Skip to main content
109

Dette jobopslag er udløbet

Royal Arctic Line A/S Nuuk Ataqatigiissaarisuunermik pissarsiorpoq

Kalaallit Nunaata niueqatigiuminarnerulersinnissaanik pilersaarusiornikkut anguniagaqarnerput nukittorsaaqataaffigerusuppiuk? Taava immaqa illit Ataqatigiissaarisuunertut suleqatitaassarivatsigit

 

Container Managementimut Ataqatigiissaarisuunermik pissarsiorpugut. Ataqatigiissaarisup suliassaraa illoqarfinni ataasiakkaani containerinik uninngasuutigineqartut kiisalu pisariaqartinneqartut (inniminnikkat) containerit suussusiinut immikkoortiterlugit ataatsimut takussutissaqartinnissaat – kiisalu containerit suussusii aalajangersimasut najoqqutaralugit qanoq sivisutigisumik uninngasuutigineqartarnerinut kisitsisitigut nassuiaasiorneq. Tamatuma saniatigut Pitsaassutsimut nalunaarusiat malittareqqinneqarnissaat – kiisalu kukkunerit pinnginnissaannut periaasissanik suliaqarneq.

 

Suliassat tassaanerussapput:

  • Kalaallit Nunaat tamakkerlugu containerinik uninngasuutigineqartunik ullormoortumik naatsorsuineq 
  • Containerit attartukkat atoreernerini utertinneqarnissaat
  • Containerinut tunngaviusumik paasissutissanik nutarterineq
  • Containerip ingerlaarsimaneranut paasissutissat eqqortumik nutarterneqarsimanissaannik qulakkeerinninneq
  • Umiarsualiviit suleqatigalugit containerit pisariaqartitsineq malillugu umiarsualivinnut ataasiakkaanut inissinneqarnissaat
  • Umiarsualiviit suleqatigalugit containerit iluarsaatassanngorlugit inissinneqarnissaat
  • Umiarsualivinni palletsit naammaqqusersornissaat – kiisalu inissinneqarnissaat uninngasuutigineqartullu aaqqissornissaat
  • Atuisunut sakkussanik ilinniartitsinermillu atuutilersitsineq

 

Suliatigut piginnaasat:

  • Oqaatsitigut piginnaasaqarluassaatit, danskit tuluttullu allassinnaallutillu oqalussinnaassaatit kalaallisullu oqaatsit aamma ilisimasaqarfigalugit
  • IT-mut piginnaasaqarluarputit, Excel regneark, Officepakken aamma Powerpoint
  • CMC-mut LIMA-mullu ilisimasaqarneq iluassaaq
  • Umiartornermi ilinniagaqarnissat, allatigulluunniit attuumassuteqartumik ilinniagaqarnissat takorloorparput.

 

Inuttut piginnaasat

Namminersorlutit sulisinnaavutit suliassanullu tunngatillugu misissueqqissaartumik suleriaaseqarlutit. Attaveqalersitsisinnaassaatit allanullu erseqqissumik toqqaannartumillu ilitsersuussisinnaassallutit. Angusarissaarnissamik pingaartitsisuuvutit, immikkuualuttunik pitsaassutsimillu pingaartitsillutit pitsaassusissanullu qaffasissunik malitassaqartitsillutit.

 

Neqeroorutigaavut

Suliffeqarfimmi avatangiiserissaartumi aallussisunik sulisoqartumi unammillernartunillu pissanganartunik suliassaqarfimmi atorfininneq. Suliffeqarfik niuernermi pissutsit malillugit akissarsiaqartitsisarpoq, atorfeqartitaanermilu atugassarititaasut allat pitsaasumik inissisimallutik. Suliffeqarfimmi atorfiniffigisassami aqutsineq, sulisunillu ineriartortitsineq pikkorissaanerlu ukkatarineqarput.

 

Paasissutissat sukumiinerusut
Paasissutissat sukumiinerusut pissarsiarineqarsinnaapput Allaffimmi pisortaq Esben Jakobsen oqarasuaatikkut 34 91 19-imut saaffigineratigut.

 

E-mailikkut qinnuteqaatinik tigusineq ajorpugut, nittartakkatsinniit qinnuteqassaatit.

 

Atorfininneq: Sukkanerpaamik, qinnuteqartorli uagutsinnut tulluarneq utaqqisinnaavarput.

Qinnuteqarfissaq kingulleq: Oktobarip qulingiluaani 2019
Qinnuteqaatit: Ingerlaavartumik suliarineqassapput
Oqaloqatiginninnerit: Nuummi ingerlaavartumik ingerlanneqassapput

 

Atorfik ugguuna qinnuteqarfigiuk