Skip to main content
89

Royal Arctic Line A/S Nautisk inspektørimik pissarsiorpoq

Royal Arctic Line Nautisk inspektørimik piaartumik atorfinissinnaasumik,  umiarsuaatileqatigiiffiup ingerlatsivianut Nuummiittumut pissarsiorpoq.

 

Atorfik pillugu:

Ingerlatsivimmi pisortamut saaffiginnittassaatit, Nuummi Aalborgimilu ingerlatsivimmi suleqatitit peqatigalugit umiarsuit allallu ingerlanneqarnissaat suliarissavatit.

 

Suliassat:

Suliassatit tassaanerussapput imarsiornermi, umiarsuaatitta, prammitta atortuutittalu allat ingerlanneqarnissaanni – aserfallatsaalineqarnissaanilu suliaqarneq. Makkuusarsinnaallutillu aamma:

  • Imarsiornermi malittarisassanik atuutsitsineq, soorlu SOLAS, STCW, Polarkoden, BWC, MARPOL, ISPS, ISM assigisaalu.
  • Pisartakkanik imarsiornermilu atortunik pisiniarneq nutarterinerlu.
  • Umiarsuarni attaveqaqatigiinnermi atortunut pisartakkanullu akisussaasuuneq.
  • Nalunaarsuineq uppernarsaatinillu allagaqarnerit.
  • Umiarsuaatileqatigiiffiup imarsiornermi saqqummersittagaanut immallu assinganut pisartakkanik aqutsineq.
  • Umiarsuaatileqatigiiffiup umiarsuaataani sillimaniarnermi sulinermilu avatangiisinik ataavartitsineq suliaqarnerlu.
  • Aningaasartuutissanik missingersuusiornerit aammalu aningaasartuutinik nalunaarsuineq.
  • Umiarsuaatileqatigiiffiup umiarsuaataanik ingerlatsineq eqqarsaatigalugu suliffeqarfiup iluani immikkoortortaqarfinnut allanut kiffartuussinerit suleqatigiinnerillu. Naatsorsuutigineqarpoq sulineq angalanertaqassasoq.
  • Suliassat assigiinngitsut.
  • Umiarsuaatileqatigiiffiup upalungaarsimaniarneranut peqataaneq.

 

Umiarsuaatileqatigiiffimminngaanniit ilinniakkatigut piginnaasasatut makkua  naatsorsuutigineqarput:

  • Imarsiornerup iluani dualofficeritut, umiarsuarmi aquttutut assigisaanilluunnit ilinniarsimasuuvutit, kissaatiginarporlu umiartorsimasuunissat.
  • Umiarsuaateqarnerup iluani ilisimasaqarluarputit, umiarsuarni allaffissornernilu inatsisit suut atuuttuunersut ilisimavatit.
  • Qarasaasiamik atuisinnaavutit, soorlu office pakkeq, Lotus notes, Microsoft AX, AMOS, Seahealth.

 

Uku inuttut piginnaasatut naatsorsuutigineqarput:

  • Sulerusussuseqartuuvutit umiarsuaatileqatigiiffiullu pingaartitai paasisinnaallugit
  • Ataqatigiissumik aaqqissuussamik, akisussaaffeqartumik ataqqinnittumillu suleriuseqarputit
  • Sulinermik nuannarisaqartuuvutit ilaatigut ulapaarfiusinnaasumi, suleqatigiilluarnerlu pingaartillugu ingammik umiartortut nunamilu suleqatigiit akornanni suleqatigiilluarneq pingaartitaralugu.
  • Piumassuseqarputit qiimasuullutillu.
  • Qallunaatut tuluttullu allassinnaallutillu oqalussinnaavutit – kalaallisoorsinnaaguillu aamma qujanassaqaaq.

 

Neqeroorutigaavut

Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi atorfininneq. Suliffeqarfik niuernermi pissutsit malillugit akissarsiaqartitsisarpoq, atorfeqartitaanermilu atugassarititaasut allat pitsaasumik inissisimallutik. Suliffeqarfik atorfiniffigisassami aqutsineq, sulisunillu ineriartortitsineq pikkorissaanerlu ukkatarineqarput.

 

Paasissutissat sukumiinerusut
Paasissutissat sukumiinerusut pissarsiarineqarsinnaapput umiarsuarnik ingerlatsivimmi pisortaq – Anders Bay Larsen saaffigineqarsinnaavoq oqarasuaat +299 34 91 25

 

E-mailikkut qinnuteqaatinik tigusineq ajorpugut, nittartakkatsinniit qinnuteqassaatit.

 

Atorfininneq: Sukkanerpaamik, qinnuteqartorli uagutsinnut tulluarneq utaqqisinnaavarput.

Qinnuteqarfissaq kingulleq: novembari 10-ngat 2019

Qinnuteqaatit: ingerlaavartumik suliarineqassapput

Oqaloqatiginninnerit: Nuummi ingerlaavartumik ingerlanneqassapput

 

Atorfik ugguuna qinnuteqarfigiuk