Skip to main content
67

Dette jobopslag er udløbet

Royal Arctic Line A/S Nuuk teknikkimut tunngasunut inspektørimik pissarsiorpoq

Kalaallit Nunaanni ajornannginnerusumik niueqatigineqarsinnaanngortitseqataarusuppit?

Nuummi Royal Arctic Line A/S piaartumik atorfinittussamik teknikkimut tunngasunut nakkutilliisussamik pissarsiorpoq umiarsuaatileqatigiit qullersaqarfianni, ingerlatsinermut immikkoortortamut.

 

Ingerlatsinermut pisortamut akisussaassuseqarlutit illit ingerlatsinermut immikkoortortaqarfimmi suleqataasut allat peqatigalugit Nuummi aamma Aalborgimi ingerlatsinermut tunngasut tamaasa isumagissavasi suliffeqarfissuup umiarsuaataanut aamma immikkoortunut allanut tunngatillugu.

 

Suliassat tassaanerussapput:

Umiarsuaatitsinni, prammersuatsinni aamma immikkoortunut allanut tunngatillugu teknikkimut, ingerlatsinermut aamma aserfallatsaaliinermut tunngasunik ikiuineq, tamakkununnga ilaapput:

 

  • umiarsuaatillit umiarsuaataannik nakkutilliineq aamma misissuisarneq, tamatumunnga ilanngullugit amutitsinissamut pilersaarusiorneq aamma taakku ingerlanneqarnerannut
  • umiarsuaatillit umiarsuaanni isumannaatsuunissamik, aamma sullivinni avatangiisinik atuutsitsineq, aamma ingerlaavartumik malinnaaffiginninneq kiisalu nalinginnaasumik umiarsuarmi aserfallatsaaneq umiarsuaatileqatigiiffiup aserfallatsaaliuinermut systemia naapertorlugu.
  • missingersuusiorneq aamma ingerlaavartumik naatsorsuutinut malinnaaneq
  • suliffeqarfissuarmi immikkoortortaqarfinnut aamma immikkoortortanut allanut siunnersuineq aamma suleqatiginninneq, umiarsuaatileqatigiit umiarsuaataasa ingerlanneqarnerannut tunngatillugu, tamatumunnga ilaapput atorfimmut atatillugu pisariaqartumik angalasarnissat
  • suliassat ataasiakkaat aalajangersimasunut tunngasut
  • umiarsuaatillit ajutoortoqarnissaanik upalungaarsimaneranni peqataaneq

 

 

Illit qanoq ittuunissat tunuliaqutigisassatillu:

 

  • imarsiornermi maskinmesteritut imaluunniit aqumiutut ilinniagaqartuuvutit, imaluunniit skibsingeniøritut, iluassaaq tamanna imarsiorluni angalasimanermik ilaqaruni 
  • umiarsuaatileqatigiinni suliaqarneq sukumiisumik ilisimasaqarfigivat, tamatumunnga ilanngullugit umiarsuarnik teknikkimut atatillugu maleruagassat, aamma inatsisit atuuttut kiisalu allaffissornermut tunngasut
  • IT-imik atuineq ilisimasaqarfigilluarpat, taassumalu ataani Office pakken, Lotus notes, Microsoft AX, AMOS, Sertica, Seahealth.   
  • illit suliannik pingaartitsisuuvutit umiarsuaatillit naleqartitaannut aamma isumaannut naleqquttumik
  • illit suliaqarninnut tunngatillugu tulleriiaarisuuvutit, akisussaaffeqarlutit aamma unneqqarissuullutit
  • illit nuannaraat ilaanni ulapiffiusumik avatangiiseqartaraluartumi sulineq, aamma suleqatigiilluarnermik pingaartitsivutit, ingammik umiarsuarmi aamma nunami suleqatigiit akornanni
  • illit nikallujuitsuuvutit aamma isumagissuullutit
  • illit allakkatigut aamma oqalunnermi qallunaatut aamma tuluttut oqaasiliorsinnaaneq sapinngilat – aamma pitsaassaaq kalaallisut

 

Neqeroorutigaavut:

Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi atorfininneq. Suliffeqarfik niuernermi pissutsit malillugit akissarsiaqartitsisarpoq, atorfeqartitaanermilu atugassarititaasut allat pitsaasumik inissisimallutik. Suliffeqarfik atorfiniffigisassami aqutsineq, sulisunillu ineriartortitsineq pikkorissaanerlu ukkatarineqarput.

 

 

Paasissutissat sukumiinerusut

Paasissutissat sukumiinerusut pissarsiarineqarsinnaapput umiarsuarnik ingerlatsivimmi pisortaq – Anders Bay Larsen saaffigineqarsinnaavoq oqarasuaat +299 34 91 25.

 

E-mailikkut qinnuteqaatinik tigusineq ajorpugut, nittartakkatsinniit qinnuteqassaatit.

 

Atorfininneq: Sukkanerpaamik, qinnuteqartorli uagutsinnut tulluarneq utaqqisinnaavarput.

Qinnuteqarfissaq kingulleq: martsip 18-at 2020

Qinnuteqaatit: ingerlaavartumik suliarineqassapput

Oqaloqatiginninnerit: Ingerlaavartumik ingerlanneqassapput

 

Atorfik ugguuna qinnuteqarfigiuk