Teknikkimut tunngasunut pikkorippit, siusinnerusukkullu suliffigisimasannit misilittagaqarluarlutit? Taava maanna Royal Arctic Linep umiarsualiviini suleqataalernissannut periarfissaqalerputit.

Piaarnerpaamik sulilersinnaasumik Nuummi terminalip sulliviani innaallagisserisumik, Elektronikfagteknikerimik imaluunniit kølemontørimik /PTI teknikerimik pissarsiorpugut. Sullivimmi aqutsisumut atassuteqassaatit, sullivimmilu ulapaarfiusumi arfineq-pingasunik suleqateqassaatit – kiisalu Aasianni Sisimiunilu umiarsualivinni sisamat – taakkulu sullitat suleqatigisallu pitsaasumik sullinnissaannut suliassanik pingaaruteqarluinnartunik unammillernartunillu suliaqartarput.

Suliassatit unammilligassallu

Umiarsuaatileqatigiiffiup innaallagissatigut atortorissaarutaanik containeriutaanillu nillataartitsivinnik/qerititsivinnik iluarsaassineq aserfallatsaaliinerlu akisussaaffigissavatit, taamatullu sullitat nassiussaat nillataartitsivimmiittut/qerisut ajoquteqarnatik tiguneqartarnissaat qulakkeerinneqataaffigisassallugu. Suliassatit pingaarnerit:

• Umiarsuaatileqatigiiffiup umiarsualiviini, quersuini innaallagissatigut atortorissaarutinik aammalu containeriinik nillataartitsivinnik/qerititsivinnik kiffartuussineq, iluarsaassineq aserfallatsaaliornerlu
• Nakkutiginninnermi atortumik Refcon-imik ingerlatsineq kiisalu Nuummi umiarsualiviup nillataartitsiveqarfianik ingerlatsineq kiffartuussinerlu
• Sullivimmi suliassat allat takkussortut (Reachstackerit Truckillu innaallagiartortut)

·       PTI teknikerit allat peqatigalugit PTI-nut toqqorsivimmik malinnaatitsineq

·       PTI teknikerit allat peqatigalugit pigaartuunermut aaqqissuussinermi suleqataaneq

Suliatigut piginnaasatit

• Assassullaqqissuuvutit aammalu innaallagisserinermi teknikkikkut/køleteknikeritut ilinniagaqarlutit suliassaqarfimmilu suliassat misilittagaqarfigalugit
• Nammineersinnaassuseqarputit, aalajangeriataallaqqissuullutit peqqissaartuullutillu
• Suliffiup nalinginnaasup avataani attavigineqarsinnaaneq pisariaqarpallu sulisinnaaneq
• Qarasaasianik atuisinnaaneq (Microsoft Office)
• Kalaallisut qallunaatullu oqalussinnaallutillu allassinnaavutit, tuluttullu oqaatsit piginnaaneqarfigalugit

Inuttut piginnaasatit

Imminut allanullu ataatsimoortumik isiginnissinnaanermik takutitsisinnaavutit. Ikiuukkumatuvutit, sunniuteqarluartarlutit aammalu piffissani eqqissisimasuni ulapaarfiusuniluunniit kajumissuseqartuaannarlutit, ilaatigullu angalalaartarnissaq naatsorsuutigissavat.

 

Neqeroorutigineqartut

Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi atorfininneq. Suliffeqarfik niuernermi pissutsit malillugit akissarsiaqartitsisarpoq, atorfeqartitaanermilu atugassarititaasut allat pitsaasumik inissisimallutik. Suliffeqarfimmi atorfiniffigisassami aqutsineq, sulisunillu ineriartortitsineq pikkorissaanerlu ukkatarineqarput.

Paasissutissat sukumiinerusut
Paasissutissat sukumiinerusut pissarsiarineqarsinnaapput sullivimmi aqutsisoq Peter Jaakunnguaq Berthelsen +299 34 92 04-imut saaffigineratigut.

E-mailikkut qinnuteqaatinik tigusineq ajorpugut.

Atorfininneq: Sukkanerpaamik, qinnuteqartorli uagutsinnut tulluarneq utaqqisinnaavarput.

Qinnuteqarfissaq kingulleq: februarip 22-ani 2023

Qinnuteqaatit: ingerlaavartumik suliarineqassapput

Oqaloqatiginninnerit: Nuummi ingerlaavartumik ingerlanneqassapput

Ugguuna qinnuteqarit