsineq, sulisunillu ineriartortitsineq pikkorissaanerlu ukkatarineqarput.

 

Paasissutissat sukumiinerusut

Atorfik pillugu paasisaqarnerorusukkuit immikkoortortaqarfimmi teamimi aqutsisoq Aviaja Hegelund Johansen attavigisinnaavat oqarasuaat +299 34 91 50.

 

E-mailikkut qinnuteqaatinik tigusineq ajorpugut, nittartakkatsinnit qinnuteqassaatit.

 

Atorfininneq: Piaartumik, qinnuteqartorli uagutsinnut tulluarneq utaqqisinnaavarput.

Qinnuteqarfissaq kingulleq: Aggustip 21-at 2020

Qinnuteqaatit: ingerlaavartumik suliarineqassapput

Oqaloqatiginninnerit: Nuummi ingerlaavartumik ingerlanneqassapput

 

Atorfik ugguuna qinnuteqarfigiuk