Skip to main content
112

Royal Arctic Line A/S Nuummi containerinut terminalimi Vessel Dispatcherinik marlunnik pissarsiorpoq

Nuummi terminalitsinni ulappuppugut taamaattumillu pikkorissorissunik aalaniallaqqissunillu sulisussarsiorluta

 

Vessel Dispatcherip umiarsuit containerilersuutit usilersornerini usingiarnerinilu Terminalimi aqutsinermi systemimi ulluinnarni suliarineqartartut nakkutigissavai, ilaatigut atortut assakaasullit suliakkertassallugit, Shiftmanagerilu suleqatigalugu umiarsuarni suliassanut pilersaarutaasut isumagisarlugit, naammassisaqarluarnissarlu, isumannaallisaanerup sulinermilu atukkat tamakkiisumik pitsaassuseqarnissaat qulakkeernissaannut tunngatillugu umiarsuarnik terminalimilu suliaqarneq aqutsisuuffigalugu.

 

Suliassat tassaanerussapput:

  • Vessel Dispatcherip suliassaraa umiarsuarnik usingiaanermut usilersuinermullu atatillugu Terminalimi aqutsinermi systemip nakkutiginissaa.
  • Terminalimi aqutsinermi systemimi sullissinermi usilersuinerit usingiaanerillu naleqqussarnissaat.
  • Umiarsuit tikinnissaannut containerinik poortuinissaq pillugu quersuup attaveqarfiginissaa.
  • Nassiussanik tigusineq/tunniussineq pillugu gatep attaveqarfiginissaa.

 

Qinnuteqartumut naatsorsuutigisagut:

  • Nammineersinnaasoq suleqatiginnikkusussuseqartorlu
  • Systemit suliassallu nutaat assigiinngitsut ilisimasaqarfigilernissaannut piumassuseqartoq
  • Ingerlasussanik piareersaanermik aqutsinermillu aamma pilersaarusiornermik ilisimasaqarluartoq
  • IT-mut systeminik ilisimasaqarluartoq aamma nassiussanik aqutsinermut systeminik misilittagaqaraanni iluassaaq
  • Misissuillaqqissuseqartoq, ataqatigiissitsillaqqissoq, kisitsisilerillaqqissoq, nalunaaruteqartarnermik ajornartorsiutinullu aaqqiissutissarsiornermik piginnaasaqartoq
  • Kalaallisut danskisullu, allattariarsornikkut oqaluttariarsornikkullu piginnaasaqartoq, tuluillu oqaasii atuisutut
  • Piffissani nikerartuni sulisinnaasoq
  • Aalajaalluni suliartortartoq

 

 

Neqeroorutigaavut

Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi atorfininneq. Suliffeqarfik niuernermi pissutsit malillugit akissarsiaqartitsisarpoq, atorfeqartitaanermilu atugassarititaasut allat pitsaasumik inissisimallutik. Suliffeqarfimmi atorfiniffigisassami aqutsineq, sulisunillu ineriartortitsineq pikkorissaanerlu pingaartinneqarput.

 

Paasissutissat sukumiinerusut
Atorfik pillugu apeqqutissaqaruit Umiarsualiviup allaffia imaluunniit Laila Anja Nielsen oqarasuaatikkut +299 92 31 / 34 91 26-mut attaveqarfigineqarsinnaapput.

 

E-mailikkut qinnuteqaatinik tigusineq ajorpugut, nittartakkatsinnit qinnuteqassaatit.

 

Atorfininneq: Piaarnerpaamik

Qinnuteqarfissaq kingulleq: septembarip 30-iani 2019

Qinnuteqaatit: ingerlaavartumik suliarineqassapput

Oqaloqatiginninnerit: Nuummi ingerlaavartumik ingerlanneqassapput

 

Atorfik ugguuna qinnuteqarfigiuk