Skip to main content
67

Dette jobopslag er udløbet

Royal Arctic Line A/S Ilulissani nassiussalerinermi ingerlatsisussarsiorpoq

Royal Arctic Line erngertumik Ilulissani terminalimi nassiussalerinermi ingerlatsisussamik pissarsiorpoq.

 

Nassiussalerinermi ingerlatsisoq atuisunut samminerusumik atorfeqarpoq Nassiussalerivimmilu qitiusuulluni, inuttaralugillu nassiussalerisut marluk allaffimmilu ilinniartoq, taakkulu suleqatillu allat peqatigalugit atuisunut, suleqatinut umiarsuarnullu iluaqutaasussamik pitsaasumik kiffartuussinissaq assartukkanillu eqqortumik suliaqarnissaq qulakkeertussaallugu.  

 

Suliassat tassaanerussapput:
  • Nassiussat allaffissornikkut suliarineqarneri
  • Qarasaasiatigut nassiussanut atatillugu isumaginninneq
  • Atuisunut umiarsuarnullu attaveqarnerit
  • Ulluinnarni nassiussaleriffiup ingerlanneqarnissaanut peqataaneq
  • Umiarsualivimmi pisortap peqanngiffiini taassumunnga taartaasarneq

 

Qinnuteqartumut naatsorsuutigisagut:
  • Qarasaasiamik atuilluarsinnaaneq
  • Ulapaarfimmi suliassanik tulleriiaarisinnaaneq
  • Piffissap suliffiusup nikerarsinnaaneranut piareersimanissaq
  • Kalaallisut qallunaatut oqalussinnaanissaq allassinnaanissarlu, tuluttullu paasisinnaaneq
  • Kiffartuusserusussusilik suleqatikkuminartorlu

 

Neqeroorutigaagut

Suliffeqarfimmi pitsaasumi soqutiginartumi suleqatigiiffiulluartumi suleqatigiit aallussisut akornanni soqutiginartunillu unammilligassartalimmi atorfinitsinneqarneq. Aningaasarsiassat unammillersinnaasut atugassarititaasullumi allat piginnaasatit aallaavigalugit inissititserneqarsimasut. Suliffeqarfimmi nukittuumi aqutsinermik sulisunillu ineriartortitsinermik pikkorissaanermillu ukkataqartumi atorfininneq.

 

Paasissutissat sukumiinerusut

Atorfik pillugu sukumiinerusumik paasisaqarniaruit taakku pisinnaavatit uku attavigalugit immikkoortortaqarfimmi pisortaq, Aasiaat, Magseranguaq S. Albinus, email: mas@ral.gl imaluunniit Umiarsualivimmi Pisortaq Anders Jakob Andersen, Ilulissat, email: ajan@ral.gl

 

E-mailikkut qinnuteqaatinik tigusineq ajorpugut, nittartakkatsinnit qinnuteqassaatit.

 

Atorfininnissaq: Erngertumik, eqqortorli utaqqisinnaavarput

Ulloq qinnuteqarfissaq kingulleq: Aggustip 19-at 2020

Oqaloqatiginninneq: Ingerlaavartumik ingerlanneqassapput

 

Atorfik ugguuna qinnuteqarfigiuk