Skip to main content
89

Royal Arctic Line A/S ataqatigiissitsinermik immikkut ilisimasalimmik pissarsiorpoq

 

Ataqatigiissitsinikkut ineriartortitsinermik siornatigut suliaqarsimavit best-practice for IT-mullu tunngatillugu nutaarsiassat malinnaaffigilluarpigit?

Taamaappat, taava immaqa illit Royal Arctic Linemi ataqatigiissitsinermik immikkut ilisimasalittut suleqatissarivatsigit?

 

Ataqatigiissitsinermik immikkut ilisimasalittut pingaarnertut suliassat tassaapput Royal Arctic Linemi ataqatigiissitsinerit naleqqunnerpaat tamatigut pigineqarnissaat, peqatigisaanillu suliatigut pisariaqartitanut naapertuunnissaat qulakkiissallugu. Ulluinnarni sulininni ataqatigiissitsinermik suleqatigiit IBM-imiittut programmeerinermik isumaginnittuusut suleqatigissavatit, ataqatigiissaarinikkulli pingaarnertut akisussaaffigisassatit tassaassapput:

  • Suliffeqarfik peqatigalugu pisariaqartitanut, piumasaqaatinut periarfissanullu naatsorsuutigineqartunik naleqquttunngorsaaneq
  • Suliaqarfimmut tunngatillugu kaammattuuteqarneq/ best practice
  • Suliffeqarfik peqatigalugu piumasaqaatinut nassuiaasiorneq
  • IBM-imi ataqatigiissitsinermik suleqatigiinnut SPOC-itut inissisimaneq (single-point-of-contact)
  • Suliffeqarfik IBM-ilu peqatigalugit eqqortumik misileraasoqarnissaanik qulakkeerinninneq
  • Nakkutilliisoqarnissaanik qulakkeerinninneq
  • IBM suleqatigalugu ataqatigiissitsinermi kukkunernik isumaginninneq
  • Takussutissiornissamik qulakkeerinninneq

 

Akisussaaffeqarfiit pingaarnerit tassaassapput:

  • Ataqatigiissitsinermut akisussaasuuneq:
    • Ataqatigiissitsinernik suliffeqarfiup pisariaqartitaanut ikorfartuutaasunik ineriartortitsineq
    • Nakkutilliineq, kukkunernik isumaginninneq, takussutissiorneq

Saniatigut aamma Master Data Managementimut E.A-mullu pingaarnertut akisussaasuussaatit.

Atorfik Nuummi qullersaqarfimmi Qarasaasialeriviup ataani Suliniutinut allaffimmi inissisimaffeqarpoq.

Suliniutinut allaffimmi arfineq-marlunnik suleqateqassaatit, taakkulu tamarmik immikkut Qarasaasialeriviup sinneranut sullissinikkut pingaarutilinnik suliaqarput. Soorlu assersuutigalugit Suliniutinik aqutsineq, Change Management, Release aamma Deployment, ataatsimoortitsineq, Enterprise Arkitektur kiisalu umiarsualivinni terminalinut systeminik ineriartortitsineq.

Suliniutinut allaffimmi ineriartortuarnissaq nioqqutinillu pitsaalluinnartunik piffissaq eqqorlugu tunniussinissaq pingaartitaraarput.

 

Qinnuteqartumut naatsorsuutigisat:

  • BA-tut qaffasissusilimmik ingerlaqqiffiusumik ilinniagaqassaatit imaluunniit ataqatigiissitsinernik ineriartortitsineq minnerpaamik ukiunik marlussunnik misilittagaqarfigalugu
  • Misissueqqissaarnikkut teknikkikkullu piginnaasaqarluarputit
  • Suliassat ataqatigiissaakkat annertuut paasilluarsinnaavatit systeminullu paasisimasaqarluartuullutit
  • Tuluttut allassinnaallutillu oqalussinnaavutit

Tamakku saniatigut suliniuteqallaqqissuuvutit suliassallu namminersuullugit suliarisinnaallugit. Suleriaatsinut isornartorsiortuuvutit ajornartorsiutillu pilersut aaqqiissuteqarfigisarlugit. Suliarpassuit ataatsikkut ingerlassinnaavatit suliffimmilu piffissaliussat sukannersut sungiusimallugit.

 

Neqeroorutigaavut

Suliffeqarfimmi avatangiisigissaartumi aallussisunik sulisoqartumi unammillernartunillu pissanganartunik suliassaqarfimmi atorfininneq. Suliffeqarfik niuernermi pissutsit malillugit akissarsiaqartitsisarpoq, atorfeqartitaanermilu atugassarititaasut allat pitsaasumik inissisimallutik. Suliffeqarfimmi atorfiniffigisassami aqutsineq, sulisunillu ineriartortitsineq pikkorissaanerlu ukkatarineqarput.

 

Paasissutissat sukumiinerusut

Atorfik pillugu paasisaqarnerorusukkuit Suliniuteqarnermut pisortaq Gustav Fischer oqarasuaatikkut + 299 34 91 53-imut saaffigineqarsinnaavoq.

 

E-mailikkut qinnuteqaatinik tigusineq ajorpugut, nittartakkatsinniit qinnuteqassaatit.

 

Atorfininneq: Piaarnerpaamik, qinnuteqartorli uagutsinnut tulluarneq utaqqisinnaavarput.
Qinnuteqarfissaq kingulleq: novembarip 30-ani 2019
Qinnuteqaatit: Ingerlaavartumik suliarineqassapput
Oqaloqatiginninnerit: Nuummi ingerlaavartumik ingerlanneqassapput

 

Atorfik ugguuna qinnuteqarfigiuk