Skip to main content
127

Dette jobopslag er udløbet

Royal Arctic Line Business Process & Data Qualityimi Managerissarsiorpoq

Nuummi atuisunut kiffartuussivimmi atorfimmut nutaamut aqutsisumik pikkorissumik naammassisaqarsinnaassuseqartumik pissarsiorpugut

Suliassatit

Business Process & Data Qualitymi manageritut pingasunik sulisoqassaatit.

Illit akisussaaffigissavat suliffeqarfiup suliaqarsinnaassuseqartutut kiffartuussilluarsinnaasutullu isigineqarnissaata qulakkeerneqarnissaa. Atorfimmi ukkatarisassarivat Royal Arctic Linemi paasissutissat allakkiallu ajunngitsumik suliarineqarnissaat.

Suliassat tigussaasut ilaatigut makkuusassapput:

  • Atuisut suliffeqarfimmut attaveqarniarnerat suleriuutsini atortunilu pitsanngorsarneqartuaannartussani ajornannginnerulersinneqarnissaata qulakkeernissaa 
  • Atuisunut kiffartuussiniarnermi ingerlariuutsinut attuumassusilimmik politikkiliortoqarnissaa (suussusiineq, pilersaarusiorneq, naammassisaqarneq, kinguneqartitsineq) tamannalu neqeroorusiornerni, inniminniinerni, allakkianik suliaqarnerni, trackerinerni, tikittoqarneranut ilisimatitsinerni, akiligassiinerni naammagittaalliuuteqartoqarneranilu ingerlanneqassaaq pitsaasumik kinguneqartitsisumillu kiffartuussisoqartarniassammat
  • Suliffeqarfimmi atortuutigineqartuni suliffeqarfimmut attuumassuteqartunut suliaqarneq aammalu periuutsinik nutaanik misilittaanermut akisussaasuuneq
  • Sulisut qaqugukkulluunniit periuutsinik nutaanik ilisimasaqarnissaat anguniarlugu atortuni nutarsaasoqartillugu paasissutissiisoqarnissamut akisussaasuuneq
  • Suliffeqarfimmi periuutsit nutaat sulisunit atorneqarsinnaasut atorneqartarniassammata suleriuutsit nassuiarneqarnerinik suliaqarneq aaqqissuusseqqittarnerlu
  • Sulisunik ilinniartitsineq pikkorissaanerlu, taamaasiornikkummi sulisut suleriuutsit eqqarsaatigalugit atuisunut tunngatillugu paasissutissanik nalunaarsueriaatsini pitsaasumik ingerlariuseqarniassammata aammalu sakkussanik atuilluarsinnaaniassammata, pisariaqartinneqartunik, kinguneqartitsinernernik nalunaarsuinernillu ilisimaarinninniassammata 
  • Atortut akornanni paasissutissat eqqortumik ingerlateqqinneqartarnissaat
  • Aallartoqannginnerani tikittoqannginneranilu paasissutissat ajunngitsumik suliarineqarsimanissaat

 

Suliassat taakkartorneqartut saniatigut umiarsuaatileqatigiiffiup aqutsisuinut paasissutissanik ingerlatitseqqittassaatit taassuma iluaniippoq aamma pitsanngorsagassatut anguniarneqartunut killiffimmik paasissutissiineq kiisalu shippingip iluani ilinniartunut ilinniartitseqataasassallutik.

Illit pillutit

Naatsorsuutigaarput:

  • Naapertuuttumik ilinniarsimasuunissat minnerpaamillu ukiuni sisamani inuussutissarsiorfinni misilittagaqarsimanissat
  • Aqutsisutut misilittagaqarsimanissat
  • Oqaatsinik atuisinnaassuseqartutit qallunaatut tuluttut Kalaallisullu allassinnaallutillu oqalussinnaanissat
  • IT-nik atuisinnaassuseqarnissat
  • Naammassisaqarusussuseqarlutillu angusaqarusussuseqartarnissat
  • Pitsaassutsimik ilisimaaninninnissat qaffasissumillu ingerlariuseqarnissat
  • Sulisut akornanni kaammattuinissaq ineriartortitsinissarlu qulakkeerniarlugit maligassiuisuunissat

 

Neqeroorutigisagut

  • Ulluinnaat unammilligassanik ulikkaartut soqutiginartullu nammineersinnaassuseqarfiulluartut
  • Niuernermi pissutsit malillugit akissarsiaqartinneqarneq atorfeqarnermilu atugassarititaasut allat pitsaasut
  • Suliffeqarfimmi ineriartupiloortumi aqutsinermi, ineriartornermi sulisunillu pikkorissaanermi ukkataqartumi atorfininneq

 

Qinnuteqaat

Qinnuteqarnissamut ulloq kingulleq 3/2-2019.

Qinnuteqaatit ingerlaavartumik suliarineqartassapput.

 

Pinerlussimannginnermut allagartaq

Qinnuteqartut tamarmik naammaginartumik pinerlussimannginnermut allagartamik takutittissapput.

 

Paasisaqarnerorusukkuit

Atorfik pillugu sukumiinerusumik paasisaqarnerorusukkuit Lars Borris Pedersen, Senior Director, oqarasuaammut 34 91 11 –imut saaffigineqarsinnaavoq.

Atorfik ugguuna qinnutigiuk