Skip to main content
119

Royal Arctic Line A/S Enterprise Arkitektissarsiorpoq

IT-ip iluani aaqqissuussaanernik ilisimasaqarluarpit suliallu assigiinngiiaartut suliarisinnaallugit? Siornatigut systemit akornanni atassusiinernik suliaqartarnikuuit? Taava immaqa illit Enterprise Arkitektissarivatsigit nutaaq?

 

Enterprise Arkitektitut akisussaaffigiumaarpat Royal Arctic Line-p siunissami systeminik suliffeqarfimmut tulluarnerpaanik aaliangiussaqartarnissaa, ilaatigut suliffeqarfiup systemitigullu ataqatigiissaarnerup iluaqutigisinnaasaannik. Tassa imaappoq siunnerfitsinni ingerlavissarput, systemittalu tamakkiisumik pissarsiaqaatiginissaat sunniuteqaqataaffigisarumaaritit. Assersuutigalugu qanoq iliorluta Business Intelligence pitsaanerpaaq siunissami qulakkiissavarput, imaluunniit systemitta/atuutsilersitsisinnaanitta sullitatsinnut sullissinermi pitsanngorsaataasinnaasut periarfissat suut pigaagut?

 

Taamatuttaaq atortunik ataqatigiisitsineq tamaat akisussaaffigissavat, ilaatigut niueqatigiinnermi systemit atukkatta assigiinngitsuusut siunertaasoq malillugu sunniivigeqatigiinnerat qulakkeertassallugu.

 

Atorfik IT-qarfimmi suliniutinut immikkoortortaqarfimmi Nuummi qitiusumik allaffeqarfimmi inissisimavoq.

 

Akisussaaffeqarfiit pingaarnerit makkuupput:

  • Systeminik nutaanik suliffeqarfimmut innersuussineq qulakkeerinninnerlu systemit imminnut sunniivigeqatigiinnerat
  • Nakkutiginninneq, kukkunernik isumaginninneq atortunillu atuutsitsinermi tamani ineriartortitsineq

 

Taakkualu saniatigut suliassat ilagissavaat Master Data Managementimi suliarinninneq aserfallatsaaliuinerlu.

Qinnuteqartumut naatsorsuutigisavut:

  • Ilinniaqqiffiusumi ilinniarsimassaatit BA-tut qaffasissusilimmi imaluunniit minnerpaamik IT-qarnerup ilusilersorneqarneranut, programmeeriinermi atassusiinerullu iluani ukiuni tallimani misilittagaqassasutit
  • Misissuisarnerup teknikkikkullu ilisimasatigut inissisimalluassasutit
  • Suliat arlallit suliarisinnaagitit systeminullu paasinnillaqqissuusutit
  • Qallunaatut/tuluttullu oqalussinnaaneq, aamma kalaallisut piginnaasaqarneq (piumasaqaataanngilarli)

 

Taakkua saniatigut suliassanik ujartuisinnaassuseqartuuvutit namminersorlutillu suliaqarsinnaallutit. Periuutsinut apeqqusiisinnaavutit ajornartorsiutinullu takkuttunut aaqqiissuteqarsinnaallutit. Suliarpassuit assigiinngitsut ingerlallugit sulisinnaavutit suliallu naammassiffissaannut killiliussanik eqquutsitsisinnaallutit.

 

Paasissutissat sukumiinerusut

Atorfik pillugu sukumiinerusumik paasisaqarusukkuit, aqutsisoq Gustav Fischer +299 34 91 53-ikkut attavigineqarsinnaavoq.

 

Atorfininnneq:  Piaartumik, qinnuteqartorli uagutsinnut tulluarneq utaqqisinnaavarput.

Qinnuteqarnissamut killigititaq: 01. Juni 2019
Qinnuteqaatit: ingerlaavartumik suliarineqassapput
Oqaloqatiginninneq: Nuummi ingerlaavartumik ingerlanneqassapput

Ugguuna atorfik qinnuteqarfigiuk