Skip to main content
144

Dette jobopslag er udløbet

Royal Arctic Line A/S Nuummi Change Koordinatorissarsiorpoq

Royal Arctic Linemi systemip sulinermi qitiusumik atorneqartartup siunissamut qulakkeerneqarnissaannut suleqataarusuppit? Sulinippit iluani alloriarnissannik takorluugaqarpit, takorluukkannilu suliffeqarfimmi IT-Change Managementip iluani ineriartortitsinissamut ingerlatsinissamullu qitiusumik inissisimarusullutit? Taava illit Change Koordinatorissatut ujartorpatsigit.

 

 

Qinnuteqartumut eqqortumut maanna periarfissaq immikkut ittoq Royal Arctic Linemi niueqatiginninnermi qanimut suleqatigiinnissaq neqeroorutigaarput, systemitsinnilu pingaarnerni allannguinissamut tunngatillugu toqqaanikkut/piiaanikkut qitiusumik inissisimassallutit.  Taamaaliortoqarnissaanut suliat assigiinngitsut ataatsikkut ingerlassinnaasariaqarpatit suleriusissanullu ersarissumik takussutissiortariaqarlutit. Tassanilu aamma niueqatigiinnermut paasinnilluarsinnaassuseqarnissaq misissuisinnaassuseqarnissaq, kiisalu inuttut piginnaasaqarluarnissaq piumasaqaataavoq

 
Taamatuttaaq IT-Change Management-ip iluani niuernermi IT-qarnermilu systemit tungaasigut pingaarnertut akisussaaffik tigummisarissavat.

Sulinermi ulluinnarisartagassatit allanngorartuupput, ilaatigut ulluinnarni suliffeqarfiup iluani immikkoortortaqarfippassuarnut attaveqartassaatit aammalu systeminut tunngatillugu pilersuisutsinnut pingaarnertut attaveqaataassallutit.

Atorfik IT-qarfimmi Suliniutinut allaffeqarfimmi, Nuummi qitiusumik allaffeqarfimmi inissisimavoq.

 

Akisussaaffiit pingaarnerit makkuupput:

 

  • Nalinginnaasumik Change Managementimi ingerlatsinermut akisussaasoq
  • Niueqatigiinnermut systemit iluini niueqatigiinnermut attuumassutilinnik nalimmassaaniarnermi isumaginninnermut akisussaasoq
  • Suliffeqarfik peqatigalugu paasissutissat eqqortuunerinik qulakkeerinninneq

Naatsorsuutigaarput:

  • Suliffeqarfimmut periutsinullu paasinnilluarsinnaassuseqarneq
  • Suleriuutsinik aqutsillaqqillunilu nakkutilliisinnaasoq
  • Ataqatigiissumik misissuisinnaassusilimmillu suleriusilik
  • Minnerpaamik ingerlaqqiffiusumit BA-mik assigisaanilluunniit ilinniagalik
  • Qallunaatut/tuluttut oqalussinnaaneq, aamma kalaallisut piginnaasaqarneq (piumasaqaataanngilarli)

Taakkua saniatigut inunnut allanut attavissarsiullaqqipputit, attaveqaataalluarsinnaavutit, inunnut allanut isumaannullu tusarniaallaqqipputit allanullu kajumissuseqalersitsisinnaallutit.

 

Neqeroorutigaavut

Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi atorfininneq. Suliffeqarfik niuernermi pissutsit malillugit akissarsiaqartitsisarpoq, atorfeqartitaanermilu atugassarititaasut allat pitsaasumik inissisimallutik. Suliffeqarfimmi atorfiniffigisassami aqutsineq, sulisunillu ineriartortitsineq pikkorissaanerlu ukkatarineqarput.

 

Paasissutissat sukumiinerusut

Atorfik pillugu sukumiinerusumik paasisaqarusukkuit, aqutsisoq Gustav Fischer +299 34 91 53-imut attavigineqarsinnaavoq.

 

Atorfininnneq:  Piaartumik, qinnuteqartorli uagutsinnut tulluarneq utaqqisinnaavarput.

Qinnuteqarnissamut killigititaq: 25. maj 2019
Qinnuteqaatit: ingerlaavartumik suliarineqassapput
Oqaloqatiginninneq: Nuummi ingerlaavartumik ingerlanneqassapput

Atorfik ugguuna qinnuteqarfigiuk