Skip to main content
92

Dette jobopslag er udløbet

Royal Arctic Line A/S IT-mi Suliniutinut aqutsisumik pissarsiorpoq

 

Suliniutinik aqutsinermik ilisimasaqarpit aammalu suliassat assigiinngiiaartut ataatsikkut ingerlassinnaavigit? IT-mi atortorisagut aqussinnaavigit? Inuttut aaqqissuussilluarsinnaassuseqarpit aammalu pissusissamik malinnilluarsinnaavit/peqqissaartuuit?

 

Taava immaqa illiuvutit IT-mik immikkoortortaqarfitsinni suliniutinut aqutsisussatut ujartugarput.

 

Ullut suliffiit ulapaarfiusut qilanaarisinnnaavatit, ullut assigiinngiiaartut allanngorartullu. Pingaarnertut akisussaaffigissavatit suliniutit IT-mut attuumassutillit, annikitsut annertuullu. Taakkununnga assigiiaartumik suleriusissaq illillu isumagisassat uaniippoq: sinaakkusersuineq, suliniutinut pilersaarusiorneq, suliniutinut tunngassutilinnik misissueqqissaarneq suliniutit iluatsilluarsinnaanissaannik qulakkeerinnittoq.

 

 

Suliniutinik aqutsisuunerup saniatigut ulluinnarni suliniutinut tamanut katersuuffik akisussaaffigissavat.

 

IT-mi suliniutinut immikkoortortaqarfimmi arlalinnik suleqateqarlutit inissisimassaatit

 

Suliassat pingaarnerit makkuupput:

  • IT-mi immikkoortortaqarfimmi suliniutissatut siunniunneqartut qulakkeerinniffiginissaat. Tamanna atuutissaaq suliniutip aallartisarneqarnerani makkuninnga sukuiaanermiit: Suliniutip sinaakkusersorneqarnera, peqataasussat attuumassutillit, suliniummut pilersaarusiorneq, malitseqartitsineq qulaani taakkartukkanik, nikingasoornermi nassuiaasersuineq, kiisalu piffissaq eqqorlugu naammassinninnissaq
  • Suliniutinut katersuuffimmik aallutaqarneq

 

Naatsorsuutigaarput:

  • Namminersorsinnaassuseqarnissat 
  • Siunnersorneqarnak iliuuseqarsinnaassuseqarnissat, allanit qanimut malinnaaffigineqarnak
  • Uteriitsuunissat, aaliangiussisinnaassuseqarnissat, sullarissuunissat aalajangiiniarnermi pisariaqartillugu sukkasuumik periuseqarnissat
  • Sukuiaanermut misissuinermullu pikkoriffeqarnissat, taamatuttaaq nutaanut misiliinissamut
  • Unneqqarissumik ammasumillu oqalussinnaanissat,tassaniilluni aamma aaliangiussat nuanniiginarsinnaasut oqaluuserisinnaanissaat
  • Nammineq allallu suliaannik pitsaassusersiuisinnaaneq
  • Minnerpaamik ilinniarnertuunngorniarfimmiit allagartaqarneq
  • Kalaallisut/Qallunaatullu oqaaseqartuuneq

 

Nammineq aaliangiinissamut pisinnaatitaaffeqassaatit, atorfiulli piumasaqaatigaattaaq imminut tatigisuunissaq, alapernaatsuunisssaq, pissuserissaarnissaq aammalu uteriitsuunissaq.

 

 

Neqeroorutigaavut

Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi atorfininneq. Suliffeqarfik niuernermi pissutsit malillugit akissarsiaqartitsisarpoq, atorfeqartitaanermilu atugassarititaasut allat pitsaasumik inissisimallutik. Suliffeqarfik atorfiniffigisassami aqutsineq, sulisunillu ineriartortitsineq pikkorissaanerlu ukkatarineqarput.

Atorfik pisortaqarfimmi Nuummi inissisimavoq.

 

Pinerluuteqarsimannginnermik uppernarsaat

 

Qinnuteqartut tamarmik pinerluuteqarsimannginnermik uppernarsaammik takussutissaateqarnissaat piumasarineqarpoq.

 

 

Paasissutissat sukumiinerusut
Paasissutissat sukumiinerusut pissarsiarineqarsinnaapput uunga attaveqarnikkut: Projektchef Gustav Fisher +299 34 91 53-imut.

 

Atorfininneq: Sukkanerpaamik, qinnuteqartorli uagutsinnut tulluarneq utaqqisinnaavarput.

Qinnuteqarfissaq kingulleq: Januarip 20-ani 2019

Qinnuteqaatit: ingerlaavartumik suliarineqassapput

Oqaloqatiginninnerit: Nuummi ingerlaavartumik ingerlanneqassapput

 

Atorfik ugguuna qinnuteqarfigiuk