Skip to main content
122

Dette jobopslag er udløbet

Royal Arctic Line A/S-ip Aningaasaqarnermut Immikkoortortaqarfia AU-mi ilinniartumik suliffimmik misiliisussamik pissarsiorpoq

Anguniagaqarusussuseqaruit, piumassuseqarlutit soqutiginnillutillu taava maanna periarfissaqalerputit pissanganartumik ilikkagaqarnarluartumillu Royal Arctic Linemi suliffimmik misiliinissannut, tassani anguniakkavit anguniarnerini tapersersussavatsigit.

 

Aningaasaqarnermut immikkoortortaqarfimmi immikkoortortat sisamaasut ilaanni Treasury-mi sulilissaatit. Treasurymi sulisut massakkuugallartoq arfineq marluupput. Ullut tamaasa sulissutigisarparput Royal Arctic Linep aningaasaqarnikkut pisussaaffimminik eqquutitsiuarnissaa. Suleqatigiit iserfigissavatit qanimut suleqateqartuusut, ilisimasanillu avitseqatigiiffiusumi inissisimasut.

 

Pingaarnertut suliassat makkuussapput:

  • Pisiniarfigisartakkatsinniit akiligassanut tunngassutilinnik suliaqarneq
  • Akiligassalinnik naligiissitsineq malitseqartitsinerlu
  • Akiligassallit saaffiginnissutaannik akissuteqartarneq
  • Akiitsulinnik nakkutilliineq
  • Akiliutigineqartunik nalunaarsuinerit
  • Aningaaserivinnit allattukkanik naligiissitsineq
  • Suliassaqarfiit allat

 

Qinnuteqartumut naatsorsuutigisat:

  • Aalajaatsoq piffissamik isumaqatigiissutinillu eqquutitsisartoq
  • Qiimasoq sullisserusussuseqartorlu
  • Alapernaatsoq aperinissamullu tunuarsimaanngitsoq
  • Namminersorluni suleqateqarlunilu sulisinnaasoq
  • IT-mik atuisinnaassusilik
  • Kalaallisut qallunaatullu oqaaseqarneq, oqaluttariarsornermi allattariarsornermilu

 

Neqeroorutigaavut

Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi ilinniatunngorneq. Suliffeqarfimmi ilinniartuuffigisassami aqutsineq, sulisunillu ineriartortitsineq pikkorissaanerlu ukkatarineqarput. Akissarsiat lærlinginut ilinniartunullu isumaqaqatigiissutit atuuttut malillugit ingerlanneqassapput.

 

Paasissutissat allat
Atorfik pillugu paasisaqarnerorusukkuit tikilluaqqusaavutit uunga attaveqarnissannut: Treasury Manageri Najaaraq Burmeister (Dk) +45 40 14 07 92.

 

E-mailikkut qinnuteqaatit tiguneq ajorpagut.

 

Atorfininnissaq: 01-08-2019

Qinnuteqarnissamut killigititaq: 31-03-2019

Qinnuteqaatit: Ingerlaavartumik suliarineqartassapput

Oqaloqatigiinneq: Oqaloqatiginninnerit ingerlaavartumik Nuummi ingerlanneqassapput

 

Atorfik ugguuna qinnuteqarfigiuk