Skip to main content
98

Dette jobopslag er udløbet

Royal Arctic Line A/S CFO-mut (Aningaasaqarnermut pisortamut) ikiortimik pissarsiorpoq

Ataqatigiissaarillaqqissuuit aningaasaqarnermillu aqutsinermillu soqutigisaqartuullutit? Taamaappat aaqqissuussaanermi ineriartupiloorfiusumi tamakkununnga tunngasunik ulluinnarni suliaqalernissannut maanna periarfissaqalerputit.

 

Pisortamut ikiortitut (PA) Nuummi qitiusumik allaffeqarfimmi atorfeqassaatit CFO-mullu (Chief Financial Officer) ulluinnarni sulinermi ikiortitut suliaqassallutit. CFO-p suliatigut pimoorussisutut, ataqatigiissaarluakkatut pitsaasumillu suliffeqarfiup iluani avataanilu saqquminissaa pingaarutilimmik suleqataaffigissavat.

 

CFO nunatsinni Danmarkimilu aningaasaqarnermut immikkoortortaqarfimmut qullersatut pisortaavoq taamaalillunilu siammasissumik assigiinngisitaartunillu akisussaaffeqarfeqarluni – sulianut nunallu ilaani sumiinnermut tunngatillugu. Aningaasaqarnermut immikkoortortaqarfik Nuummi qitiusumik allaffeqarfimmi inissisimavoq.

Taamaammat CFO-p PA-ssaa annertuunik pissanganartunillu unammilligassaqassaaq, soorlu aamma taassuma ataqatigiissaarinikkut attaveqaqatigiinnikkullu piginnaasaanut piumasaqaateqarumaartoq.

 

Suliassat tassaanerussapput:

CFO inuttut suliatigullu qanittumik suleqatigissavat, suleqatinulli suleqatigisanullu allarpassuarnut soorunami aamma ullut tamaasa attaveqartassaatit.

 

Suliassatit assigiinngisitaartut ilaatigut tassaapput:

  • Allaffissornikkut suliassat Aningaasaqarnermut sulianut tunngassuteqartut
  • Aqutsisut ataatsimiititaliallu ataatsimiinnerini imaqarniliuineq
  • Aningaasaqarnermut immikkoortortaqarfiup naatsorsuutaani OPEX-imi ingerlatsinikkut malittareqqiineq
  • Suliffeqarfimmi taassumalu avataani ataatsimiinnernut atatillugu ataqatigiissaarinermik pilersaarusiornermillu suliaqarneq.
  • Aningaasaqarnermut immikkoortortaqarfiup ullorsiutaanik aqutsineq
  • Suliaqarfiit assigiinngitsut pilersaarusiornikkullu suliaqarfiit pitarlugit aalajangersimasumik malittareqqiinerit.

 

Qinnuteqartumut naatsorsuutigisagut:

Allaffissornikkut aamma/imaluunniit ilinniarnertuutut tunuliaqutaqarluarnissat naatsorsuutigaarput aamma allattaalluni suliaqarneq aqutsisunillu sullissineq misilittagaqarfigigukku iluassaaq. CFO qaffasissumik siunersiueqatigisinnaassavat kinguneqartussamillu tapersersorsinnaassallugu. Paasissutissat isertuussassat isumatusaartumik tatiginartumillu isumagisinnaassavatit. Danskisut tuluttullu oqaluttariarsornikkut allattariarsornikkullu attaveqallaqqissuussaatit. Kalaallit Nunaat nunamilu pissutsit aamma/imaluunniit imarsiornermik suliaqarfik ilisimasaqarfigigukkit iluassaaq. Microsoft-pakkimik atuisutut misilittagaqarluarputit.

 

Neqeroorutigaavut

Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi atorfininneq. Suliffeqarfik niuernermi pissutsit malillugit akissarsiaqartitsisarpoq, atorfeqartitaanermilu atugassarititaasut allat pitsaasumik inissisimallutik. Suliffeqarfimmi atorfiniffigisassami aqutsineq, sulisunillu ineriartortitsineq pikkorissaanerlu ukkatarineqarput.

 

Paasissutissat sukumiinerusut
Paasissutissat sukumiinerusut pissarsiarineqarsinnaapput pisortaq Peter Christoffersen +299 34 91 00-imut saaffigineratigut.

 

E-mailikkut qinnuteqaatinik tigusineq ajorpugut, nittartakkatsinnit qinnuteqassaatit.

 

Atorfininneq: Sukkanerpaamik, qinnuteqartorli uagutsinnut tulluarneq utaqqisinnaavarput.

Qinnuteqarfissaq kingulleq: januaarip 26-iani 2020

Qinnuteqaatit: ingerlaavartumik suliarineqassapput

Oqaloqatiginninnerit: Nuummi ingerlaavartumik ingerlanneqassapput

 

Atorfik ugguuna qinnuteqarfigiuk