Skip to main content
79

Royal Arctic Line A/S Nuuk Change Koordinatorissarsiorpoq

Royal Arctic Linemi systemit sulinermi atorneqartartut siunissamut qulakkeerneqarnissaannut suleqataarusuppit? Sulinippit iluani alloriarnissannik takorluugaqarpit, takorluukkannilu suliffeqarfimmi Change Managementip iluani ilusilersuinissami qitiusumik inissisimarusullutit? Taava illit Change Koordinatorissatut ujartorpatsigit.

 

Qinnuteqartumut eqqortumut Royal Arctic Linemi pingaarnertut suliassaqarfiusumi qanimut suleqatiginninnikkut sulinissamut periarfissiissaagut, tassanilu systemeqarniarnerup – suleriuutsinilu nalimmassaaniarnerup iluani eqqortumik tulleriaarisoqarnissaanut qitiusumik inissisimasinnaallutit – taakkualu ingerlatissavatit Royal Arctic Line umiarsuaatileqatigiiffittut suliffeqarfiit assigisani suleqatigisartakkanilu assigalugit ineriartornermut peqataatinniarlugu.

Taamaaliortoqarnissaanut suliat assigiinngitsut ataatsikkut ingerlassinnaasariaqarpatit suleriusissanullu ersarissumik takussutissiortariaqarlutit. Tassanilu aamma suliffeqarfimmut paasinnilluarsinnaassuseqarnissaq misissuisinnaassuseqarnissaq kiisalu inuttut piginnaasaqarluarnissaq piumasaqaataavoq.

Ulluinnarisartagassatit allanngorarsinnaapput, ilaatigut ulluinnarni suliffeqarfiup iluani immikkoortortaqarfippassuarnut attaveqaataassaatit aammalu systeminut tunngatillugu pilersuisutsinnut pingaarnertut attaveqaataassallutit.

Atorfik IT-qarfimmi Suliniutinut allaffeqarfimmi, Nuummi Qullersaqarfimmiittumi, inissisimavoq.

 

Akisussaaffiit pingaarnerit makkuupput:

 

  • Nalinginnaasumik Change Managementimi ingerlatsinermut akisussaasoq
  • Systemimi pingaarnermi suliffimmut attuumassusilinnik nalimmassaaniarnermut akisussaasoq. Taasuuma iluani systemit assigiinngitsorpassuit akornanni siunnersuinerit, unammillernerit atassutinillu takunnissinnaaneq kiisalu umiarsuaatileqatigiiffiup iluani best practicesinik malinninnissamut qulakkeerinninneq
  • Systemimi pingaarnermi datat eqqortut inissisimanissaannik akisussaasoq

 

Naatsorsuutigaarput:

  • Suliffeqarfimmut periuutsinullu paasinnilluarsinnaassuseq
  • Suleriuutsinik aqutsillaqqillunilu nakkutilliisinnaasoq
  • Ataqatigiissumik misissuisinnaassusilimmillu suleriusilik
  • Minnerpaamik ingerlaqqiffiusumit BA-lik assigisaanilluunniit
  • Oqaatsit eqqarsaatigalugit qallunaatut/kalaallisut tuluttullu attaveqarsinnaasoq

Taakkua saniatigut inunnut allanut attavissarsiullaqqipputit, attaveqaataalluarsinnaavutit, inunnut allanut isumaannullu tusarniaallaqqipputit allanullu kajumissuseqalersitsisinnaallutit.

 

Neqeroorutigaavut

Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi atorfininneq. Suliffeqarfik niuernermi pissutsit malillugit akissarsiaqartitsisarpoq, atorfeqartitaanermilu atugassarititaasut allat pitsaasumik inissisimallutik. Suliffeqarfimmi atorfiniffigisassami aqutsineq, sulisunillu ineriartortitsineq pikkorissaanerlu ukkatarineqarput.

 

Paasissutissat sukumiinerusut

Atorfik pillugu sukumiinerusumik paasisaqarusukkuit, aqutsisoq Gustav Fischer +299 34 91 53-imut attavigineqarsinnaavoq.

 

Atorfininnneq:  Sukkanerpaamik, qinnuteqartorli uagutsinnut tulluarneq utaqqisinnaavarput.

Qinnuteqarnissamut killigititaq: Januaarip 20-iani 2019
Qinnuteqaatit: ingerlaavartumik suliarineqassapput
Oqaloqatiginninneq: Nuummi ingerlaavartumik ingerlanneqassapput

 

Atorfik ugguuna qinnutigiuk