Skip to main content
67

Dette jobopslag er udløbet

Royal Arctic Line Nuummi Akissarsialerisussarsiorpoq

Akissarsialerineq misilittagaqarfigiviuk suliffeqarfimmilu annertuumik allanngoriartorfiusumi sulinissaq pilerinartippiuk? Taamaappat immaqa illit suleqatitaassarivatsigit?

 

Sulisoqarnermut immikkoortortaqarfimmi sulissaatit, Sulisoqarnermik Akissarsialerinermillu suliaqartut katillugit qulingiluaasut suleqatigalugit. Immikkoortortaqarfimmi sulisoqarnermut tunngasunik suliaqartut qanimut suleqatigissavatit.

 

Akissarsialerisutut uku suliappit ilaanniissapput:
·      Akissarsianik naatsorsuineq akissarsialerisullu suleqatigalugit.

·      Naligiissaarinerit akiliuteqarnerillu,

·      Suliassat naatsorsuinermut tunngasut assigiinngitsut.

·      Feriasiassanik naatsorsuineq akiliuteqarnerillu.

·      Immikkoortortaqarfimmi suliakkiissutit assigiinngitsut

 

Akissarsialerinermi periaatsit akuerisaasut malillugit akissarsialerineq ingerlanneqassaaq. Akissaatit pillugit isumaqatigiissutit malittarisassallu akissarsialerinermut attuumassuteqartut malinnaaffiginissaat atorfimmut ilaavoq.

 

Qinnuteqartumut naatsorsuutigisavut:
Sulilersussap akissarsialerinermi suliassat qaffasissumik pitsaassusilimmik naammassineqartarnissaannik qulakkeerinnittarnissaa, nakkutilliinernik tamanik malinninnissaa kiisalu piffissaliussanik eqquutitsisarnissaa naatsorsuutigineqarpoq.

 

Tamatuma saniatigut:
·      Niuernermik ilinniarfimmi ilinniagaqarneq imaluunniit aningaasaqarnerup iluani assingusumik piginnaanngorsarfiusumik misilittagaqarneq

·      Akissarsialerivimmi sulineq misilittagaqarfigivat aamma/imaluunniit suliassat naatsorsuuserinermut tunngassuteqartut

·      Akissarsiassat pillugit paasissutissanik paasissutissanillu inunnut ataasiakkaanut tunngassuteqartunik suliaqarninni isertuussisinnaallutillu inuttut tatiginartuuvutit

·      Namminersorlutit sulisinnaavutit, suliniuteqallaqqissuullutit namminerlu aamma immikkoortortaqarfiup suliassaanut anguniagaanullu pitsaasumik suliniuteqartuullutit

·      Pitsaassutsimik pingaartitsisuuvutit, peqqissaartuullutit suliassannillu aaqqissuussillaqqissuullutit

·      Sulininni IT-kkut sakkussanik akissarsialerinermullu systeminik assigiinngitsunik atuillaqqissuuvutit Excelilu atorlugu suliaqarneq sungiusimallugu

·      Attaveqateqallaqqissuuvutit suleqatinullu, suliffeqarfimmi suliffeqarfiullu avataani soqutigisalinnut nalinginnaasumik sullissillaqqissuullutit

 

Neqeroorutigaavut
Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi atorfininneq. Suliffeqarfik niuernermi pissutsit malillugit akissarsiaqartitsisarpoq, atorfeqartitaanermilu atugassarititaasut allat pitsaasumik inissisimallutik. Suliffeqarfimmi atorfiniffigisassami aqutsineq, sulisunillu ineriartortitsineq pikkorissaanerlu ukkatarineqarput.

 

Paasissutissat allat
Atorfik pillugu paasisaqarnerorusukkuit HR-manager Kasper Berthelsen oqarasuaatikkut 34 91 51-imut imaluunniit Sulisoqarnermut siunnersorti Mikael Kofoed oqarasuaatikkut 34 91 74-imut attaveqarfiginissaannut tikilluaqqusaavutit.

 

E-mailikkut qinnuteqaatit tiguneq ajorpagut, nittartakkatsinniit qinnuteqassaatit.

 

Atorfininneq: 1. oktober 2020
Qinnuteqarnissaq killissarititaasoq: 16. august 2020.
Oqaloqatigiinneq: Oqaloqatiginninnerit Nuummi sap. ak. 34 aamma 35-mi ingerlanneqassapput. 

 

Atorfik ugguuna qinnuteqarfigiuk